ضمان اجزاء السيارة 301 ... ؟؟؟

[Ramy Hazem]

السلام عليكم اعضاء المنتدي الكرام

انا متابع كمية الشكاوي من الاعضاء علي التوكيل وقطع واجزاء السيارة المستهلكة
انا عملت الموضوع ده علشان اعرف وكل الي ميعرفوش يعرفو ويستفيدو من خبرة قداما الاعضاء والسواقين المحترفين ..

انا وكثير من الاعضاء عايزين نعرف ... هو الضمان علي اجزاء السيارة اد ايه ؟؟؟ بمعني وعلي سبيل المثال : لو فرضنا ان تيل الفرامل مثلا باظ امتي يتغير علي حسابي وامتي علي حساب التوكيل ؟؟ وايه هي مده صلاحيته عموما ؟؟
ده الي اقصده الضمان الي مدفعش في التغيير اي حاجة
بالاضافة الي مده صلاحية القطعة

اشكركم مقدما

تحياتي

[amrelsaqqa]

ضمان التيل 10,000 كيلو ، 10,001 بتاعك انت

[m.basha]

ضمان التيل 10,000 كيلو ، 10,001 بتاعك انت

باشا طيب اعتقد فى ناس غيرته على حسابهم فى التوكيل و قبل ال 10000 كيلو مش عارف الكلام ده صح و لا بيتهيأالى

[faroojj]

متابع

[abohend]

مش 10 آلاف

مفيش حاجة بتقول الضمان على كل جزء أد ايه بالتفصيل
الضمان على جميع اﻷجزاء و الدهان و العفشة و ...إلخ 3 سنوات أو 100 ألف أيهما أقرب

Medori غير تيل على 8000 و 18000 و المرتين على حسابه
التوكيل بيقول دي قطعة إستهلاكية تعتمد على إستخدام العميل و بيرفض يغير على حساب الضمان

نص الكلام صح....دي قطعة إستهلاكية و بتعتمد على سواقة العميل
لكن النص الغلط إن التيل سئ و الجميع غيروه و ده دليل إنه غير معمر و عشان كده كان لازم يتغير في الضمان و بتيل مختلف معمر

و لو فعلا ضمان التيل 10 آلاف كان الناس غيرته ببلاش في الصيانة
لكن الواقع إن الكل دفع

[amrelsaqqa]

مفيش حاجة بتقول الضمان على كل جزء أد ايه بالتفصيل
الضمان على جميع اﻷجزاء و الدهان و العفشة و ...إلخ 3 سنوات أو 100 ألف أيهما أقرب

Medori غير تيل على 8000 و 18000 و المرتين على حسابه
التوكيل بيقول دي قطعة إستهلاكية تعتمد على إستخدام العميل و بيرفض يغير على حساب الضمان

نص الكلام صح....دي قطعة إستهلاكية و بتعتمد على سواقة العميل
لكن النص الغلط إن التيل سئ و الجميع غيروه و ده دليل إنه غير معمر و عشان كده كان لازم يتغير في الضمان و بتيل مختلف معمر

و لو فعلا ضمان التيل 10 آلاف كان الناس غيرته ببلاش في الصيانة
لكن الواقع إن الكل دفع

المشكلة يا ابو هند ان مفيش reference او اتفاقية انت شايفها بينك وبينهم
في عضو مش فاكر battot90 ولا حد تانى غير التيل على 9900 في الضمان ، وقالوله تعالى تانى يوم بس ما تعديش الـ 10000 عشان ما تخرجش من ضمان التيل
طبعا لو ظهر مشكلة عامة في التيل ولو ان ممكن ناس كتير اوى تغير قبل 10000 ، الكلام هيتغير without notice وهيقولك مفيش الكلام ده ..

اما بالنسبة لضمان الدهان ، يعنى ايه ضمان الدهان ؟ انا عندى حتة صغيرة قشرت في السقف للاسف تقريبا بسبب زلطة خبطت فيه وانا ماشى ، ازاى هيضمنوا حاجة زي كدة ، ولو فرضنا هيضمن الدهان ، هيعمل ايه يعنى هيدينى عربية جديدة ، اخره هيقولك نرش الجزء ده على حسابنا وشكرا !

[abohend]

شروط الضمان

المشكلة يا ابو هند ان مفيش reference او اتفاقية انت شايفها بينك وبينهم
في عضو مش فاكر battot90 ولا حد تانى غير التيل على 9900 في الضمان ، وقالوله تعالى تانى يوم بس ما تعديش الـ 10000 عشان ما تخرجش من ضمان التيل
طبعا لو ظهر مشكلة عامة في التيل ولو ان ممكن ناس كتير اوى تغير قبل 10000 ، الكلام هيتغير without notice وهيقولك مفيش الكلام ده ..

اما بالنسبة لضمان الدهان ، يعنى ايه ضمان الدهان ؟ انا عندى حتة صغيرة قشرت في السقف للاسف تقريبا بسبب زلطة خبطت فيه وانا ماشى ، ازاى هيضمنوا حاجة زي كدة ، ولو فرضنا هيضمن الدهان ، هيعمل ايه يعنى هيدينى عربية جديدة ، اخره هيقولك نرش الجزء ده على حسابنا وشكرا !

في اتفاق
بس كله لصالحهم
اﻹتفاق من على موقعهم بيقول مدة الضمان و الضمان على ايه و شروط الضمان
يعني مثلا شروط الضمان إنه مسئول عن عيوب الصناعة و ليس سوء اﻹستخدام
فمثلا مرة يغيره الخرطوم المقطوع على حسابهم و بعد كده يقولك دي مشكلة الراجل بتاع المرور
مين اللي بيحدد...هما
و زي أنت مبتقول..في واحد زي بطوط غيروا التيل على حسابهم
و بعد كده بعد إنتشار المشكلة قالوا ده عيب إستهلاك و غير أنت على حسابك
يعني على رأي المتنبي كده
فيك الخصام و أنت الخصم و الحكم

عشان كده الضمان في حد ذاته مش هو الضامن اﻷهم سمعة الوكيل
و دع اللي بيتفوق فيه رينو و كيا مع الشركة العالمية


بالنسبة للدهان
اﻹيمجراند أول ما نزلت كان ضمان السيارة 3 سنين و الدهان سنة واحدة
و فعلا الدهان كان بيبطع و يبهت من الشمس

بعد علاج المشكلة السيارة بقى ضمان الدهان 3 سنين

و طبعا الضمان لا يشمل الحوادث زي حالتك
يعني الحكات و الزلط و الكلام ده هو ملوش دعوة بيه

النقطة المهمة بقى بالنسبة للوكيل في شروط الضمان هي
إجراء جميع الصيانات الدورية بالتوكيل
ﻷن ده مصدر رزقهم الرئيسي
و عشان كده إن شاء الله مش ناوي أنفعهم و مش هعمل غير صيانة ال2500 عشان مجانية
تحياتي

[فهد المصرى]

في اتفاق
بس كله لصالحهم
اﻹتفاق من على موقعهم بيقول مدة الضمان و الضمان على ايه و شروط الضمان
يعني مثلا شروط الضمان إنه مسئول عن عيوب الصناعة و ليس سوء اﻹستخدام
فمثلا مرة يغيره الخرطوم المقطوع على حسابهم و بعد كده يقولك دي مشكلة الراجل بتاع المرور
مين اللي بيحدد...هما
و زي أنت مبتقول..في واحد زي بطوط غيروا التيل على حسابهم
و بعد كده بعد إنتشار المشكلة قالوا ده عيب إستهلاك و غير أنت على حسابك
يعني على رأي المتنبي كده
فيك الخصام و أنت الخصم و الحكم

عشان كده الضمان في حد ذاته مش هو الضامن اﻷهم سمعة الوكيل
و دع اللي بيتفوق فيه رينو و كيا مع الشركة العالمية


بالنسبة للدهان
اﻹيمجراند أول ما نزلت كان ضمان السيارة 3 سنين و الدهان سنة واحدة
و فعلا الدهان كان بيبطع و يبهت من الشمس

بعد علاج المشكلة السيارة بقى ضمان الدهان 3 سنين

و طبعا الضمان لا يشمل الحوادث زي حالتك
يعني الحكات و الزلط و الكلام ده هو ملوش دعوة بيه

النقطة المهمة بقى بالنسبة للوكيل في شروط الضمان هي
إجراء جميع الصيانات الدورية بالتوكيل
ﻷن ده مصدر رزقهم الرئيسي
و عشان كده إن شاء الله مش ناوي أنفعهم و مش هعمل غير صيانة ال2500 عشان مجانية
تحياتي

باشا تانى مشاركة ليا تعقيب برضه عليك وانا مفيش حاجة بتخلينى اشارك الا نادرا

هو فى حاجة بين حضرتك والتوكيل مثلا؟؟
يعنى حضرتك موظف فيه ورحت شركة تانية ؟؟

فى الاول قلت موضوع التيل والضمان ده عندك حق فيه لكن اللى انا شايفه ان حضرتك شايف ان اللى انت بتقول بس هو الصح رغم ان حضرتك لو ركزت صح فى كلام استاذ عمرو السقا هتلاقى ان هو بيقولك العضو غير التيل على حساب الضمان مش على حسابه الشخصى يبقى فين المشكلة , انا مع الاستاذ عمرو فى ان فى مشكلة فى الشفافية من حيث انه لازم يوضح ضمان كل حاجة لكن حضرتك لسه معملتش 2500 كم وبتقدر البلاء قبل وقوعه ,
استاذ ابو هند انت عامل مجهود رائع وباحترم فيك انك بتعافر عشان حقك لكن فى حاجات صغيرة تاكدلى ان فى حاجات كيدية
وبالنسبة لنقطة الضمان مفيش شركة تقدر تخلى كل شروط الضمان لمصلحتها وانا كانت شركة احتكارية اكيد لينا حق وانا بحيى فيك مرة تانية روحك فى الحصول على حقك وبالروح دى هنقدر نعرف حقوقنا ايه مع الشركة ونجيبها
تحياتى ليك

[hazem_alaedin]

أنا بصراحة التوكيل هنا فى الأسكندرية غيرلى التيل على 6500 كم على حسابهم !!

[m.basha]

باشا تانى مشاركة ليا تعقيب برضه عليك وانا مفيش حاجة بتخلينى اشارك الا نادرا

هو فى حاجة بين حضرتك والتوكيل مثلا؟؟
يعنى حضرتك موظف فيه ورحت شركة تانية ؟؟

فى الاول قلت موضوع التيل والضمان ده عندك حق فيه لكن اللى انا شايفه ان حضرتك شايف ان اللى انت بتقول بس هو الصح رغم ان حضرتك لو ركزت صح فى كلام استاذ عمرو السقا هتلاقى ان هو بيقولك العضو غير التيل على حساب الضمان مش على حسابه الشخصى يبقى فين المشكلة , انا مع الاستاذ عمرو فى ان فى مشكلة فى الشفافية من حيث انه لازم يوضح ضمان كل حاجة لكن حضرتك لسه معملتش 2500 كم وبتقدر البلاء قبل وقوعه ,
استاذ ابو هند انت عامل مجهود رائع وباحترم فيك انك بتعافر عشان حقك لكن فى حاجات صغيرة تاكدلى ان فى حاجات كيدية
وبالنسبة لنقطة الضمان مفيش شركة تقدر تخلى كل شروط الضمان لمصلحتها وانا كانت شركة احتكارية اكيد لينا حق وانا بحيى فيك مرة تانية روحك فى الحصول على حقك وبالروح دى هنقدر نعرف حقوقنا ايه مع الشركة ونجيبها
تحياتى ليك

السلام عليكم استاذ فهد للامانة الراجل الطيب ابو هند ما فرضشى على حد انه مايروحشى التوكيل و يعمل الصيانات بره الرجل قال وجهة نظرة الشخصية اللى هو بيفكر يعملها مش معنى كده ان الناس تمشى و راه يعنى انا عن نفسى حاتابع مع التوكيل لحد ما الضمان يخلص سواء كيلومتر او مده ال 3 سنوات ايهما اقرب اعتقد كل واحد فينا فيه مخ و عقل و ممكن يحسبها و يشوف هو مرتاح فى ايه فياريت منحملشى الراجل الموضوع كله عشان قال اقتراح شخصى دى وجهة نظرى المتواضعة عشان ما نظلمشى حد سواء ابو هند او غيره و تفضل مرورى و شكرا

[abohend]

ياااه هي وصلت لكيدية

باشا تانى مشاركة ليا تعقيب برضه عليك وانا مفيش حاجة بتخلينى اشارك الا نادرا

هو فى حاجة بين حضرتك والتوكيل مثلا؟؟
يعنى حضرتك موظف فيه ورحت شركة تانية ؟؟

فى الاول قلت موضوع التيل والضمان ده عندك حق فيه لكن اللى انا شايفه ان حضرتك شايف ان اللى انت بتقول بس هو الصح رغم ان حضرتك لو ركزت صح فى كلام استاذ عمرو السقا هتلاقى ان هو بيقولك العضو غير التيل على حساب الضمان مش على حسابه الشخصى يبقى فين المشكلة , انا مع الاستاذ عمرو فى ان فى مشكلة فى الشفافية من حيث انه لازم يوضح ضمان كل حاجة لكن حضرتك لسه معملتش 2500 كم وبتقدر البلاء قبل وقوعه ,
استاذ ابو هند انت عامل مجهود رائع وباحترم فيك انك بتعافر عشان حقك لكن فى حاجات صغيرة تاكدلى ان فى حاجات كيدية
وبالنسبة لنقطة الضمان مفيش شركة تقدر تخلى كل شروط الضمان لمصلحتها وانا كانت شركة احتكارية اكيد لينا حق وانا بحيى فيك مرة تانية روحك فى الحصول على حقك وبالروح دى هنقدر نعرف حقوقنا ايه مع الشركة ونجيبها
تحياتى ليك

يظهر الناس ترجمت الموضوع بشكل مختلف عن المتوقع
أنا يا سيدي الفاضل مهندس بترول
و لا عمري إشتغلت فتوكيل سيارات و لا كان بيني و بينهم تجارة
حتى صيانة ال2500 لسه مش عملتها...يعني محصلش بيني و بينهم أي تاتش
أنا من ملاك السيارة و بشكر في أداءها و مازلت بقول إنها أفضل سيارة في فئتها
لكن من واقع تجربتي مع السيارة السابقة 206 توكيل بيجو غالي و بيريح دماغه
و كنت بعمل الصيانات بره للسبب ده و اﻹصلاحات بقوم بيها فالتوكيل
بعد إنتشار 301 كنت عايز أغير أسلوبي و أعتمد على الوكيل بعد شراكة شركة القاهرة مع أباظة
لكن الواضح من تقارير جميع الزملاء عن الصيانات إن آداء الوكيل مازال ضعيف و لا يتماشى مع طفرة المبيعات بسبب 301 و 2008
موضوع الشكوى أنا عملته لعل و عسى الحال يتغير و نقدر نضغط على الوكيل
و كملاك نحصل على خدمة أحسن

أنا هفترض سلامة النية
أنا مش عارف حضرتك

لكن أنا برفض أي إتهام و بعتبره إهانة تستوجب اﻹعتذار
الموضوع هيظل مفتوح بإذن الله...و الحمد لله أنا عملته لوجه الله أولا زي التقرير بالضبط
و ثانيا لخدمة جميع الملاك
و هقفله لو الملاك إعتبروا الموضوع تشويه غير مبرر أو تجني على التوكيل (أقصد اﻷعضاء المعروفين من الملاك)
أي عضو الخيارات أمامه مفتوحة أنا مخدتش من حد توكيل للتصرف باسمه
حتى البيانات رفضت عرضها حتى لا تستغل إستغلال سئ

كمالك للسيارة مازلت شايف آداء التوكيل ضعيف و فيه نوع من اﻹستغلال و عشان كده هعمل الصيانات بره
و لو التوكيل ظلمني في أي تصرف
هعمل شكاوى ﻷعلى مستوى و هنشر الفواتير و التجربة للناس
و لو رحت الصيانة و أرتحت..برضه هقول برافو و هنشر الموضوع للناس

للعلم بالنسبة لي حتى اﻵن لا توجد شكوى من السيارة من حيث اﻵداء أو التقفيل أو غيره
و على العكس التوكيل كان حريص في مرحلة المبيعات على تسليمي في أقرب فرصة و أنا قلت الكلام ده قبل كده
و إضافة لكده عمل معايا واجب تاني بس مقدرش أقوله بناءا على طلبهم

تحياتي

[abohend]

جميل

أنا بصراحة التوكيل هنا فى الأسكندرية غيرلى التيل على 6500 كم على حسابهم !!

ده شئ جميل
و ده بيأكد أن التيل ردئ
لكنها خطوة كويسة إنهم يعترفوا بده و يغيروا على حسابهم
أدينا منتظرين
عمرو رايح قريب و نشوف هيعملوا معاه ايه

[Hema_Basha]

يظهر الناس ترجمت الموضوع بشكل مختلف عن المتوقع
أنا يا سيدي الفاضل مهندس بترول
و لا عمري إشتغلت فتوكيل سيارات و لا كان بيني و بينهم تجارة
حتى صيانة ال2500 لسه مش عملتها...يعني محصلش بيني و بينهم أي تاتش
أنا من ملاك السيارة و بشكر في أداءها و مازلت بقول إنها أفضل سيارة في فئتها
لكن من واقع تجربتي مع السيارة السابقة 206 توكيل بيجو غالي و بيريح دماغه
و كنت بعمل الصيانات بره للسبب ده و اﻹصلاحات بقوم بيها فالتوكيل
بعد إنتشار 301 كنت عايز أغير أسلوبي و أعتمد على الوكيل بعد شراكة شركة القاهرة مع أباظة
لكن الواضح من تقارير جميع الزملاء عن الصيانات إن آداء الوكيل مازال ضعيف و لا يتماشى مع طفرة المبيعات بسبب 301 و 2008
موضوع الشكوى أنا عملته لعل و عسى الحال يتغير و نقدر نضغط على الوكيل
و كملاك نحصل على خدمة أحسن

أنا هفترض سلامة النية
أنا مش عارف حضرتك

لكن أنا برفض أي إتهام و بعتبره إهانة تستوجب اﻹعتذار
الموضوع هيظل مفتوح بإذن الله...و الحمد لله أنا عملته لوجه الله أولا زي التقرير بالضبط
و ثانيا لخدمة جميع الملاك
و هقفله لو الملاك إعتبروا الموضوع تشويه غير مبرر أو تجني على التوكيل (أقصد اﻷعضاء المعروفين من الملاك)
أي عضو الخيارات أمامه مفتوحة أنا مخدتش من حد توكيل للتصرف باسمه
حتى البيانات رفضت عرضها حتى لا تستغل إستغلال سئ

كمالك للسيارة مازلت شايف آداء التوكيل ضعيف و فيه نوع من اﻹستغلال و عشان كده هعمل الصيانات بره
و لو التوكيل ظلمني في أي تصرف
هعمل شكاوى ﻷعلى مستوى و هنشر الفواتير و التجربة للناس
و لو رحت الصيانة و أرتحت..برضه هقول برافو و هنشر الموضوع للناس

للعلم بالنسبة لي حتى اﻵن لا توجد شكوى من السيارة من حيث اﻵداء أو التقفيل أو غيره
و على العكس التوكيل كان حريص في مرحلة المبيعات على تسليمي في أقرب فرصة و أنا قلت الكلام ده قبل كده
و إضافة لكده عمل معايا واجب تاني بس مقدرش أقوله بناءا على طلبهم

تحياتي

احب اضيف حاجة لكلامك يا ابو هند
وللاستاذ فهد ان اكتر حاجة عجبتني هنا في المنتدي واللي حببني في العربية هما الاعضاء الموجودين
لو حضرتك كلفت خاطرك وقرات المواضيع اللي قبل كده هتلاقي كل اللي بيدخل قسم البيجو بيشكر فيه وانه من انشط الاقسام علي المنتدي وده ليه علشان احنا هنا محدش بيضحك علي حد ولو حد سال علي اي حاجة محدش بيبخل علي حد بمعلومة
واذا كان ابو هند انت شايف من وجهة نظرك انه متحامل علي التوكيل شوية فانا اكتر منه لان انا بقي اتقرصت منهم مرتين
وعموما انا احب اشكر شركة بيجو والمنتدي انه عرفني علي ناس محترمة بجد زي استاذ احمد امين واكرم وابو هند وعمرو السقا وبجد انا لما اقعد مع حد بفضل احكيله ان اللي حببني اكتر في العربية اني عرفت ناس زي دي

[Ramy Hazem]

بجد كل يوم الواحد بيكتسب فيه خبرة ومعرفه من المنتدي ده
خبرة التعامل مع السيارة وما يتعلق بيها من صيانة وتوكيل واعطال .. الخ
ومعرفه الناس الكويسة الي بيشاركو بارائهم ومش بيبخلو باي معلومة
اشكركم جميعا علي المشاركة والمعلومات واحب اضيف تجربتي السريعة مع التوكيل في صيانة ال2500 لاني لسة عاملها امبارح

سالت في التوكيل علي موضوع التيل ده قالي ان التيل مش بيتغير الا في صيانة 20000 مش في ال10000 ولو حصل ده مع انه قليل مقارنة بعدد السيارات الي اتعمل ليها صيانة 10000 فده لسوء الاستخدام , واضاف ان فيه شد فرامل اليد والمشي بيها فترة بيساعد علي تاكل التيل " دي معلومة مش عارف مدي صحتها وخصوصا ان لو اتحركت عجلة واحدة وانت رافع فرامل اليد في صفارة بتبتدي تنبهك " بس بعد الصيانة حسيت باختلاف في اداء السيارة سواء في السحب او قوة التكييف

اخيرا انا حتي الان معنديش مشكلة مع السيارة او التوكيل واتمني ان تجارب بعض الاعضاء بخصوص اي مشكلة انها متنتشرش مع كل السيارات علشان ده هيقلل من سمعة السيارة وهيصيب السوق بتخوف من السيارة فمتنتشرش وانا بصراحة عايزها تنتشر :)

تحياتي

[Hema_Basha]

بجد كل يوم الواحد بيكتسب فيه خبرة ومعرفه من المنتدي ده
خبرة التعامل مع السيارة وما يتعلق بيها من صيانة وتوكيل واعطال .. الخ
ومعرفه الناس الكويسة الي بيشاركو بارائهم ومش بيبخلو باي معلومة
اشكركم جميعا علي المشاركة والمعلومات واحب اضيف تجربتي السريعة مع التوكيل في صيانة ال2500 لاني لسة عاملها امبارح

سالت في التوكيل علي موضوع التيل ده قالي ان التيل مش بيتغير الا في صيانة 20000 مش في ال10000 ولو حصل ده مع انه قليل مقارنة بعدد السيارات الي اتعمل ليها صيانة 10000 فده لسوء الاستخدام , واضاف ان فيه شد فرامل اليد والمشي بيها فترة بيساعد علي تاكل التيل " دي معلومة مش عارف مدي صحتها وخصوصا ان لو اتحركت عجلة واحدة وانت رافع فرامل اليد في صفارة بتبتدي تنبهك " بس بعد الصيانة حسيت باختلاف في اداء السيارة سواء في السحب او قوة التكييف

اخيرا انا حتي الان معنديش مشكلة مع السيارة او التوكيل واتمني ان تجارب بعض الاعضاء بخصوص اي مشكلة انها متنتشرش مع كل السيارات علشان ده هيقلل من سمعة السيارة وهيصيب السوق بتخوف من السيارة فمتنتشرش وانا بصراحة عايزها تنتشر :)

تحياتي

الف مبروك علي الصيانة
وليا تعليق صغيرعلي كلمة سوء استخدام ان دي الحجة اللي هما بيقولوها لاي حد فهل يعقل ان الناس اللي بتشتكي من موضوع التيل ده استخدامهم عنيف او بيجروا بالعربية. طبعا لا ومشكلتها هي نفس مشكلة الاليزيه اختها وبعد العربيات اللي عملت صيانة العشرين هما واحد او اتنين والباقي غيروا قبل كده