محسن البنزين من التوكيل ل301 ... ؟؟

[Ramy Hazem]

السلام عليكم اعضاء المنتدي الكرام
وانا بعمل صيانة امبارح اقترح عليا الفني هناك موضوع محسن البنزين وقالي ان دي بتتحط مع كل 5000 كيلو علشان البخاخات بتاعة البنزين وده افضل ليها علشان البنزين في مصر مش كويس ... ياريت تفيدونا برايكم في هذا الموضوع

تحياتي

[akmm]

تقصد رافع الاوكتين ولا منظف الرشاشات .

[J A G U A R]

انا سمعت عن الموضوع ده بس اعتقد ان مفيش مشاكل

[gadoo30]

تقصد رافع الاوكتين ولا منظف الرشاشات .

اعتقد يقصد منظف رشاشات لان رافع الاوكتيت بيتحط مع كل تفويلة مش كل 5000 كم

[faroojj]

منظف الرشاشات لازم يتحط قبل تغير البوجيهات لأنه بيجمع الرواسب عندها

[Ramy Hazem]

انا مش عارف الصراحة المحسن ده للتنظيف ولا لرفع الاوكتان , بس هو قالي انه بيتحط كل 5000 كيلو علشان يحافظ علي الرشاشات من الرواسب بتاعة البنزين

تحياتي

[Hema_Basha]

انا مش عارف الصراحة المحسن ده للتنظيف ولا لرفع الاوكتان , بس هو قالي انه بيتحط كل 5000 كيلو علشان يحافظ علي الرشاشات من الرواسب بتاعة البنزين

تحياتي

لا للتنظيف يا سيدي علشان المحطات الي بنفول منها بنزينها كخة للبيجو اما البي ام والمرسيدس والاودي فكويس ليهم الناس دي مفكرة احنا جايين من المريخ وعموما عرضوه عليا ومرضتش اخده ب125 ج

[Ahmed Amin]

محسن البنزين دا بيرفع الأوكتان, يعني لو حاطط بنزين 80 ممكن يرفعه 90
أو لو حاطط 92 ممكن يرفعه 95
والكلام دا كله نظرياً, العملي مش أكيد النتيجة.

واللي أعرفه إن اللي في التوكيل دا بتاع المواتير التربو, اللي المفروض أنها تشتغل ببنزين 95
بس المحسن دا نازل لها عشان تحطة كل فترة لو ماشي علي بنزين 92 فترة طويلة,

يعني مش لل 301 ولا أي عربية بيجو أو غير بيجو بموتور مش تربو.

هوا بس واضح أن عندهم كمية كبيرة في الأستوك وعايزين يسوقوها, وأي توكيل أو بنزين في الموقف دا هيقولو للعميل نفس الكلام اللي أتقالك.

بس مالوش أي لازمة, وأداءه غير ملحوظ, فامتشغلش بالك بيه ولا تشتريه من عندهم ولا من البنزينات.

زي المنتج التاني اللي أسمه Fuel Injector Cleaner أو Complete System Cleaner ودا المفروض بينضف الرشاشات ومجري دورة البنزين, وبيتباع في البنزينات من شركات زي STP
دا انا حطيته ومحستش بأي فرق مع أن تمنه كن حوالي 70 جنيه.
وقريت ريفيوهات علي النت إن محسن البنزين ومنظف دورة البنزين التأثير بتاعهم حوالي 7 ل 8% بس.

[samoreception]

ولا ليه اى 30 لازمة اصلا وبيضحكوا على الناس ده غير انه اتسببلى انه حرقلى حساس الاوكسجين اللى بيبقى على الشكمان
ونصيحة بلاش حد يجرب الحاجات ديه وخصوصا فى عربيات جديدة