مشكله تسريب الهواء فى النوبيرا 2

[abdalla hassan]

شباب
عندى العربيه نوبيرا 2 اتوماتيك بتمشي تمام بس فجأه تلاقيها سخنت وبتطلع دخان كتير وبتنزل مايه
روحت لواحد بتاع ريدياتيرات قالي خرم ولحمهولي تانى يوم حصل نفس العيب روحتله .. بيقولي كده العيب من الوش سلندر بيسرب هواء وبيسخن العربيه بسرعه
انا مش فاهم اوى بصراحه ممكن تفهمونى او تقولولي ايه العيب
لحسن بجد اتخنقت من النوبيرا مش بتبطل مصاريف

[m mosalam]

اطرح الموضوع قى قسم نوبيرا

[mhopa2440]

أول مرة في حياتي اسمع ان وش السلندر بيسرب هوا

اللي اعرفه انه وش السلندر اما يسرب زيت او يسرب مياه التبريد على الزيت بتاع المتور ((الله اعلم))

بس بم انك قلت ان العربية بتسخن والميه بتنزل لازم حضرتك تشوف المية بتنزل من فين من كوعة ولا خرطوم مقظوع ولا ردياتير فيه مشكلة ولا طبات المياه ف الموتور الامامية او الخلفية او شجرة الميه

معرفة سبب التسريب عشان تقدر تفيد نفسك قبل ما تروح لاي ميكانيكي على الفاضي

** شغل العربية وافتح الكبود وسبها شغاله واقف اتفرج على الموتور والتوصيلات والخراطيم والكيعان لحد ما تشوف التسريب سببه فين

وياريت لو عرفت السبب تقوله عشان الجميع يستفيد

[abdalla hassan]

أول مرة في حياتي اسمع ان وش السلندر بيسرب هوا

اللي اعرفه انه وش السلندر اما يسرب زيت او يسرب مياه التبريد على الزيت بتاع المتور ((الله اعلم))

بس بم انك قلت ان العربية بتسخن والميه بتنزل لازم حضرتك تشوف المية بتنزل من فين من كوعة ولا خرطوم مقظوع ولا ردياتير فيه مشكلة ولا طبات المياه ف الموتور الامامية او الخلفية او شجرة الميه

معرفة سبب التسريب عشان تقدر تفيد نفسك قبل ما تروح لاي ميكانيكي على الفاضي

** شغل العربية وافتح الكبود وسبها شغاله واقف اتفرج على الموتور والتوصيلات والخراطيم والكيعان لحد ما تشوف التسريب سببه فين

وياريت لو عرفت السبب تقوله عشان الجميع يستفيد

بص يا باشا
الراجل قالي ان الخرم فى علبه الريداتير والعيب ف الريداتير مش بيستحمل السخونيه وبيقولي نغير الريداتير كله

انتا ايه رأي حضرتك ؟؟

[Ahmed_Gallant]

السلام عليكم
مبدئيا لازم تتاكد من ده بنفسك يعنى تعمل زى ما العضو المحترم قالك دور العربيه وخلى معاك جركن ميه وخليك فى حته ضل عشان يبقى براحتك واستنى عليها ولازم بعد ما تزود ميه تقفل الغطا وتتابع المواسير وتضغط عليها لو حسيت انها منفوخه والضغط فيها عالى ساعتها المروحه تكون اشتغلت لو ماشتغلتشى يبقى مشكلتك مش فى الدوره اصلا وعندك مشكله كهربا او ترموستات ودى بسيطه جدا ان شاء الله لو المروحه اشتغلت شوفها اشتغلت فين على امبير الحراره لو ازيد من النص يبقى الترموستات مهيس وتتحل ان شاء الله

[abdalla hassan]

السلام عليكم
مبدئيا لازم تتاكد من ده بنفسك يعنى تعمل زى ما العضو المحترم قالك دور العربيه وخلى معاك جركن ميه وخليك فى حته ضل عشان يبقى براحتك واستنى عليها ولازم بعد ما تزود ميه تقفل الغطا وتتابع المواسير وتضغط عليها لو حسيت انها منفوخه والضغط فيها عالى ساعتها المروحه تكون اشتغلت لو ماشتغلتشى يبقى مشكلتك مش فى الدوره اصلا وعندك مشكله كهربا او ترموستات ودى بسيطه جدا ان شاء الله لو المروحه اشتغلت شوفها اشتغلت فين على امبير الحراره لو ازيد من النص يبقى الترموستات مهيس وتتحل ان شاء الله

تسلم يا غالي ممكن فعلا يكون العيب مروحه وكلامك مقنع
لان الراجل قالي المروحه مش بتشتغل لما يكون فيه هوا وده كلام مش منطقي
ع العموم هجرب وشكرا لردك ^_^

[Sherif Mandoor]

اول هام لازم نغبر السباك ده
تشوف المبه بنتزل منين وممكن تكون ميه السخن داخل الصالون

[mhopa2440]

بص يا باشا
الراجل قالي ان الخرم فى علبه الريداتير والعيب ف الريداتير مش بيستحمل السخونيه وبيقولي نغير الريداتير كله

انتا ايه رأي حضرتك ؟؟

بص لو في خرم ف علبة الردياتير دا فعلا مش بتتلحم نهائي كان عندي نفس المشكلة وجربت الحمها اكتر من مرة وفشل الموضوع (بس كنت بجرب ف البيت)

المهم لازم تتاكد ان العيب هو دا وتعرف مكان الثقب فين عشان تتاكد منه (هتلاقي في تسييل نقط ميه لما تكون العربية شغاله وسخنة وكمان هتشوف خط اصفر بعد ما المية تنشف)

بعد كدا هتغير العلبة بس حرام تغير الردياتير إلا لو كان في مشكلة العلبة تمنها من 70 80 جنية وكمان 30 جنيه مصنعية يعني الحوار كله من 100 ل 120 جنيه

[khaled_sabry]

بص هو الميكانيكي اللى عاوز يقولهولك
ان عندك جوان وش السلندر بيسرب ضغط غرفه الحريق على ميه الريداتير (بتحصل و حصلت عندى قبل كده)
و بالتالى الميه عندك بتسخن بسرعه و بيبقى فيه ضغط فى دورة الميه بيؤدى الى ان الريداتير بيتخرم بسرعه و كمان الميه عندك يإما بتنقص نتيجه لتسربها داخل غرفه الحريق و خروجها كبخار ماء مع العادم
او تسربها من ثقب الريداتير اللى حدث

لو عاوز تتأكد ان كل القصه دى صح و لا غلط - الصبح و انتا نازل افتح غطاء الريداتير و زود بنزين على الاخر (4000 rpm مثلا ) و شوف الميه اللى فى الريداتير - لو لاقيتها بتطلع فقاقيع بشكل مستمر و بتزيد مع زياده البنزين يبقى فعلا فيه تسريب من السلندرات للدورة التبريد و محتاج تعمل جوان وش السلندر
اما لو ماكنشى فيه فقاقيع بتخرج يبقى جوانك سليم و غير الميكانيكي
ملحوظه : ممكن تخرج شويه فقاقيع قليله اول لما تزود بنزيد - ماتقلقشى ده حيكون مجرد هواء موجود فى دورة التبريد بتاعتك - تقلق لو الفقاقيع دى مستمره طول ما انتا بتزود بنزين