نهاية الكلام عن اسعار صيانات التوكيل

[maio_do]

بسم الله الرحمن الرحيم

السلام عليكم ورحمه الله وبركاته

كل ماتكلم واحد يقولك مشاكل العربية فى التوكيل واسعار الصيانات وبلا بلا بلا

فانا قلت اشوف صيانه اقرب عربية فى السعر فى الكورى وهى الاكسنت ار بى ولانها انجح من الريو

صيانه العشر الاف للاكسنت بتكلف 600 جنية ولينا 600 نفس السعر ودى مشاركة فى 11/2013 عن سعر الصيانه للكورى

هدتفع حوالي 300 جنيه لو من غير زيت لاني في صيانه 10000 دفعت 600 جنيه بلزيت وفي الصيانه يتم تربيط العفشه رجلاش الفرامل تزويد السوائل لو فيها نقصان زي مياه الريداتير او المساحات وتنظيف فلتري الهواء والتكييف وشكرا

كده اللى يجى يقولك اسعار توكيلاك خيالية ترد عليه وانت متاكد انه نفس السعر :b4_237:

[J A G U A R]

المشكله فى قطع الغيار نفسها

[maio_do]

المشكله فى قطع الغيار نفسها

قالوا ان اسعار قطع غيار البيجو رخصت ونزلوا اسعارها المفروض علشان انا او حضرتك نتكلم نجيب اسعار قطع الغيار للعربيتين ونبدأ نقارن انا ماعتقدش ان هيواندى وكيا بعد رفع اسعار العربيات كده اسعار قطع غيارهم هتبقى رخيصة ويا ريت حد يفيدنا فى الموضوع ده شكرا لمرورك

[amrelsaqqa]

اسعار قطع غيار الاكسنت من التوكيل ( وكلها اغلى من البيجو 301 ما عدا المقص اللى لا يقارن اطلاقا بمقص البيجو اللى انقذ حياتى وانقذ العربية بعد ربنا )

والاسعار دى في اخر 2013 والمصدر من هنا نايل موتورز

http://www.nilemotors.net/Nile/3875243001-post28.html

كبوت 1980
رفرف 725
صدر 1650
طنبوره 850
تيل امامى 575
تيل خلفى 550
فانوس امامى 1550
فانوس خلفى 900
باب امامى 2500
باب خلفى 2500
بوجيهات 165
فلتر بنزين 200
سير مجمع 220
فلتر هواء 95
زجاج امامى على حسب لو فيه النضاره الخضراء يبقى 2250 لو ساده يبقى 1850
زجاج باب 550
دلايه 60
مرايا كامله بالغماز 1250
كارتيره زيت محرك 220
كوبلن 3000
مساعد خلفى 850
مساعد امامى 850
مقص امامى 850
دونجل خلفى 3500

[J A G U A R]

الاسعار دى غاليه جدا يا جماعه

انا كنت جايب لعربيتى اوبترا فانوس امامى من التوكيل كان ب 450 وفانوس خلفى كان بردو فى الحدود دى

واربع طاسات كانو ب 480

[maio_do]

اسعار قطع غيار الاكسنت من التوكيل ( وكلها اغلى من البيجو 301 ما عدا المقص اللى لا يقارن اطلاقا بمقص البيجو اللى انقذ حياتى وانقذ العربية بعد ربنا )

والاسعار دى في اخر 2013 والمصدر من هنا نايل موتورز

http://www.nilemotors.net/nile/3875243001-post28.html

كبوت 1980
رفرف 725
صدر 1650
طنبوره 850
تيل امامى 575
تيل خلفى 550
فانوس امامى 1550
فانوس خلفى 900
باب امامى 2500
باب خلفى 2500
بوجيهات 165
فلتر بنزين 200
سير مجمع 220
فلتر هواء 95
زجاج امامى على حسب لو فيه النضاره الخضراء يبقى 2250 لو ساده يبقى 1850
زجاج باب 550
دلايه 60
مرايا كامله بالغماز 1250
كارتيره زيت محرك 220
كوبلن 3000
مساعد خلفى 850
مساعد امامى 850
مقص امامى 850
دونجل خلفى 3500

والله يا عمرو لسه بقلب علشان انزلها والواحد المفروض ينشر الكلام ده فى مواضيع لوحدها علشان اللى ميعرفش يعرف مع الفرق بين ال 301 والاكسنت ار بى

[HOSSAM99]

و عليكم السلام و رحمة الله و بركاته
أكثر شئ بيضايقني اللي يقولك دي قطع غيارها غاليه بدون ما يسأل بالويم
يعني لما كاتينة الماتريكس اللي هي الفيرنا و الإلنترا 2005 و الجيتز 1.6 تبقي 490 قبل الضريبه بعد الضريبه تخش في 540 جنيه (من سنة أكيد الأسعار ولعت ) و دلوقتي كاتينة الـ301 481 قبل الضريبه يبقي أزاي نقارن و أزاء نقارن أصلا بين الباكينج الفرنساوي جايلك السير و البليتين في علبة مقفوله صنع في فرنسا و بين سيور دونجل كوري
و بالنسبه للسير المجموعه أنا شاكك في السعر اللي منزله أستاذي عمرو السقا علشان أنا جايبه لل407 من التوكيل 177 معرفش بتاع ال301 أغلي و لا أيه
و تيل الإلنترا hd ب600 و حاجه
و اللانسر الكاتينه و السيور و البلي بتخش في 1200 جنيه و مفيش عربيه لانسر في مصر بتركب كاتينة أصليه و لا سير أصلي إلا الناس اللي فاهمه

نيجي بيق أحنا بنحس بغلو قطع غيار البيجو ليه علشان بنقارنها بالمضروب اللي من التوفيقيه و محلات فيصل الكوري اللي بيديك تيل جولد بـ45 جنيه و سير كاتينة بـ65 جنيه و يقولك كونتننتال
و اللي يتكلم علي التوكيل يبقي ما شفش غبور و أبو الفتوح و منصور ... توكيلها مش واو لكن تعرف تتعامل معاه عن التلاته اللي فاتو دول
العربيه حلوة و أقتصاديه و مميزة و ربنا يبارك لأصحابها

[Hema_Basha]

ماشي يا محمود بس حاجتهم مش غالية بس حرام اغير تيل مرتين وانا عامل 18000 كم ده علي كده بقي لو مكنتش لسه في الضمان كنت هدفع تمنهم ده غير الطنابير طبعا
بس عموما هو قدامهم فرصة معايا واشوف التيل ده هيعمل ايه لقيته زي اللي فاتوا يبقي الحل الوحيد ان اشوف اي نوع تاني غير بتاعهم

[faroojj]

المشكلة مش فى أسعار قطع الغيار المشكلة فى التغيير المبكر لقطع الغيار ( تيل فرامل , بوجيهات . فلتر تكييف , فلتر هواء .................

[raad13]

المشكلة ان غالبية الناس الي اشترت بيجو 301 (و انا منهم) كانوا راكبين عربيات قديمة شوية و بقالهم سنين مش بيروحوا توكيلات لكن في الواقع اسعار توكيل بيجو متفرقش حاجة عن كل التوكيلات في مصر و يعتبر ارخص توكيل اوروبي!! الي عايز يشوق التقليع بجد يروح توكيل سكودا مثلا

[ahmedz310]

المشكلة مش في اسعار قطع الغيار المشكلة في مدي كفاءة قطع الغيار وجودتها وعمرها الإفتراضي !!

[m mosalam]

ياجماعة كل التوكيلات اسعارها غالية لان قطع غيارها اصلى المهم هو مدى اعتمادمية قطع الغيار وانها تفرق عن اللى بيتباع خارج التوكيل ساعتها تستاهل الفلوس لكن لو هى نفس اللى بيتباع برة يبقى استهبال

[toty_305]

-يا باشا ال rb قطع غيارها غالية و عارفين من قبل الشراء مش رفعت بعد الشراء

-اﻷخ اللي ورا اللي بيتكلم على اﻷعتمادية sparkplugs طالعه عندي زيرو على 20 الف كيلو مش كل عشرة آلاف بوجيهات

اﻷخ الآخر انا عامل 25 الف بالتيل. الاصلي و لسه مليان :P

-يا ريت محدش يجيب سيرة ال Rb تاني عشان كوري ووحشة و مقصها مش حلو :D

مساء الخير.

[toty_305]

-بتفكروني بالظبط بنيسان صني الجديدة اول ما نزلت قعدوا يشعروا في أدائها و ثباتها و بعد ما اتفقست قالك دي city car و انت عايز ايه اكتر من 120 و جو العقل بقى مسيطر :D
-الخلاصة لازم تعترف بالعيب و على فكرة مش عيب انا لما حد بيسألني عن عيوب سيارتي بقطعها عيوب...

-دلوقتي حضرتك معاك سيارة بيجو و اوروبي وواثق فيها حركة زي دي و بصوا الكوري و معرفش ايه ده كلام حبه ثقة في البيجو يرحمكم الله ...

-دلوقتي أي واحد عنده logic و منطقي بيتكلم في بيجو و اعتمادية و بص الاكسنت التعبانة نفس الاسعار...أثبت بقى بالتجربة العملية قطع غيار بتطلع زي بوجيهات في عربية 10 الاف كيلو يعني كبسه و ادائه 99 % بتطلع مهببه و هلكانه يبقى اعتماديه نايمة يعني تكون مسافر و العربية تعطل عشان بوحيهات دي عربيات موديل80 مش بتعملها و تيل و بتاع

-دا يا راجل يا مؤمن واحد بيقول لمض الفرامل لونها مش أحمر قوي قاله آه عشان بيجو عارفه انه يمكن يوجع العين طيب بالنسبة للمرسيدس الاحمر عندهم ايه :D

-بس انا بمسك للناس هنا في المنتدى على نوعين عندي منهم حساسية مفرطة الناس اللي بت-Fake واللي بت- over-rate
-وقت ما أشتريت العربية مكنش فيه 301 لو فيه كنت هشتريها لو استريحت ليها بس عمري ما ه-over rate لاي سبب
-

-أعذروني على صراحتي بس عشان الناس هتقول متحيز و بتاع حبيت أقول وجه نظري

[amrelsaqqa]

-بتفكروني بالظبط بنيسان صني الجديدة اول ما نزلت قعدوا يشعروا في أدائها و ثباتها و بعد ما اتفقست قالك دي city car و انت عايز ايه اكتر من 120 و جو العقل بقى مسيطر :D
-الخلاصة لازم تعترف بالعيب و على فكرة مش عيب انا لما حد بيسألني عن عيوب سيارتي بقطعها عيوب...

-دلوقتي حضرتك معاك سيارة بيجو و اوروبي وواثق فيها حركة زي دي و بصوا الكوري و معرفش ايه ده كلام حبه ثقة في البيجو يرحمكم الله ...

-دلوقتي أي واحد عنده logic و منطقي بيتكلم في بيجو و اعتمادية و بص الاكسنت التعبانة نفس الاسعار...أثبت بقى بالتجربة العملية قطع غيار بتطلع زي بوجيهات في عربية 10 الاف كيلو يعني كبسه و ادائه 99 % بتطلع مهببه و هلكانه يبقى اعتماديه نايمة يعني تكون مسافر و العربية تعطل عشان بوحيهات دي عربيات موديل80 مش بتعملها و تيل و بتاع

-دا يا راجل يا مؤمن واحد بيقول لمض الفرامل لونها مش أحمر قوي قاله آه عشان بيجو عارفه انه يمكن يوجع العين طيب بالنسبة للمرسيدس الاحمر عندهم ايه :D

-بس انا بمسك للناس هنا في المنتدى على نوعين عندي منهم حساسية مفرطة الناس اللي بت-Fake واللي بت- over-rate
-وقت ما أشتريت العربية مكنش فيه 301 لو فيه كنت هشتريها لو استريحت ليها بس عمري ما ه-over rate لاي سبب
-

-أعذروني على صراحتي بس عشان الناس هتقول متحيز و بتاع حبيت أقول وجه نظري

طب وتفتكر يعنى شركة بيجو بقالها 190 سنة بتصنع عربيات ومش عارفة تعمل عربية مظبوطة لحد دلوقتى مثلا ؟
انت اللى كلامك غريب على فكرة
وبرضه نور الفوانيس اللى بتعيب على تبرير الناس ليه ، برضه شايف ايه ؟ يعنى شايف برضه انهم فشلوا يعملوا باغة بتدي اضاءة حمرا ! ، ولما نقول انها موجودة في بعض عربيات البي ام و عربية كمان على بالى دلوقتى هى الدايهاتسو تيريوس يبقى بطمن الناس مش اكتر ان دى حاجة عادية وموجودة في عربيات تانية ، لا بـ fake ولا بـ over rate !


اه الكوري وحش وانا لسة مقتنع بكدة ، انا حر وكفاية الزميل اللى نزل من النترا اللى هى اعلى من الاكسنت اصلا وقال ثبات الـ 301 احسن منها ..


التيل بتاع الـ 301 لو خلص عند 5000 كيلو برضه مش بيعيب العربية وقلنا 100 مرة الحركة دى ظهرت في نيسان واوبل وتويوتا وبي ام ، بس معلش كل دول ما بيعرفوش يعملوا العربيات زي ما هيونداى ابدعت في الاكسنت

تيل الاكسنت ده لو قعد 100 الف كيلو مش هو اللى هيرفع اسهمها للسما ومش هو مقياس الاعتمادية ، عربية ما بتفرملش اصلا ، تيلها هيخلص ليه اساسا :D


البوجيهات مشاكل فردية وما سمعتش انها طلعت مهببة عند حد ، كل الموضوع ان ناس اشتكت من استهلاك البنزين التوكيل قاللهم اما نغيرلكوا البوجيهات ، وفي العادى لو البوجيهات اتغيرت على 20 ، ده طبيعى جدا وده في الرينج الطبيعى لعمر البوجيهات ، مش تقوللى عربية موديل 80 والكلام ده !


انا زعلت منك لانك لمحت في الكلام انى انا من الناس اللى بتـ fake او overrate ، ومساء الخير والمقص وبتاع ، انا عارف كويس انا بعمل ايه وكل الناس عارفة انى بقول عيوب العربية قبل مميزاتها وما باجبرش حد يشتريها
الناس هنا بتتكلم بكل شفافية ووضوح وكلنا اخوة وبنخاف على بعض بجد ، وقلنا هنعمل الشكوى عشان عايزين اداء افضل من كدة من التوكيل لا اكثر ولا اقل ولو احنا over rate ليه هنشوه سمعة العربية ونعمل موضوع الشكوى ع المنتدى .. ؟



اما بالنسبة للمقص فمساء النور ، وعلى فكرة هجيبلك صورة مقص عربيتى اللى اتغير بعد ما امتص خبطة العربية كلها على سرعة في حدود الـ 100 والعربية وقفت في مكانها لا عدت الناحية التانية ولا دخلت في عمود بفضل الله وحده اولا واخيرا ، واوريك شكل المقص عامل ازاى بعد كل ده ، ولو انى مش مضطر اعمل كدة بس ما علينا وكفاية انى شفت حادثة لعربية سيراتو (كوري) جابت مقص زي عربيتى مع خبطة على نفس السرعة مع الفارق ان ايرباجات فتحت و قنطرة وقصص كبيرة .. ، والريو اللى عملت حادثة هنا برضه وصاحبها نفسه اتصدم من اداء المقص وقال عليه انه طلع "معجون" من الخبطة بمعنى الكلمة ، يبقى انا لما بقول كدة مش بتكلم من وحى خيالى .. عيب اوى الكلام ده ياباشا :)