تحسين تبريد 504

[khaled_sabry]

السلام عليكم
الناهرده قابلت بالصدفه واحد معاه 504 زى و مكيفه زى برضه
طبعا قولتله اليومين الحر اوى اللى فاتو ماكنتش اقدر اشغل التكيف على الرغم من انى شايل المروحه اللى على السير و مركب مروحه كهرباء على ثرموثتات و بعد ده كله كانت درجه الحراره على اخر الاسود لما اقف شويه فى الزحمه
و طبعا مافكرتش اصلا اشغل التكيف

فجئت بيه بيقولى ان العربيه عنده عادى و لا سخنت و لا حاجه و الحراره عمرها ما بتعدى النص حتى لو مشغل التكييف على الرغم انه لسه شغال بمروحه اللى على السير !!!!
قولتله ازاى ياعم

قالى هو عامل تعديل عنده انه خارط الطنبوره اللى بتركب على طرمبة المياه و مصغر قطر الدائره اللى بيتحرك عليها سير الموتور
و بالتالى الطرمبه بتتحرك عنده اسرع من الفابريكه اللى عندى و بالتبعيه تقليب الميه عنده اسرع
لدرجه انه فى الشتاء بيطر يحط كرتونه امام الريداتير علشان العربيه تسخن شويه و تطلع من الازرق و تدخل على الاسود

ايه رأيكم فى التعديل ده ؟؟؟ انا بفكر انفذه عندى علشان انا فعلا مش بقدر اشغل التكيف فى الزحمه او فى وسط البلد بسبب الحراره دى !!
و لكن هل طلمبه الميه تستحمل السرعه دى ؟؟؟ يعنى هل ممكن و انا مسافر (4000 rpm) مثلا الطرمبه تفرط و تبقى كارثه ؟؟

[bassem.naguib]

هو مفيش ترموستات كوعة في ال 504 .

[khaled_sabry]

هو مفيش ترموستات كوعة في ال 504 .

لا فيه طبعا
بس كالمعتاد كل الناس شايلينها و اكيد الراجل اللى عامل التعديل بتاع طلمبة المياه ده شايلها برضه

انا بس سؤالى عن تصغير قطر الطنبوره ده اللى حيؤدى لتسريع تقليب الميه - ممكن يبقى ليه سلبيات ؟؟

[khaled_sabry]

لمزيد من التخيل
ده شكل الطنبوره اللى بيركب عليها السير
[sor2]http://img.weiku.com/waterpicture/2011/10/27/4/Series_engine_water_pump_pully_for_peugeot_404_504 _505_car_oem_water_pump_pully__634556719122754347_ 1.jpg[/sor2]
و ده شكل طرمبة المياه نفسها
[sor2]http://img.weiku.com/waterpicture/2011/10/27/3/Series_auto_engine_water_pump_for_peugeot_106_205_ 305_306_309_404_405_504_505_J7_J9_car_oem_water_pu mp__634556719096702302_5.jpg[/sor2]

[khaled_sabry]

ده شكل الطرمبه و هى راكبه
على فكره صاحب العربيه شايل برضه المروحه اللى على السير و مركب مروحه كهرباء و انا عامل زيه بالظبط

[bassem.naguib]

لا فيه طبعا
بس كالمعتاد كل الناس شايلينها و اكيد الراجل اللى عامل التعديل بتاع طلمبة المياه ده شايلها برضه

انا بس سؤالى عن تصغير قطر الطنبوره ده اللى حيؤدى لتسريع تقليب الميه - ممكن يبقى ليه سلبيات ؟؟

أكيد طبعاً ليه سلبيات وأقلها تقصير العمر الافتراضي لطلمبة الميه .. لأن أي حاجة بتلف بتبقى على رولمان بلي .. وطالما صغرت القطر السرعة بتاعة الدوران حتزيد .. ولكن السلبية الأكبر هي عدم وجود ترموستات كوعة .. أنا عارف أنه ممكن يكون معظم الموجود في السوق مضروب .. بس حاول تجيب نوع نضيف والدنيا حتظبط معاك إن شاء الله .

أوزن الأمور وشوف أيه الأنسب ليك .. لأنك ممكن تكون غلبت في موضوع ترموستات الكوعة وده اللي خلاك تشيلها .. حاجة تانية حاول تركب مفتاح واحد شدة لتشغيل مروحة التبريد يدوي تحسباً لأي عطل في المروحة أنها متشتغلش أو أن ترموستات الحرارة تبوظ .. فمتضطرش أنك تقف وتعطل في الطريق .

كفاءة مروحة التبريد اللي أنت مركبها كويسة ولا تعبانة ..عفية يعني ولا ضعيفة .

[dr.hazem]

طب ليه مترجعش المروحه السير وتصغر قطر طمبورتها فتزيد سرعة تبريدها؟؟؟

Sent from my mobile using Forum Runner

[khaled_sabry]

أكيد طبعاً ليه سلبيات وأقلها تقصير العمر الافتراضي لطلمبة الميه .. لأن أي حاجة بتلف بتبقى على رولمان بلي .. وطالما صغرت القطر السرعة بتاعة الدوران حتزيد .. ولكن السلبية الأكبر هي عدم وجود ترموستات كوعة .. أنا عارف أنه ممكن يكون معظم الموجود في السوق مضروب .. بس حاول تجيب نوع نضيف والدنيا حتظبط معاك إن شاء الله .

أوزن الأمور وشوف أيه الأنسب ليك .. لأنك ممكن تكون غلبت في موضوع ترموستات الكوعة وده اللي خلاك تشيلها .. حاجة تانية حاول تركب مفتاح واحد شدة لتشغيل مروحة التبريد يدوي تحسباً لأي عطل في المروحة أنها متشتغلش أو أن ترموستات الحرارة تبوظ .. فمتضطرش أنك تقف وتعطل في الطريق .

كفاءة مروحة التبريد اللي أنت مركبها كويسة ولا تعبانة ..عفية يعني ولا ضعيفة .

بصراحه انا واخد العربيه من والدى عليه رحمة الله و هى من غير ثرموستات الكوعه
و كنت متردد فى تركيبها من كتر المشاكل اللى بسمعها لما بتقفش (اخرها عربيه عمى لانسر موديل 2011 جابت جوان وش سلندر بسبب ان الثرموستات قفشت )
مروحه الريداتير اللى جايبها كويسه بتحافظ على الريداتير و مش بتخليه يسخن لو كان من غير تكيف
هو عاما نظام التبريد عندى كويس فى درجات حراره الجو العاديه و العاليه
و اقدر اشغل التكيف عادى لو انا على طريق طوالى - لكن مشكلتى اللى عاوز اعمل التعديل ده علشانها انى عاوز اقدر اشغل التكيف لما الدنيا تبقى حر اوى و زحمه

و بصراحه حتى لو عملت التعديل بتاع تصغير الطنبوره ده مش حركب ثرموثتات الكوعه فى الاول - لكن لو لاقيتها فى الشتاء مش بتسخن يبقى حركبها فورا

[amrelsaqqa]

تعديل عبقري على فكرة واعتقد مفيش منه ضرر
ليه بقى لان الطرمبة اكيد مصممة تمشى بسرعات عالية يعنى مثلا بتستحمل انك تمشى بالموتور 6000 ار بي ام و 7000 بس طبعا انت مش بتمشى كدة عشان الموتور نفسه اللى هيبوظ ساعتها

فكل اللى هيحصل انك وانت سلانسيه هيبقى الطرمبة ماشية كأنك ماشى 1200 ار بي ام مثلا
ووانت على 3000 مثلا كأنك على 4000 وهكذا ..
حتى لو عمر الطرمبة قل مش هيبقى بالدرجة الكبيرة وهيبقى كأنه تابع لتغيير نمط استخدام العربية يعنى تأثير بسيط معتقدش ان يحصل فرط فجأة والكلام ده ..


طب فكرت تعدل في الدورة وتخليها مغلقة مش مفتوحة ( معرفش ازاى ) بس بيتهيألى هيزود كفاءة التبريد ككل برضه

[khaled_sabry]

تعديل عبقري على فكرة واعتقد مفيش منه ضرر
ليه بقى لان الطرمبة اكيد مصممة تمشى بسرعات عالية يعنى مثلا بتستحمل انك تمشى بالموتور 6000 ار بي ام و 7000 بس طبعا انت مش بتمشى كدة عشان الموتور نفسه اللى هيبوظ ساعتها

فكل اللى هيحصل انك وانت سلانسيه هيبقى الطرمبة ماشية كأنك ماشى 1200 ار بي ام مثلا
ووانت على 3000 مثلا كأنك على 4000 وهكذا ..
حتى لو عمر الطرمبة قل مش هيبقى بالدرجة الكبيرة وهيبقى كأنه تابع لتغيير نمط استخدام العربية يعنى تأثير بسيط معتقدش ان يحصل فرط فجأة والكلام ده ..

انا فعلا كنت معجب بالتعديل بس قولت اخد رأيكم فيه قبل ما انفذه لحسن تكون ليه سلبيات كارثيه و الواحد مش واخد باله منها
خاصه انه تعديل مش منتشر و اول مره اسمع عنه

طب فكرت تعدل في الدورة وتخليها مغلقة مش مفتوحة ( معرفش ازاى ) بس بيتهيألى هيزود كفاءة التبريد ككل برضه

تقصد ان الدوره تبقى مغلقه زى العربيات اليابانى
انا فعلا عاملها عندى من سنتين مغير غطاء الريداتير و جبت غطاء بتاع تيوتا ووصلت الخرطوم اللى فى الرقبه بزجاجه بلاستيك معفنه كده (كإنها قربه) و شغاله معايا زى الفل و الميه تقريبا مش بتنقص فى عز الحر
بفكر اشتريهلها قربه و اركبها بس عاوز حاجه رخيصه - مش لفائده و لكن ماحدش يتريق على المنظر لما يلاقى زجاجة البيبسى اللى معلقها

[amrelsaqqa]

هههههه ازازة بيبسى
طب والله جامدة وعلى فكرة مش مجال لتريقة خالص طالما قايمة بالواجب وبالعكس ده ابداع و thinking out of the box :D

[dr.hazem]

ممكن متصغرش الطمبوره جامد...
لو صغرتها النص هتبقى ضعف الار بي ام وبكده عمرها هيخلص بسرعة واتوقع مشاكلها هتكتر...
انما لو مثلا قطر الطمبوره الاصليه 10 سم وانت صغرتها ل 8 سم هيزيد عدد اللفات 20% وبالتالي مش هيفرق الار بي ام لدرجات مخيفه وهتحصل على تبريد اعلى...
تحياتي

Sent from my mobile using Forum Runner

[mfs3570]

انا كنت عامله عندي في ال504 قبل ما بيعها وبصراحه كانت مخليه العربيه تلج بس العيب الوحيد ان صوت المروحه هيكون عالي شويه بسسب السرعه العاليه للمروحه وانا راي انك ممكن بدل تغيير الظالظمبوره انك تشغل المروحه الكهربا علي ترموستات هتكون افضل

[Akram.Gamal]

انا عندى فكره بسيطه اوى
هات مروحه كمان و ركبها فى وش الردياتير و اعمل بزرار عندك جوه لما العربيه تسخن اضغط الزر ف ثانيه تبررد العربيه

بس ده طبعا بعد ماترجع المروحه تانى ع السير .. و خلى بالك بلاش لعب احسن زعلها وحش (وش السلندر مش حقل تجارب)

[khaled_sabry]

انا عندى فكره بسيطه اوى
هات مروحه كمان و ركبها فى وش الردياتير و اعمل بزرار عندك جوه لما العربيه تسخن اضغط الزر ف ثانيه تبررد العربيه

بس ده طبعا بعد ماترجع المروحه تانى ع السير .. و خلى بالك بلاش لعب احسن زعلها وحش (وش السلندر مش حقل تجارب)

المشكله ان مافيش مساحه تكفى لمروحه تانيه عندى
لأنى عندى تكييف و مروحه تانيه ليه من قدام

ممكن متصغرش الطمبوره جامد...
لو صغرتها النص هتبقى ضعف الار بي ام وبكده عمرها هيخلص بسرعة واتوقع مشاكلها هتكتر...
انما لو مثلا قطر الطمبوره الاصليه 10 سم وانت صغرتها ل 8 سم هيزيد عدد اللفات 20% وبالتالي مش هيفرق الار بي ام لدرجات مخيفه وهتحصل على تبريد اعلى...
تحياتي

sent from my mobile using forum runner

كده كده انا مش قدر اخرط كتير من الطنبوره لإنى اكتشفت انها مجوفه اوى من جوه
يعنى اخرى حخرط منها 1 سم بالكتير

انا كنت عامله عندي في ال504 قبل ما بيعها وبصراحه كانت مخليه العربيه تلج بس العيب الوحيد ان صوت المروحه هيكون عالي شويه بسسب السرعه العاليه للمروحه وانا راي انك ممكن بدل تغيير الظالظمبوره انك تشغل المروحه الكهربا علي ترموستات هتكون افضل

انا اشتريت فعلا الناهرده طنبوره علشان اخرطها لما الاقيلها وقت
بالنسبه لموضوع الصوت مش حتبقى عندى المشكله دى لأنى مشغلها على مروحه كهرباء
بس ياريت تقولى هل الطنبوره اللى كانت عندك كانت بالشكله ده

لمزيد من التخيل
ده شكل الطنبوره اللى بيركب عليها السير
[sor2]http://img.weiku.com/waterpicture/2011/10/27/4/series_engine_water_pump_pully_for_peugeot_404_504 _505_car_oem_water_pump_pully__634556719122754347_ 1.jpg[/sor2]

لأنى و انا عند التاجر قالى ان العربيه بينزل لها نوعين من طلمبات الميه
واحد بعمود طويل و التانى بعمود قصر و كل نوع ليه طنبوره مختلفه عن التانى
اللى عندى طلمبه بعمود قصير زى اللى موجوده فى الصوره دى و الناهرده اشتريت واحده جديده علشان العب فيها بمزاجى بس لاقيتها مجوفه اوى من جوه و السمك بتاعها يادوب يسمحلى بخرط سنتى او نص سنتى منها !!!
فهل ده حيفرق اصلا!!!
انا بسأل لإن يتهيألى ان اللى عندكم طلمبه بعمود طويل