مشكلة rcz

[Mi Do]

الحكاية وما فيها ان انا انبهرت اول ما شوفت الrcz

بس فجأة وانا بدور فى المواصفات لقيت ان ارتفاعها عن الارض 11 سم o.o

وده معناه انها هتتعلق على اصغر مطب من مطبات ام الدنيا

هل هو ده سبب عدم انتشارها فى مصر ؟

و معقول ممكن واحد يكون نفسه يجيب العربية التحفة دى ولما تجيله فرصة يضطر يصرف نظر

عشان ال11 سم !! لان لو الموضوع كده يبقى انا مش عايز اعيش على الكوكب ده تانى :/

[Ahmed.Essam]

ماهي لازم تبقى واطية لو مش عشان الثبات والكلام اللي هاريناه ده كمصريين هيبقى عشان الشكل
عربية زي دي بتصميمها وشكلها ده هيبقى مالوش اي طعم ولا لون لو العربية عالية عن الارض وحاول تتخيل شكلها وهي عالية كده هتعرف انها لازم تفضل كده .. ولا ايه ؟

[abohend]

روشنة

عربية رياضية
لازم تختار الشارع اللي هتمشي بيها عليه
هي بتاعت روشنة لكن مش عملية

و كل عربيات ميشو (أنت راجل إسكندراني أكيد تعرف ميشيل أحد و عربياته) كده

[Mi Do]

ماهي لازم تبقى واطية لو مش عشان الثبات والكلام اللي هاريناه ده كمصريين هيبقى عشان الشكل
عربية زي دي بتصميمها وشكلها ده هيبقى مالوش اي طعم ولا لون لو العربية عالية عن الارض وحاول تتخيل شكلها وهي عالية كده هتعرف انها لازم تفضل كده .. ولا ايه ؟

صدقنى انا مقتنع ان شكلها بثباتها بكل حاجة فيها فوق الممتازة

بس انا متضايق على اللى احنا فيه ,, يعنى محدش بقى عارف ينقى العربية اللى هو عايزها غير لما يسأل عن ارتفاعها ولو لقاها واطية ممكن يضحى بيها وكل ده عشان الناس اللى بتعمل مطبات بمزاجها وملهاش دعوة بالعربيات اللى هتهبد فيها

هيييييه ياللا بقى هما هيروحوا من ربنا فين

[Mi Do]

عربية رياضية
لازم تختار الشارع اللي هتمشي بيها عليه
هي بتاعت روشنة لكن مش عملية

و كل عربيات ميشو (أنت راجل إسكندراني أكيد تعرف ميشيل أحد و عربياته) كده

هههههههههههههههههه اه طبعا ده معقد سواقين مصر فى عيشتهم :d

بس المشكلة ان المطبات بتطلعلك من حيث لا تدرى ولا تحتسب

[Ahmed.Essam]

صدقنى انا مقتنع ان شكلها بثباتها بكل حاجة فيها فوق الممتازة

بس انا متضايق على اللى احنا فيه ,, يعنى محدش بقى عارف ينقى العربية اللى هو عايزها غير لما يسأل عن ارتفاعها ولو لقاها واطية ممكن يضحى بيها وكل ده عشان الناس اللى بتعمل مطبات بمزاجها وملهاش دعوة بالعربيات اللى هتهبد فيها

هيييييه ياللا بقى هما هيروحوا من ربنا فين :copy of rfds:

والله حاسس بيك هههههه عربيتي مش هقولك بتحف في المطبات لا دي ساعات بتتهبد وتبوس المطب وقلبي انا اللي بيوجعني

[Mi Do]

والله حاسس بيك هههههه عربيتي مش هقولك بتحف في المطبات لا دي ساعات بتتهبد وتبوس المطب وقلبي انا اللي بيوجعني

هههههههههه لا لا ربنا يكفيك شرها ,, على كده مفيش فايدة كل العربيات بتحك

بس هو الحك خطير للدرجة دى ,, يعنى مثلا لو انتا قدامك تجيب RCZ حتجيبها ولا هتقول لا اخاف من المطبات ؟؟

[Mostafa.Mahran]

بس فى اللون الابيض عربية مبهرة فعلا

[Ahmed.Essam]

هههههههههه لا لا ربنا يكفيك شرها ,, على كده مفيش فايدة كل العربيات بتحك

بس هو الحك خطير للدرجة دى ,, يعنى مثلا لو انتا قدامك تجيب RCZ حتجيبها ولا هتقول لا اخاف من المطبات ؟؟

ربنا بخليك يارب شكرا :)
لو قدامي اجيب RCZ مش هعرف عشان عيون الناس هههههه
والله انا شايف تستخير ربنا وتشوف ايه ممكن تجيبه بدل الـ RCZ لو فيه حاجة تانية مرتاح ليها وهتريحك توكل على الله لو مفيش هات RCZ مادام هتريحك

[Mi Do]

ربنا بخليك يارب شكرا :)
لو قدامي اجيب rcz مش هعرف عشان عيون الناس هههههه
والله انا شايف تستخير ربنا وتشوف ايه ممكن تجيبه بدل الـ rcz لو فيه حاجة تانية مرتاح ليها وهتريحك توكل على الله لو مفيش هات rcz مادام هتريحك

ههههههههههههههه انا و بلا فخر 16 سنة يعنى مينفعش اسوق قردة اصلا

بس ان شاء الله كلها سنتين و 300 الف جنيه و هتلاقينى سايقها
انا بس موضوع المطبات ده كان مضايقنى حبتين عامة فى كل العربيات

وبصراحة لو الواحد حيمشى ورا خوفه من المطبات مش حيركب الا رانجلر