صيانه ال 6 شهور

[akrambadr]

السلام عليكم

النهارده كلمت التوكيل عشان احجز صيانه ال 6 شهور لاني كنت فاهم ان اعمل صيانه 2500 او 6 شهور ايهم اقرب ولكن المهندس قالي لا صيانه ال 2500 او ال 3 شهور ايهم اقرب
انا دلوقتي 6 شهور وعامل 1500 مش علرف هيعملوا معايه اني صيانه هو قالي
نعمل صيانه ال 2500 وتغير زيت وفيلتر علي حسابك

مش عارف الكلام ده صح ولا وكنت عاوز اعرف هما عيعملوا ايه في الصيانه ديه ولو كانت العربيه مخبوطه قبل كده ده ممكني يطالعها من الضمان ؟

[gergesgeo]

صيانة ال2500 مجرد تربيط عفشة و سوفت وير
الخبطة مالهاش علاقة بالضمان
انا شايف انه استهبال تغير الزيت و الفلتر
الزيت و الفلتر بيتغيرو علي ال 10000 او سنة ايهما اقرب مش ست شهور

[abohend]

إستهبال

زيت ايه على 2500
العربية فيها زيت 10000
متغيرش حاجة و أكتفي بتربيط العفشة و تحديث السفتوير

الخبطات ملهاش دعوة بالضمان
هو في عربية مش بتتخبط؟؟؟
و سيبك من بعبع الضمان و الكلام ده
هما اللي محتاجين فلوس الصيانات مش أنت اللي محتاج ضمان
لو قالك أنت عديت ال3 شهور قول له خلاص مش هعمل صيانات عندكم و أعملها بره أرخص
هيتحايل عليك تعمل صيانة ال2500 ببلاش عشان يضمن إنك تيجي صيانة ال10000

[nonalaziza]

هي دي نفس المشكله اللي هتاوجهني مع بيجو
هو قاله يعمل صيانة العشره لان هما بيعملوها كل عشره او كل ست شهور ايهم اقرب
عو او بيحسب مده ست شهور من بعد صيانه ال 2500 يبقي المفروض يستني 3 شهور كمان
و لو من تاريخ الشرا يبقي فعلاً هيعمل صيانه العشرة دلوقتي.

[فهد المصرى]

زيت ايه على 2500
العربية فيها زيت 10000
متغيرش حاجة و أكتفي بتربيط العفشة و تحديث السفتوير

الخبطات ملهاش دعوة بالضمان
هو في عربية مش بتتخبط؟؟؟
و سيبك من بعبع الضمان و الكلام ده
هما اللي محتاجين فلوس الصيانات مش أنت اللي محتاج ضمان
لو قالك أنت عديت ال3 شهور قول له خلاص مش هعمل صيانات عندكم و أعملها بره أرخص
هيتحايل عليك تعمل صيانة ال2500 ببلاش عشان يضمن إنك تيجي صيانة ال10000

استاذ ابو هند
بعد متابعاتى لمشاركات الاعضاء هنا ملاحظ ان حضرتك مستبيعها مع الضمان وده حقك
لكن مش من حقك انك تخلينا نستبيع مهما كان لان العربية جديدة فى السوق ووارد يحصل اى حاجة جوا الضمان ولو حضرتك عندك قدرة انك تتحمل كل التكاليف دى فى اعضاء كتير هنا مش هيقدروا يتحملوا كل التكاليف دى خصوصا انى عرفت فى التوكيل لما برضه استغليت الاسعار دى _قبل ما اعرف اسعار الصيانات فى التوكيلات التانية_ لو معملتش صيانيتن ورا بعض هاخرج برضه الضمان , وهو معقول مائة او متين جنيه يخرجونى برضه الضمان انا دافع فى عربية مبلغ كبير بالنسبة ليا يبقى اشترى نفسى وعربيتى وبعد الضمان ابقى اختار ما بدالى .
لكن عربية جديدة فى السوق وملهاش قطع غيار كتيرة بره واوروبى وده معروف ان ناس قليلين اللى يعرفوا يشتغلوا فيه يبقى انا اللى باخسر مش التوكيل .

ولو حضرتك سمعنا كلامك ومروحناش التوكيل وخرجنا برضه الضمان هل حضرتك تتحمل اى تكاليف نتيجة توصية حضرتك ؟؟

[necol]

انا ممكن اسمع كلام ابو هند بس لو حصل حاجه كيبرة فى العربية بسبب اعمال خارج التوكيل ايه اللى ممكن يحصل يا ابو هند ممكن ترد عليه

[medori]

السلام عليكم

النهارده كلمت التوكيل عشان احجز صيانه ال 6 شهور لاني كنت فاهم ان اعمل صيانه 2500 او 6 شهور ايهم اقرب ولكن المهندس قالي لا صيانه ال 2500 او ال 3 شهور ايهم اقرب
انا دلوقتي 6 شهور وعامل 1500 مش علرف هيعملوا معايه اني صيانه هو قالي
نعمل صيانه ال 2500 وتغير زيت وفيلتر علي حسابك

مش عارف الكلام ده صح ولا وكنت عاوز اعرف هما عيعملوا ايه في الصيانه ديه ولو كانت العربيه مخبوطه قبل كده ده ممكني يطالعها من الضمان ؟

ال2500 check على الزيوت و السوائل و تربيط عفشة بس مش بيغيروا حاجة، و مش مشكلة لو مرحتهاش. الصيانة العادية بعد كدة كل 10 او 6 شهور ايهما اقرب فالكلام اللى قالهولك المهندس صح فعلا و كل صيانة بعد كدة المفروض 6 شهور بغض النظر عن الاستخدام ممكن يزيدوا شوية ل 7 شهور مثلا لو هتظبطها مع ال10 انما لو سيبتها سنة مروحتش صيانة هيخرجوا العربية برة الضمان

الخبطة متخرجش العربية من الضمان الا لو اتعمل فيها شغل كبير برة، من تغيير حاجات جامدة فى الميكانيكا او لعب فى الضفيرة انما اى bodywork من سمكرة و دهان و خلافة ملوش علاقة بية عشان ملهوش ضمان اصلا

[m.basha]

استاذ ابو هند
بعد متابعاتى لمشاركات الاعضاء هنا ملاحظ ان حضرتك مستبيعها مع الضمان وده حقك
لكن مش من حقك انك تخلينا نستبيع مهما كان لان العربية جديدة فى السوق ووارد يحصل اى حاجة جوا الضمان ولو حضرتك عندك قدرة انك تتحمل كل التكاليف دى فى اعضاء كتير هنا مش هيقدروا يتحملوا كل التكاليف دى خصوصا انى عرفت فى التوكيل لما برضه استغليت الاسعار دى _قبل ما اعرف اسعار الصيانات فى التوكيلات التانية_ لو معملتش صيانيتن ورا بعض هاخرج برضه الضمان , وهو معقول مائة او متين جنيه يخرجونى برضه الضمان انا دافع فى عربية مبلغ كبير بالنسبة ليا يبقى اشترى نفسى وعربيتى وبعد الضمان ابقى اختار ما بدالى .
لكن عربية جديدة فى السوق وملهاش قطع غيار كتيرة بره واوروبى وده معروف ان ناس قليلين اللى يعرفوا يشتغلوا فيه يبقى انا اللى باخسر مش التوكيل .

ولو حضرتك سمعنا كلامك ومروحناش التوكيل وخرجنا برضه الضمان هل حضرتك تتحمل اى تكاليف نتيجة توصية حضرتك ؟؟

السلام عليكم استاذ فهد للامانة الراجل الطيب ابو هند ما فرضشى على حد انه مايروحشى التوكيل و يعمل الصيانات بره الرجل قال وجهة نظرة الشخصية اللى هو بيفكر يعملها مش معنى كده ان الناس تمشى و راه يعنى انا عن نفسى حاتابع مع التوكيل لحد ما الضمان يخلص سواء كيلومتر او مده ال 3 سنوات ايهما اقرب اعتقد كل واحد فينا فيه مخ و عقل و ممكن يحسبها و يشوف هو مرتاح فى ايه فياريت منحملشى الراجل الموضوع كله عشان قال اقتراح شخصى دى وجهة نظرى المتواضعة عشان ما نظلمشى حد سواء ابو هند او غيره و تفضل مرورى و شكرا

[abohend]

كلام عجيب

استاذ ابو هند
بعد متابعاتى لمشاركات الاعضاء هنا ملاحظ ان حضرتك مستبيعها مع الضمان وده حقك
لكن مش من حقك انك تخلينا نستبيع مهما كان لان العربية جديدة فى السوق ووارد يحصل اى حاجة جوا الضمان ولو حضرتك عندك قدرة انك تتحمل كل التكاليف دى فى اعضاء كتير هنا مش هيقدروا يتحملوا كل التكاليف دى خصوصا انى عرفت فى التوكيل لما برضه استغليت الاسعار دى _قبل ما اعرف اسعار الصيانات فى التوكيلات التانية_ لو معملتش صيانيتن ورا بعض هاخرج برضه الضمان , وهو معقول مائة او متين جنيه يخرجونى برضه الضمان انا دافع فى عربية مبلغ كبير بالنسبة ليا يبقى اشترى نفسى وعربيتى وبعد الضمان ابقى اختار ما بدالى .
لكن عربية جديدة فى السوق وملهاش قطع غيار كتيرة بره واوروبى وده معروف ان ناس قليلين اللى يعرفوا يشتغلوا فيه يبقى انا اللى باخسر مش التوكيل .

ولو حضرتك سمعنا كلامك ومروحناش التوكيل وخرجنا برضه الضمان هل حضرتك تتحمل اى تكاليف نتيجة توصية حضرتك ؟؟

لا يا فندم مش هتحملها
أنا بنصح و حضرتك حر
عايز تروح تدفع 1500 كل 6 شهور
It's your baby
أنا عن نفسي مقتنع تماما إن توكيل بيجو عمره مبيعترف بعيب صناعة و دايما بيشيلها للعميل
اللي دايما بيبقى الطرف الضعيف نظرا لقلة الخبرة أو عدم الرغبة في وجع الدماغ

و في اﻵخر حضرتك ليك مطلق الحرية
خد قرارك
بس بلاش أسلوب هتعمل ايه يا ابوهند لو عضو حصله كذا
الجميع هنا راشدين قاديرن على أتخاذ قرارتهم بنفسهم
و كتير مننا إشتروا البيجو بناء على تقارير أعضاء سابقين
يا ترى لو قابلتني مشكلة المفروض أروح لصاحب التقرير يحلها!!!!!
كلام عجيب


تحياتي

[abohend]

حسن النية

السلام عليكم استاذ فهد للامانة الراجل الطيب ابو هند ما فرضشى على حد انه مايروحشى التوكيل و يعمل الصيانات بره الرجل قال وجهة نظرة الشخصية اللى هو بيفكر يعملها مش معنى كده ان الناس تمشى و راه يعنى انا عن نفسى حاتابع مع التوكيل لحد ما الضمان يخلص سواء كيلومتر او مده ال 3 سنوات ايهما اقرب اعتقد كل واحد فينا فيه مخ و عقل و ممكن يحسبها و يشوف هو مرتاح فى ايه فياريت منحملشى الراجل الموضوع كله عشان قال اقتراح شخصى دى وجهة نظرى المتواضعة عشان ما نظلمشى حد سواء ابو هند او غيره و تفضل مرورى و شكرا

اﻷسلوب ده قديم و معروف لتحويل صلب الموضوع لمحاولة مني للدفاع عن نفسي
الحمد لله مفيش حاجة خايف منها أو محتاج أخبيها
و وظيفتي بعيدة تماما عن أي علاقة بالسيارات

الملاحظ إن اﻷعضاء أصحاب المشاركات دي مش من الدائمين معانا
ده مش بيمنعهم حق المشاركة و إنهم يقولوا رأيهم
لكن نحط 100 خط تحت إتهاماتهم و محاولة شخصنة الموضوع بيني و بين الوكيل
أنا هظل أفترض حسن النية لكن وجب التنويه

[abohend]

تصحيح

ال2500 check على الزيوت و السوائل و تربيط عفشة بس مش بيغيروا حاجة، و مش مشكلة لو مرحتهاش. الصيانة العادية بعد كدة كل 10 او 6 شهور ايهما اقرب فالكلام اللى قالهولك المهندس صح فعلا و كل صيانة بعد كدة المفروض 6 شهور بغض النظر عن الاستخدام ممكن يزيدوا شوية ل 7 شهور مثلا لو هتظبطها مع ال10 انما لو سيبتها سنة مروحتش صيانة هيخرجوا العربية برة الضمان

الخبطة متخرجش العربية من الضمان الا لو اتعمل فيها شغل كبير برة، من تغيير حاجات جامدة فى الميكانيكا او لعب فى الضفيرة انما اى bodywork من سمكرة و دهان و خلافة ملوش علاقة بية عشان ملهوش ضمان اصلا

تصحيح بسيط الدهان له ضمان
لكن برضه ضد عيوب الصناعة مش إستخدامك طبعا

يعني لو لا قدر الله الدهان بطع أو بهت من نفسه يحق للعميل الذهاب للوكيل لعلاج المشكلة على حساب الضمان

بس في الغالب الحاجات دي لما بتظهر بتظهر في العربيات اللي بتتقفل فمصر لكن المستورد صعب جدا

[nonalaziza]

لا يا فندم مش هتحملها
أنا بنصح و حضرتك حر
عايز تروح تدفع 1500 كل 6 شهور
It's your baby
أنا عن نفسي مقتنع تماما إن توكيل بيجو عمره مبيعترف بعيب صناعة و دايما بيشيلها للعميل
اللي دايما بيبقى الطرف الضعيف نظرا لقلة الخبرة أو عدم الرغبة في وجع الدماغ

و في اﻵخر حضرتك ليك مطلق الحرية
خد قرارك
بس بلاش أسلوب هتعمل ايه يا ابوهند لو عضو حصله كذا
الجميع هنا راشدين قاديرن على أتخاذ قرارتهم بنفسهم
و كتير مننا إشتروا البيجو بناء على تقارير أعضاء سابقين
يا ترى لو قابلتني مشكلة المفروض أروح لصاحب التقرير يحلها!!!!!
كلام عجيب


تحياتي

عندك حق جدا
بس كنت عايزة أسأل حضرتك علي حاجه انا بعمل تقريبا 500 ك في الشهر يعني مثلاً هعمل صيانه ال 2500 و انا عامله بالكتير 1500 ك
طب دي مجانية و هنعديها
هغير زيت بتاع العشرة بعد 5000 ك طب ما معظم التوكيلات بتغير الزيت ع السنه زى مثلا رينو و تيريوس و كيا
أخيراً بقي انا كنت متخيله اني الوحيدة اللي بقول it's not my baby كنت فاكراها انقرضت

[mk3]

لا يا فندم مش هتحملها
أنا بنصح و حضرتك حر
عايز تروح تدفع 1500 كل 6 شهور
it's your baby
أنا عن نفسي مقتنع تماما إن توكيل بيجو عمره مبيعترف بعيب صناعة و دايما بيشيلها للعميل
اللي دايما بيبقى الطرف الضعيف نظرا لقلة الخبرة أو عدم الرغبة في وجع الدماغ

و في اﻵخر حضرتك ليك مطلق الحرية
خد قرارك
بس بلاش أسلوب هتعمل ايه يا ابوهند لو عضو حصله كذا
الجميع هنا راشدين قاديرن على أتخاذ قرارتهم بنفسهم
و كتير مننا إشتروا البيجو بناء على تقارير أعضاء سابقين
يا ترى لو قابلتني مشكلة المفروض أروح لصاحب التقرير يحلها!!!!!
كلام عجيب :u_thin1[1]::u_thin1[1]:

تحياتي

رد ولا اروع
انا لو منك كنت رديت رد يزعل لان الاسلوب مستفز...بصراحه ردك قوى جدا ومتزن