تجربة شخصية ونصيحة هامة لراغبي شراء ال بيچو ٥٠٨ من الخليج

[tito32]

شرح ممتاز جداً من أستاذ شريف خبير ال٥٠٨ بالمنتدي.
وأنا عن نفسي أستفدت من الملاحظات الجمركية اللي حضرتك وضحتها.

[raedegypt]

شكرا جزيلا للمعلومات دي
لكن انا بالسعودية ومسجل عربيتى نيسان جوك بالسفارة فاتورة الشراء بس بعد الغرفة التجارية والخارجية السعودية
ارجو من حضرتك توضيح في ورق تاني بيتصدق او يتعمل عشان لما انزل عربيتى وممكن يسألوا عليه في مصر
ولا بيحتاجوا ورقة من المرور بس مع الفاتورة تثبت انى مالك اول

من فضلك بكام وممكن صور وهل ماشيه معاك تمام تستاهل ثمنها وشكرا

[freedom_2010]

للعلم الريال ب 2 جنيه اليوم

[mk3]

شكرا على مشاركة المعلومه. نسب حضرتك سليمى ...لكن رسوم الدخول بتتحسب بطريقه تانيه. وهى 40% من ثمن السياره والشحن والتأمين ثم 15% فى المئه ضريبه مبيعات من السابق مضاف اليه الجمرك ثم 3% من السابق مضاف اليه ضريبه المبيعات....مع حساب خصم الاستخدام ان وجد

[sherifffff]

شكرا على مشاركة المعلومه. نسب حضرتك سليمى ...لكن رسوم الدخول بتتحسب بطريقه تانيه. وهى 40% من ثمن السياره والشحن والتأمين ثم 15% فى المئه ضريبه مبيعات من السابق مضاف اليه الجمرك ثم 3% من السابق مضاف اليه ضريبه المبيعات....مع حساب خصم الاستخدام ان وجد

بارك الله فيك
شكراً علي التوضيح

[ferrari1500]

من فضلك بكام وممكن صور وهل ماشيه معاك تمام تستاهل ثمنها وشكرا

اشتريتها شهر مارس اللي فات من العيسي الوكيل الجديد بجدة
وكانت فئات ال ١٦٠٠ الموتور العادي ٤ فئات ب ٥٩ و٦١ و٦٣ و٦٥ الف ريال وجبت اللي ب ٦٣ الف لون احمر نبيتي فل اوبشن بدون فتحة بصمة ومكيف الكتروني ونواكل وداخلية لونها احمر العربية ممتازة والموتور مش ضعيف خاصة علي وضع السبورت بالشاشة والتانك بيكفيك ٦٥٠ كم جوه البلد (مقارنة ب ٣٧٠ كم للالنترا ٢٠١٢ اللي كانت معايا قبلها) بنفس ٤٠ لتر بنزين ومريحة في المطبات وعفشتها حلوة
العيوب :عدم وجود كاميرا او حساسات او مسند يد ودول ممكن يتركبوا
لكن اهم عيب للاسر الكبيرة واللي بتحتاج شنطة للتحميل هي مساحة الارجل للكنبة الخلفية ضيقة وتاخد ٢ بس
والشنطة صغيرة لكن الكراسي الامامية مريحة وواسعه وعامل بيها لحد دلوقتي ٣ الاف كم

[falcon77]

السلام عليكم

قرأت علي المنتدي تقديرات خيالية لجمرك ال ٥٠٨ لو حد مقيم بالسعودية عايز يشتريها وينزلها مصر،
حابب انقلكوا التقديرات الحقيقية بناء عن تجربة شخصية مع صديق.

الاول عايز اشرج تفاصيل الجمرك لما تحب تنزل العربية

الشرح دة هيكون لأعلي فئة في السعودية ال allure , ومواصفاتها انا كنت كاتبها في موضوع قبل كدة بالتفصيل.

جمرك العربيات ال ١٥٩٩ سي سي فيما أقل هو عبارة عن ٦١ ٪ من السعر العالمي للفئة المستوردة بالاضافة لاي كماليات زائدة عن هذة الفئة في السيارة المستوردة.

ال ٥٠٨ ال allure في السعودية مفيهاش كماليات زيادة تتجمرك وهي داخلة مصر ، الشاشة وباقي الكماليات مشمولة في سعر allure العالمي اللي انت هتتجمرك عليه ، والسعر دة هو اللي انت هتدفعة في السعودية . بالدولار تقريبا ما يعادل ١٠٠ الف ريال

ال ٦١٪ عبارة عن التالي
٤٠٪ جمرك ودة اللي الخصومات بتنطبق فقط عليه
١٥٪ ضريبة
٥٪ ضريبة برضة
١٪ رسوم

ال ٤٠٪ الجمرك هما اللي بيتخفضوا مع مرور السنيين بواقع ١٠٪ من الجمرك للسنة الاولي ، يعني ٤٪ من اجمالي تمن العربية ، يعني يوصلوا ٣٦٪ من تمن العربية والاجمالي يصبح ٥٧٪ بدلا من ٦١٪

وبدءاً من السنة التانية ولمدة ٨ سنوات الجمرك هيتخفض ٥٪ لكل سنة يعني ٢٪ من اجمالي تمن السيارة، يعني يوصل الجمرك ٣٤٪ من تمن العربية والاجمالي يصبح ٥٥٪ بدلا من ٦١٪

وهكذا لحد ما بعد ٩ سنوات من سنة الشراء يصل تخفيض الجمرك الي ٥٠٪ يعني ٢٠٪ من تمن السيارة بدل من ٤٠٪ ويكون اجمالي المدفوع ٤١٪ بدلا من ٦١٪

بما ان تمن السيارة ١٠٠ الف ريال فده هيسهل علينا الحسبة

لو دفعت تمنها ١٠٠٠٠٠ ريال + ٦٥٠ ريال تأمين ضد الغير + ٣٥٠ ريال توثيق في الغرفة التجارية والسفارة + ١٥٠٠ ريال نقل لمصر هيكون الاجمالي ١٠٢٥٠٠ بالاضافة ل ٦١٠٠٠ جمرك يبقي الاجمالي ١٦٣٥٠٠ ريال ، ولو حولناهم للمصري ب ١٨٠ قرش للريال هيكون السعر الاجمالي ٢٩٤٣٠٠ جنية وهتدفع كمان حوالي ٢٥٠٠ جنية للمخلص يبقي الاجمالي تقريبا ٢٩٦٨٠٠ جنية مش ٣٢٠ و٣٤٠ الف

فية واحد عارضها زيرو علي بيزات ب ٣٤٠ الف ، هو حر ، عايز يكسب فيها ٤٠ الف جنية، ميبقاش مقياس.

وطبعا لو استنيت لحد شهر اكتوبر هتستفيد ب ال ٤٪ خصم من تمن السيارة ( ١٠٪ من تمن الجمرك اللي هوة ٤٠٪ ) ، يعني هتوفر ٤٠٠٠ ريال يعني ٧٢٠٠ جنية وسعرها يوصل تقريبا٢٨٧١٠٠ جنية وبعد كدة كل سنة لو سعر صرف الدولار كان ثابت هتوفر ٣٦٠٠ جنية ولمدة ٨ سنوات ، يعني لو اشتريت موديل ٢٠١٤ في أغسطس ٢٠١٤ وقعدتها معاك سنة وشهرين لحد اكتوبر ٢٠١٥ هتكون تستحق تخفيض سنتين يعني هتقف عليك ب ٢٨٣٥٠٠ جنية، يعني اغلي ١٠ الاف جنية بس عن المصري مع فرق الكماليات.

في ديسمبر ٢٠١٣ صديق ليا نزل ال ٥٠٨ وجمركها ، ودي كانت اول سيارة من سيارات زمايلي تنزل مصر وتتجمرك، وده اللي فهمني حسبة الجمرك ، وكان شاريها غالية ب ١٠٨ الف ريال موديل ٢٠١٢ في نصف ٢٠١٢ يعني استفاد بردة بسنتين، وفي الجمرك حاسبوة علي سعرها العالمي بدون زيادات اللي هوة حوالي ١٠٠ الف ريال كما ذكرت ( طبعا الحسبه بالدولار بس الدولار والريال واحد في نسبة سعر الصرف لانها ثابتة من سنوات وانا مستخدمها بدل الدولار للتوضيح ) ومحسبلوش علي ال ١٠٨ الف لانة كان شاريها غالي، حاليا السعر بالريال هو السعر بالدولار

صديقي دفع تقريبا ٩٦٠٠٠ جنية عبارة عن ٥٥٪ جمرك ( من ١٠٠ الف ريال ) يعني ٩٣٥٠٠ جنية ( ٥٥ الف ريال x ١٧٠ قرش سعر الصرف وقتها ) بالاضافة ل ٢٥٠٠ جنية للمخلص.

طبعاً فقط ٧٥٪ من الاسعار دي تنطبق علي السيارة الفئة access اللي هيه ب ٧٥ الف ريال فقط
يعني لو هتنزلها مباشرة هتكلفك حوالي ٢٢٤٣٥٠ جنية ( ٧٥٠٠٠ تمنها + ٦٥٠ تأمين + ٣٥٠ توثيق + ١٥٠٠ نقل لمصر + ٤٥٧٥٠ جمرك ٦١٪ = ١٢٣٢٥٠ ريال x ١٨٠ قرش = ٢٢١٨٥٠ جنية + ٢٥٠٠ جنية للمخلص ) ، ولو مع تخفيض اول سنة ( ٥٤٠٠ جنية ) يصبح السعر ٢١٨٩٥٠ جنية ، ولو تخفيض السنة التانية ( ٢٧٠٠ جنية ) سيكون السعر ٢١٦٢٥٠ جنية فقط يعني ارخص من اللي في مصر بحوالي ٢٦ الف جنية مع العلم ان اللي في مصر تجهيزاتها اعلي شوية من اللي في السعودية.

انا واثق ان التوكيل في مصر بيكسب في العربية الواحدة قد اللي الوكيل في السعودية او فرنسا بيكسبة في خمس عربيات على الاقل من خلال التلاعب بالكماليات والسعر ودة علشان حاسس ان الزبون هياخد العربية ويجري وممكن ميجيش الصيانات علي عكس البلاد التانية ومنها السعودية اللي بيعتمدوا علي تمن الصيانات وقطع الغيار، انا غيرت فلتر المكيف وكان تمنه ٦٠ ريال مصنوع في فرنسا واخدوا اجرة يد عاملة ١٠٥ ريال .

خرايط السيارة هي navtech ودي اشتريتها نوكيا وسميتها here ودي موجود منها نسخة لمصر وباذن الله هنركبها لما نجمركها يعني هنركبها.

اتمني يكون الشرح دة هيفيد اي حد مقيم في الخليج وبيفكر ينزل العربية مصر وخايف من اسعار الجمارك الخيالية اللي قرأتها الاسبوع اللي فات علي المنتدي

بارك الله فيكم ووفقكم لما فيه الخير

اشكرك تماما على هذا الموضوع الرااااائع بالنسبة ليا لانى نفسي اجيب العربية خليجي بعض النظر والألتفات والانتباة لموضوع الضمان ابدا. الناس فاكرة انه عشان شاري من التوكيل وفية ضمان انه لو فية قطعة محتاجة تتغير فى العربية التوكيل هيجرى ويغيرها على طول. يا راجل دا الوكيل بيطلع عين الناس عشان يغير حاجة فى العربية وهى تحت الضمان.
المهم دا مش موضوعنا
بصراحة انا هموت على العربية البيضة الخليجي اللى معروضة على دوبيزل بس صاحبها شكلة بيحلم عايز يبيعها ب 325 الف. طيب انا ليا ناس قرايبى شعالين فى السعودية وسأبت عند وكالة الحج حسين على رضا وقال عليها ب 95 الف اعلى فئة زي ماحضراك عارف فيها النافيجيشن وجنط 18 وحساس امامي فرق عن الهايلاين بتعت الحج وجية اباظة.
السؤال: هل اى حد من قرايبي ينفه يشتري العربية على اسمة هناك ويبعتها على مصر تصدير على طول؟ وانا اللى ارخصها باسمى؟ لو اه ينفع ياريت تقولى بالتفصيل اية الاجراءات فى الحوار دا واية المشاكل اللى هتواجهنى من اول مانتشريها فة السعودية لحد ماتترخص (بس باسمى) فى مصر.
وجزاك الله كل خير.
شكرا
اخوك محمد ماهر

[sherifffff]

اشكرك تماما على هذا الموضوع الرااااائع بالنسبة ليا لانى نفسي اجيب العربية خليجي بعض النظر والألتفات والانتباة لموضوع الضمان ابدا. الناس فاكرة انه عشان شاري من التوكيل وفية ضمان انه لو فية قطعة محتاجة تتغير فى العربية التوكيل هيجرى ويغيرها على طول. يا راجل دا الوكيل بيطلع عين الناس عشان يغير حاجة فى العربية وهى تحت الضمان.
المهم دا مش موضوعنا
بصراحة انا هموت على العربية البيضة الخليجي اللى معروضة على دوبيزل بس صاحبها شكلة بيحلم عايز يبيعها ب 325 الف. طيب انا ليا ناس قرايبى شعالين فى السعودية وسأبت عند وكالة الحج حسين على رضا وقال عليها ب 95 الف اعلى فئة زي ماحضراك عارف فيها النافيجيشن وجنط 18 وحساس امامي فرق عن الهايلاين بتعت الحج وجية اباظة.
السؤال: هل اى حد من قرايبي ينفه يشتري العربية على اسمة هناك ويبعتها على مصر تصدير على طول؟ وانا اللى ارخصها باسمى؟ لو اه ينفع ياريت تقولى بالتفصيل اية الاجراءات فى الحوار دا واية المشاكل اللى هتواجهنى من اول مانتشريها فة السعودية لحد ماتترخص (بس باسمى) فى مصر.
وجزاك الله كل خير.
شكرا
اخوك محمد ماهر

السلام عليكم
وفقك الله لما فيه الخير

السيارة قريبك هيشتريها بإسمه من السعودية
وهيرخصها بإسمه
وهيشحنها بإسمه
ومفروض هوه اللي يجمركها
وهيرخصوها بإسمه وبعدين يبيعهالك

السؤال هل يمكن ان السيارة تترخص بإسمك علي طول ولا لازم تتكتب بإسمة الاول
ده محتاج سؤال حد في الجمارك للأسف انا معنديش فكرة

بس انا مش شايف مشكلة ان تترخص الاول بإسمة ويبيعهالك
مهي كانت بإسمة أصلا في السعودية
واكيد انت اصلا واثق فيه

بردة اسأل لو ينفع تخلص انت الجمارك بتوكيل سيارات منه وتبيعها لنفسك

احب انبهك ان الخرايط اللي نازله بيها لا تدعم مصر حتى الان

[falcon77]

السلام عليكم
وفقك الله لما فيه الخير

السيارة قريبك هيشتريها بإسمه من السعودية
وهيرخصها بإسمه
وهيشحنها بإسمه
ومفروض هوه اللي يجمركها
وهيرخصوها بإسمه وبعدين يبيعهالك

السؤال هل يمكن ان السيارة تترخص بإسمك علي طول ولا لازم تتكتب بإسمة الاول
ده محتاج سؤال حد في الجمارك للأسف انا معنديش فكرة

بس انا مش شايف مشكلة ان تترخص الاول بإسمة ويبيعهالك
مهي كانت بإسمة أصلا في السعودية
واكيد انت اصلا واثق فيه

بردة اسأل لو ينفع تخلص انت الجمارك بتوكيل سيارات منه وتبيعها لنفسك

احب انبهك ان الخرايط اللي نازله بيها لا تدعم مصر حتى الان

جزاك الله خيرا
بس معنى كلام حضرتك (هو اللى لازم يجمركها) انه لازم هو يمزل مصر عشان يخلص الجمارك ولا اية؟

[Hunting_Eagle]

سؤال مهم يا شباب و مش ﻻقي له اجابة
ينفع اشتري موديل 2015 في شهر 6 2014

وﻻ كده مش موديل السنة ؟؟

[sherifffff]

جزاك الله خيرا
بس معنى كلام حضرتك (هو اللى لازم يجمركها) انه لازم هو يمزل مصر عشان يخلص الجمارك ولا اية؟

في الحقيقة مش عارف
لازم سؤال حد مختص
خاصة عن امكانية تخليصك للاوراق مكانة بتوكيل
وفي الحالة دي ممكن تبيعها لنفسك تاني

بالتوفيق

[S O P H O S]

ربنا يكرمك عالافادة المهمة دي

[memo_zezo]

سؤال مهم يا شباب و مش ﻻقي له اجابة
ينفع اشتري موديل 2015 في شهر 6 2014

وﻻ كده مش موديل السنة ؟؟

انا كنت سالت في السفاره قال ينفع ولكن مش هتاخد خصم 2014 يعني هيتحسبلك من اول اكتوبر 2015 خصم اول 10%

[memo_zezo]

انا سمعت ان الجمارك اترفعت او هتترفع من 2015 وهتبقى 75% بدل 61% هل المعلومه دى صحيحه والا اشاعات؟

[hanaf2005]

اشكرك تماما على هذا الموضوع الرااااائع بالنسبة ليا لانى نفسي اجيب العربية خليجي بعض النظر والألتفات والانتباة لموضوع الضمان ابدا. الناس فاكرة انه عشان شاري من التوكيل وفية ضمان انه لو فية قطعة محتاجة تتغير فى العربية التوكيل هيجرى ويغيرها على طول. يا راجل دا الوكيل بيطلع عين الناس عشان يغير حاجة فى العربية وهى تحت الضمان.
المهم دا مش موضوعنا
بصراحة انا هموت على العربية البيضة الخليجي اللى معروضة على دوبيزل بس صاحبها شكلة بيحلم عايز يبيعها ب 325 الف. طيب انا ليا ناس قرايبى شعالين فى السعودية وسأبت عند وكالة الحج حسين على رضا وقال عليها ب 95 الف اعلى فئة زي ماحضراك عارف فيها النافيجيشن وجنط 18 وحساس امامي فرق عن الهايلاين بتعت الحج وجية اباظة.
السؤال: هل اى حد من قرايبي ينفه يشتري العربية على اسمة هناك ويبعتها على مصر تصدير على طول؟ وانا اللى ارخصها باسمى؟ لو اه ينفع ياريت تقولى بالتفصيل اية الاجراءات فى الحوار دا واية المشاكل اللى هتواجهنى من اول مانتشريها فة السعودية لحد ماتترخص (بس باسمى) فى مصر.
وجزاك الله كل خير.
شكرا
اخوك محمد ماهر

السلام عليكم ورحمه الله وبركاته

يراودني من زمن شراء سيارة من السعودية وإعاده تصديرها لمصر وذلك لما تتميز به السيارات الخليجية وبالاخص السعودية بكماليات وجودة اعلى . ولكن لم أجد من يرد على إستفساراتي بفهم أو بتجربة سابقة له أو لأحد أصدقاءة أو أقرباءه ولما قريت إستفسارك بخصوص شراء بيجو 508 خليجي وبنفس الاسلوب تجدد لي الأمل في إيجاد من يأخد بيدي ويرشدني للطريق الخاص بشراء سيارة من السعودية . فهل أنت قمت بشراء بيجو 508 من السعودية بالفعل ؟ وهل هي فعلا مربحه ؟؟ ولا من مصر واشتري دماغي ؟