تكتيف العربية مع التكيف و برجلة و خنقة فى السحب

[piroo]

ياجماعة انا بحس ان العربية على النقلات الاولى ان العربية بدوس على الدواسة ما فيش استجابة سريعة ثم تنط مرة واحدة و ار بى ام ينط على 3 و تفط و تجرى
عايز خبرتكم معاية عشان قلقت وانا عامل 2500ك يعنى لسة فى الاول خبرونى العربية عملا اية معاكم

[m mosalam]

ياريت حد يفيدنا دة عيب ايه مع ان راى الملاك بيقول ان مفيش مشكلة معاهم ياريت حضرتك لو تعرف تكشف التوكيل يبقى افضل

[Ahmed Amin]

هتروح تعمل أبديت للسوفت وير يا piroo
وتخليهم ينضفو لك البوابة بالمرة,
ومتدفعش أي مصاريف. <<<
مش بلطجة, بس دا حقك أن التكييف يشتغل كويس علي الأول,
فاهيبدوء بعمل Check و Update للسوفت وير.
بعدين ينضفو البوابة بالمرة ويعملولها reset عشان لو فيها مشكلة.

والحاجات دي كلها في الضمان.

[Mohamed_301]

المشكله دى حصلت معايا والعربيه اترجت جامد اوووى لحد ما طفيت التكييف
العربيه دلوقتى عامله 255 كيلو يعنى لسه بادرى ع الصيانه

[m mosalam]

يعنى مشكلة عامة

[m mosalam]

ممكن تكون عشان لسة فى الاول بس يعنى 250 كيلو لسة محتاج تليين

[Hema_Basha]

المشكلة دي هتحس بيها اول ما تيجي تطلع بالعربية وده في حالة لو دوستك جامدة علي البنزين هتلاقي العربية بتعمل زي ما انت وصفت
انما لو دوستك خفيفة وتسيب العربية تنقل براحتها مهتحسش انها بطيئة خالص

[Mohamed_301]

ممكن تكون عشان لسة فى الاول بس يعنى 250 كيلو لسة محتاج تليين

العربية متلينه اصلا (زى ما سمعت ) وانا جربته مره واحده وحصل المشكله دى وماشغلتهوش من ساعتها ولما اعدى 500 هجرب تانى ان شاء الله

[piroo]

هتروح تعمل أبديت للسوفت وير يا piroo
وتخليهم ينضفو لك البوابة بالمرة,
ومتدفعش أي مصاريف. <<<
مش بلطجة, بس دا حقك أن التكييف يشتغل كويس علي الأول,
فاهيبدوء بعمل Check و Update للسوفت وير.
بعدين ينضفو البوابة بالمرة ويعملولها reset عشان لو فيها مشكلة.

والحاجات دي كلها في الضمان.

شكرا اوﻻ على اﻻهتمام وليك وحشة ياباشا
انا روحت عملت صيانة 2500 و رجعوا update وقالوا انة اخر اصدار و مفيش بعدة و انا استلمت فى دفعة اكتوبر 2014 و معملوش اى update فرع ابو رواش و قريبا هاروح صيانة 10000 عشان عديت 6 شهور اعمل اييييية

[m mosalam]

حضرتك بقى البنزين مغشوش

[فهد المصرى]

ياريت حد يفيدنا دة عيب ايه مع ان راى الملاك بيقول ان مفيش مشكلة معاهم ياريت حضرتك لو تعرف تكشف التوكيل يبقى افضل

المشكلة دى بتحصل لو دوستك جامدة على البنزين زى ما استاذ ابراهيم وضح بالضبط فمفميش اى مشكلة خالص وهى هتبقى مسالة تعود

المشكله دى حصلت معايا والعربيه اترجت جامد اوووى لحد ما طفيت التكييف
العربيه دلوقتى عامله 255 كيلو يعنى لسه بادرى ع الصيانه

حضرت تروح على مركز الصيانة او تسالهم فى التليفون الخاص بالمركز
عشان تستفسر عن الموضوع ده لانها حصلت معايا وروحت المركز عليها كذا مرة بس ده كان من كام شهر ومكنوش عارفين العيب ان شاء الله يحلوهالك اسرع منى

ممكن تكون عشان لسة فى الاول بس يعنى 250 كيلو لسة محتاج تليين

العربيات الجديدة كلها متلينة دلوقتى مفيش حاجة اسمها تلين

المشكلة دي هتحس بيها اول ما تيجي تطلع بالعربية وده في حالة لو دوستك جامدة علي البنزين هتلاقي العربية بتعمل زي ما انت وصفت
انما لو دوستك خفيفة وتسيب العربية تنقل براحتها مهتحسش انها بطيئة خالص

كلام مضبوط جدااا

شكرا اوﻻ على اﻻهتمام وليك وحشة ياباشا
انا روحت عملت صيانة 2500 و رجعوا update وقالوا انة اخر اصدار و مفيش بعدة و انا استلمت فى دفعة اكتوبر 2014 و معملوش اى update فرع ابو رواش و قريبا هاروح صيانة 10000 عشان عديت 6 شهور اعمل اييييية

كلم المهندس اللى كان معاك وقوله يا باشا .. ومتكتفيش برد اصل البنزين فيه مشكلة