بيجو 508 و استهلاك البنزين

[Mo3taz mostafa]

السلام عليكم

النهارده و انا في الزحمه صفرت العداد ومشيت
شويه الكمبيوتر اداني 16 لتر لكل 100 كيلو

اعتقد ده رقم كبير جدا

مع العلم ان الكمبيوتر اداني متوسط 7.8 لكل 100 كيلو علي الطريق المفتوح
المفتوح

هل كده الاستهلاك في وسط البلد عالي جدا وللا معقول

العربيه عامله 40000 كم

[Ahmedhussein007]

ده طبيعي لانك صفرت العداد وانت ماشى فالزحمه لكن كل ماتمشى الرقم هيقل معاك لانه بعد مابتصفر العداد بيبدأ برقم كبير

[Mo3taz mostafa]

مع العلم اني بسوق زي ما الكتاب بيقول في توفير البنزين

[m mosalam]

طبيعى فى الزحمة تسحب بنزين اكتر

[Mo3taz mostafa]

اكييد
بس اكتر للدرجه دي

[Mo3taz mostafa]

يا ريت حد يفيدني عشان لو في حاجه اطلع علي التوكيل

[sherifffff]

دي أكتر مشكلة مقبلاني
متوسط الاستهلاك في آخر ١٠ الاف كيلو هو ١١.١ ليتر لكل ١٠٠ كيلو
مع العلم ان ٩٠٪ من مشاويري علي طريق سريع ومعدل الاستهلاك عليه مش أكتر من ٦.٦ ليتر لكل ١٠٠ كيلو
المشكلة في السرعات البطيئة
معدل الاستهلاك بيوصل ١٨ ليتر لكل ١٠٠ كيلو لو بدون توقف
ولو توقفت كتير في إشارات مثلاً بلاقي معدل الاستهلاك بيزيد ٠.١ ليتر كل دقيقتين
وعند التسارع الشديد بلاقية كاتبلي فوق ال٢٤ ليتر لكل كيلو

لما اشتكيت لفني الوكالة قبل صيانة العشرين قالي فحص الكمبيوتر مش مبين مشكلة
المعدل الوسطي لو وصل ل ١١ ليتر لكل كيلو ممكن يعد مقبول بس يكون ٥٠٪ من السير وسط المدينة ، مش ١٠٪ بس

السيارة بتعرض ٣ معدلات استهلاك بنزين في نفس الوقت في ٣ شاشات منفصلين
الاول ممكن تخلية متوسط دايم ومتصفروش ودة انا سبتة ١٠ الاف كيلو
والتاني ممكن تصفرة لكل رحلة ودة اللي بيبدأ عالي فعلا ويقل لما تطلع علي الطريق السريع
والتالت دة لحظي مينفعش نتحكم فية ودة اللي بيكتبلك الاستهلاك في لحظتة ساعات بشوفة ٢٦ ليتر مع التسارع وساعات بشوفة ليتر واحد او اتنين اول مبشيل رجلي من علي البنزين وبعدين بيوصل لصفر حتي لو العربية لسه ماشية موقفتش.

ال ٦٥ ليتر مبيعملوش اكتر من ٥٧٠ كيلو في المتوسط مع انهم عملوا معايا ١٠٥٠ كيلو قبل كدة بدون توقف مع تثبيت السرعة علي ١١٥ كيلو في الساعة

[mohamedadelemam]

البنزين اليومين دول وحش جدا حضرتك دى شكوى لناس كتير بمختلف ماركات السيارات الايام دى

[sherifffff]

نسيت اقول اني مقيم بالسعودية وبحطلها بنزين ٩٥ فقط من بنزينات موثوقة زي ساسكو ( حكومية ومبيغشوهاش ) وبترول والتسهيلات.

[Mo3taz mostafa]

كلامك يا استاذ شريف مظبوط هو ده اللي بيحصل

لكن في المتوسط الاستهلاك معقول 9 لتر لكل 100

هو في السعودية نفس الموتور اللي هنا؟

[sherifffff]

نفس الموتور بس من أول موديلات ٢٠١٣ بيخرج ١٦٣ حصان بدل ١٥٦ حصان

بما ان حضرتك ماشي - ما شاء الله - ٤٠ الف كيلو
هل غيرولك البوچيهات في الصيانة قبل كدة
مكتوب في الكتيب بتتغير عند العشرين

[Mo3taz mostafa]

انا اشتريتها
عامله 41000 كم
و لسه اول صيانه عند 50000

[sherifffff]

بارك الله لك فيها

[chef]

ماحدش يقارن بيجو السعوديه اصلا مع بيجو مصر لسبب بسيط جداا ؟ شوف الطرق فى السعوديه عامله ازاى وعندنا بالصلى على النبى ازاى ده اولا ؟ ثانياا اصلا فى السعوديه مافيش غش فى البنزين ؟ ثالثاا وده الاهم ان قطع الغيار اللى فى السعوديه مافيهاش غش من اصله والخ الخ الخ على كده

[hnh_75]

هو عموما تحس ان العربيات الفترة الحالية استهلاك بنزينه زاد بشكل مش شايف ليه سبب (لتر البنزين بقه مفيش فيه بركة ..)او في حاجه غلط في المحطات او البنزين نفسه