إلي وحوش البيجو

[hopkenz]

قدامي عربية بيجو 405 وجيه أباظة موديل 2004 ماشية 90000 كم و حالتها جيدة جدا من الخارج و فبريكة دواخل و العربية كاملة .
إيه رأيكم أتوكل علي الله و أخلص فيها و لا ايه ؟
علي فكرة حتلاقوني كل يوم مصدع دماغ المنتدي كله لو جبتها و لقيت فيها حاجة
يعني فكروا قبل ما تكركروا قصدي تقرقروا أوووووووه قصدي تقرروا
منتظر البيجوهاتية يفيدوني

[gergesgeo]

لو معاك اكتر هات 301 مانيوال
لو مش معاك هات لوجان الجديدة كويسة و افضل توكيل في مصر
الزيرو افضل بكتير عشان تريح دماغك

[HOSSAM99]

لو معاك اكتر هات 301 مانيوال
لو مش معاك هات لوجان الجديدة كويسة و افضل توكيل في مصر
الزيرو افضل بكتير عشان تريح دماغك

يا فاندم هو بيسأل علي عربيه عامله 90 ألف كيلو متر مش بـ 90 ألف جنيه و بالنسبة لإستفسار صاحب الموضوع إن شاء الله حد من ملاكها يفيدك و لكن علي ما أظن إن الناس بتفضل الفرنساوي عن التقفيل المصري

[gergesgeo]

يا فاندم هو بيسأل علي عربيه عامله 90 ألف كيلو متر مش بـ 90 ألف جنيه و بالنسبة لإستفسار صاحب الموضوع إن شاء الله حد من ملاكها يفيدك و لكن علي ما أظن إن الناس بتفضل الفرنساوي عن التقفيل المصري

اسف يا فندم العتب علي النظر معلش الواحد لسة صاحي

[hopkenz]

هههههه الواحد مش عارف يقول ايه بس مشكووووور جدا للاهتمام و الرد و إن شاء الله نلاقي تواصل و معلومات أكتر من أسود المنتدي و بالتوفيق للجميع .

[eleanor]

البيجو ال405 عربيه محترمه جدا ومعمره بس مش بتحب ان اكتر من صنايعى يشتغل فيها علشان كل واحد بيشتغل بدماغ وفى الاخر بيبقى العربيه وصاحبها هما الضحيه
اما اكتر العيوب المعروفه عنها كتاوت المراوح بيبوظ وبيخلى المراوح تفصل والعربيه تسخن
غير كده العربيه زى الفل