غطاء وحدة التحكم في 301 موديل 2015

[mohab_rashed]

يا جماعة الموضوع ده خطير جدا وربنا يسترها الوحدة دي لو جه عليها ميه والعربية مثلا بتتغسل الوحدة كلها حطير مين ساعتها اللي حيشربها احنا طبعا ده حقنا ان احنا نطالب بغطاء الوحده ومنسكتش ارجوكم متضيعوش حقوقنا

[zooma2009]

ايه وحده التحكم دي ؟؟ وفين مكانها؟

[Hytham Alkholy]

الكلام ده في 2015 بس ... غطاء الكنترول او الكارتة او وحدة التحكم ... مش نازل في 2015 وديه مكانها جنب البطارية على اليمين

[heshammosaad]

متابع

[ابو هنا]

لازم نخده منهم في صيانة 2500 كيلو من غير اي مصاريف

[Ahmed Amin]

أنت المفروض متغسلش موتورك بمية ولا حتي جاز حتي لو كنت راكب 308 أو 508 أو أي عربية جديدة.
وحتي العربيات اللي عليها غطاء للكنترول يونيت وغسلت الموتور بالمية او الجاز هيبقي فيه ضرر عليه لأن الغطاء مش ضد المياة, والأضرار بتطول حاجات كتير مش الكنترول بس اللي يتخاف عليها.

وأخيراً أعرف واحد جاب رينو سانديرو من حوالي أسبوعين الشكل الأخير
ولما ورهاني وفتحنا الكبوت لاقيت الكنترول يونيت من غير غطاء برضه.
فا دا طبيعي في كل العربيات الأقتصادية,,

يعني لأستاذ مهاب صاحب الموضوع وابو هنا لو روحتو التوكيل لهم في صيانة ال 2500 أو أي صيانة وقلت لهم عايز الغطاء من غير تكاليف هتبقي بتطلب حاجة مستحيلة.!
مش بصعبها عليكم بس بكلمكم بالمنطق, لأن العربية مش نازلها غطاء, ونازلة من بلدها لكل الدنيا من غيره.
فا هما مش مخبينه منكم ولا ضاحكين عليكم,, ولا عندهم غطاء عشان تاخده منهم.

والكنترول يونيت مش بيبوظ بسهوله, سواء لو عليه غطاء او مش عليه.
ولا بيطوله مياه مهما دخلت في برك مية وانت سايق او الدنيا مطرت عليه,
وبيطوله مية في حالة واحدة بس لو فتحت الكبوت وغسلت الموتور,,
وفي الحالة دي حتي لو عليه غطاء وكانت أي عربية موديل أعلي هيبقي غلط من المستخدم.

فتاني أنا بأكد أني مش في صف التوكيل وبتكمل بموضوعية,
لو عايزين تعملو حاجة ممكن تطلبو إن الدفعات الجديدة يكون نازلها غطاء,
أو إن يتم توفير غطاء تشتروه لو حابين لأن العربية نازله من بلدها من غير غطاء ودا تصميم أغلب العربيات الأقتصادية علي سعرها,
مع العلم أنك لو ركبت غلط مش هيفرق كتير مع العربية ولا هيحمي الكنترول زي مانتو متخيلين, مهواش ضد المية. ولا تفكر أصلاً تفتح الكبوت وتغسل الموتور بمية يا أستاذ مهاب.

بالتوفيق.

[abohend]

مش هنخلص من حجج الوكيل

أنت المفروض متغسلش موتورك بمية ولا حتي جاز حتي لو كنت راكب 308 أو 508 أو أي عربية جديدة.
وحتي العربيات اللي عليها غطاء للكنترول يونيت وغسلت الموتور بالمية او الجاز هيبقي فيه ضرر عليه لأن الغطاء مش ضد المياة, والأضرار بتطول حاجات كتير مش الكنترول بس اللي يتخاف عليها.

وأخيراً أعرف واحد جاب رينو سانديرو من حوالي أسبوعين الشكل الأخير
ولما ورهاني وفتحنا الكبوت لاقيت الكنترول يونيت من غير غطاء برضه.
فا دا طبيعي في كل العربيات الأقتصادية,,

يعني لأستاذ مهاب صاحب الموضوع وابو هنا لو روحتو التوكيل لهم في صيانة ال 2500 أو أي صيانة وقلت لهم عايز الغطاء من غير تكاليف هتبقي بتطلب حاجة مستحيلة.!
مش بصعبها عليكم بس بكلمكم بالمنطق, لأن العربية مش نازلها غطاء, ونازلة من بلدها لكل الدنيا من غيره.
فا هما مش مخبينه منكم ولا ضاحكين عليكم,, ولا عندهم غطاء عشان تاخده منهم.

والكنترول يونيت مش بيبوظ بسهوله, سواء لو عليه غطاء او مش عليه.
ولا بيطوله مياه مهما دخلت في برك مية وانت سايق او الدنيا مطرت عليه,
وبيطوله مية في حالة واحدة بس لو فتحت الكبوت وغسلت الموتور,,
وفي الحالة دي حتي لو عليه غطاء وكانت أي عربية موديل أعلي هيبقي غلط من المستخدم.

فتاني أنا بأكد أني مش في صف التوكيل وبتكمل بموضوعية,
لو عايزين تعملو حاجة ممكن تطلبو إن الدفعات الجديدة يكون نازلها غطاء,
أو إن يتم توفير غطاء تشتروه لو حابين لأن العربية نازله من بلدها من غير غطاء ودا تصميم أغلب العربيات الأقتصادية علي سعرها,
مع العلم أنك لو ركبت غلط مش هيفرق كتير مع العربية ولا هيحمي الكنترول زي مانتو متخيلين, مهواش ضد المية. ولا تفكر أصلاً تفتح الكبوت وتغسل الموتور بمية يا أستاذ مهاب.

بالتوفيق.

هي ف2013 كانت عريية مش إقتصادية و ف2014 بقت إقتصادية
هما هيفضلوا يبيعولنا العربية حتة حتة
على كده ف2016 ممكن يشيلوا أشياء تانية بحجة اﻹقتصادية
شئ مش معقول

[m mosalam]

العربية دى ايه حكايتها نفسى افهم كل العيوب ظهرت اول محجزت العربية كل يوم موضوع يقفلنى من العربية

[Ahmed Amin]

هي ف2013 كانت عريية مش إقتصادية و ف2014 بقت إقتصادية
هما هيفضلوا يبيعولنا العربية حتة حتة
على كده ف2016 ممكن يشيلوا أشياء تانية بحجة اﻹقتصادية
شئ مش معقول

يا جماعة أنا كنت براجع في البوستات في المنتدي بالصدفة ولاقيت إن الشكل القديم كان فيه غطاء,
زي ما وضح أبوهند هنا,

http://www.nilemotors.net/Nile/3875536325-post125.html

أنا عشان شوفت كذا عربية جديدة الفترة اللي فاتت مفهاش غطاء للكنترول ومنهم السانديرو الجديدة,
فا نسيت شكل غطاء الكنترول في ال 301, بعتذر عن سوء الفهم دا.
العربيات اللي شوفتها مؤخراً مالهاش غطاء للكنترول في الشكل القديم ولا الجديد.

دلوقتي لو العربية نازلة في 2015 من غير غطاء, والقديمة كان فيها أشتكو طبعاً وأطلبو يكون ليكم غطاء زي اللي كان موجود في موديل 2014
دا حقكم طالما نزل قبل كدا في الموديل القديم وليه تصميم وأكيد بارت نمبر.

[M.Emam]

انا عربيتى 2014 ومفيهاش غطاء للكنترول

[abohend]

معرض و لا توكيل

انا عربيتى 2014 ومفيهاش غطاء للكنترول

دي بقى غريبة
شاريها من التوكيل و لا معرض؟؟؟؟

[mohab_rashed]

رد على موضوع غطاء وحدة الكنترول

عزيزي الأستاذ احمد امين احترامي الكامل لكلامك ولكني لاغفهمه فحضرتك عملت زي اللي ماشي صدره عريان في الشارع وانته شايف ان ده طراوه ومش مهم لو جاله برد اما عن قولك انه ليس له تأثير وملوش لازمه بيجو نزلته له في موديل 2014 وليه بتبيعه في التوكيل زي برضه ذراع التحكم اللي موجود في السيارة الهاي لاين فقط في الكتالوج ومتشال من السيارة ومتقلش ان الوكيل هو اللي بيتحكم في المواصفات لآن في حاجات في الكتالوج مكتوب جنبها حسب مواصفات البلد ده مش منها كذلك منفاخ الهواء ولحام الكاوتش وغيره وغيره وفرش الأرضيات اللي واضح انه فرش داخلي يعني بيركب عليه حاجه وفعلا التوكيل بيبيع الدواسات الداخلية للسيارة وحضرتك بتقول اشتروه طيب ما انا كنت اشتريت العربية بالحته يا استاذ احمد انا شاري سيارة هاي لاين كاش مش علشان اضور على اللي ناقص فيها اسف كلامك ما اقنعنيش

[mohab_rashed]

موضوع رابطة ملاك 301 اصبح ضرورة مش رفاهية

استكمالاً لموضوع غطاء وحدة الكنترول ولأني لقيت تبريرات اسف ...... انا قمت اليوم بتسجيل شكوى رسمي بخصوص هذا الموضوع في التوكيل ودي الحقيقة مش اول شكوى لدرجة انهم عرفوني بمجرد رؤية رقم تليفوني
وان على فكري طلعت كل غضبي من هذا الموضوع ومن غيره في الشكوى لأن بصراحة العربية مظلومه التوكيل اللي بصراحة عامل عمايل مش عايز اسميها.
عموما بالنسبة لموضوع الرابطة انا اتكلمت في شكواي باسم كل الناس وقلتلهم ان ملاك بيجو 301 مستائين من التوكيل لهذا الموضوع وغيره واننا جميعا قد نقوم بتصعيد المواضيع مع التوكيل لحد رفع قضايا عليهم, وانا الحقيقة اسف اذا كنت تكلمت باسم الجميع ولكن ربما لأني شعرت بهذا عموما بالنسبة لموضوع الرابطه انا اعتقد انه ضروري جدا سرعة تواصلنا ومعرفتنا ببعضنا البعض لتباحث المشاكل الجماعية او حتى الفردية وارجوا اذا كان هنك احد يستطيع عمل لينك خاص بنا تابع للموقع ويتم وضع اسمائنا وبياناتنا عليه مثل الموبايل والأيميل فأعتقد ان هذا سيكون شئ عظيم وسأبدء بنفسي :
انا د/ مهاب راشد محمد ناصف (استاذ دكتور رقابة صحية على الأغذية)
الموبايل / 01061138806
الأيميل / mohab_rashed@yahoo.com
وشكرا

[Ahmed Amin]

عزيزي الأستاذ احمد امين احترامي الكامل لكلامك ولكني لاغفهمه فحضرتك عملت زي اللي ماشي صدره عريان في الشارع وانته شايف ان ده طراوه ومش مهم لو جاله برد اما عن قولك انه ليس له تأثير وملوش لازمه بيجو نزلته له في موديل 2014

وليه بتبيعه في التوكيل زي برضه ذراع التحكم اللي موجود في السيارة الهاي لاين فقط في الكتالوج ومتشال من السيارة ومتقلش ان الوكيل هو اللي بيتحكم في المواصفات لآن في حاجات في الكتالوج مكتوب جنبها حسب مواصفات البلد ده مش منها كذلك منفاخ الهواء ولحام الكاوتش وغيره وغيره وفرش الأرضيات اللي واضح انه فرش داخلي يعني بيركب عليه حاجه وفعلا التوكيل بيبيع الدواسات الداخلية للسيارة وحضرتك بتقول اشتروه طيب ما انا كنت اشتريت العربية بالحته يا استاذ احمد انا شاري سيارة هاي لاين كاش مش علشان اضور على اللي ناقص فيها اسف كلامك ما اقنعنيش

واضح أنك مفهمتش كلامي صح,
هوضح لك اللي كنت أقصده تاني,

أنا قلت لو مكنش نازل في العربية من أول ما نزلت هتبقي الشكوة زي قلتها ﻷن بيجو مش منزلاه في العربية من بلدها ومش التوكيل اللي حايشه عنده, ولا هيبقي عنده منه يديه للعملاء ولا يبيعو,
زي معظم العربيات اﻷقتصادية الجديدة اللي مفهاش الغطاء دا,,

لكن بعد ما شوفت الصورتين اللي كان رافعهم أبو هند أفتكرت أنو كان نازل, فمعني كدا أنو كا قطعة موجود ومعمول حسابها وليها بارت نمبر, وممكن الناس تشتكي وتاخدها لو ناقصة أو تشتريها لو كانت عند حد وضاعت منه.

حضرتك للأسف داخل فيا شمال وبتقولي صدري عريان وأسلوب كلام لا يليق ب "استاذ دكتور رقابة صحية على الأغذية" !!! أهلاً بيك يعني,
بس ياريت أسلوب الكلام يبقي أحسن من كدا شوية,
ﻷني مش التوكيل أولاً, عشان تهاجمني كدا,,
وﻷني بوضح وجهه نظري ثانياً,, ليك الحق في أنك تتقبلها أو ترفضها.

ولو كنت قريت كلامي كويس للأخر كنت هتلاقي أن شجعت اﻷعضاء اللي أستلمو العربية من غير غطاء في الموديل الجديد أو حتي القديم يشتكو وياخدوه ﻷن دا حقهم طالما فيه ناس أستلمو عربياتهم بالغطاء دا.

وعلي فكرة أنا مقلتش في كلامي لحد أشترو غطاء الكنترول زي ما حضرنك بتقول.!!
أنا قلت بالنص "دلوقتي لو العربية نازلة في 2015 من غير غطاء, والقديمة كان فيها أشتكو طبعاً وأطلبو يكون ليكم غطاء زي اللي كان موجود في موديل 2014"

وبالنسبة لذراع التحكم دا مش بينزل في العربية, ولا حتي في البيجو ال 3008 ال ب 210 ألف دلوقتي.
ﻷن المواصفات بتختلف من بلد لبلد,
ومش أنا اللي بحدد المواصفات دي التوكيل اللي بيحددها وأنا مش تبعهم,,
وأنت بتشوف الكتالوج وبتشوف العربية علي الحقيقة وليك الحق أنك تشتري علي حالتها ومواصفتها أو متشتريش.

عندك مثلاً البيجو 301 بتنزل في بعض الدول بأنذار ونظام esp
لكن اللي في مصر مفهاش عشان سعرها ميزيدش عن رينج معين, ولا حتي ال 308 اللي أغلي منها فيها.

تحياتي ليك يا د/مهاب "استاذ دكتور رقابة صحية على الأغذية"

[mohab_rashed]

رد واعتذار

انا اسف يا أستاذ احمد انت اللي فهمت كلامي غلط انا لم اقصد الإساءة اليك بأي شكل انا قلت انت بتقول لي كما لوكان واحد ماشي صدره عريان واقصد بهذا السيارة وطبعا مش انت مره اخرى اسف اما كلمة استاذ دكتور فأنا ان ارد عليها