الدروس المستفاده فى صيانة 10000 (301) !!

[Akram.Gamal]

بسم الله الرحمن الرحيم

اولا .. حجزت الصيانه قبليها باسبوع و ده كان الميعاد الوحيد المتوفر
كنت عامل 8700 كم تقريبا و انا بحجز لان التيل بيصفر من زمان اصلا


المهم اخير رحت التوكيل و العربيه كانت تقريبا عملت 9100 كم

طبعا دوخت على ماوصلت فرع غمره (على فكره ال عايز يعمل صيانه دوريه فقط يروح صلاح سالم و يرح نفسه)

كنت حاجز الساعه 11 وصلت الساعه 1 الظهر

دخلت التوكيل قابلنى المدعو احمد سلامه
استلم العربيه و قولتلوا على ملاحظاتى
اسمعوا بقا لما كلمته على التيل قاللى ايه .. اصل حضرتك لما بتغسل العربيه التيل بيبوش من المياه و بعدين مع المشى و الشمس التيل بيتحمص فبيخلص بسرعه (الكلام باللفظ) ,, قلتله مش بغسلها بمسدس


جينا للصيانه قالى هنغير الزيت و الفلتر قولتله لا مش عايز اغير فلاتر غير الزيت و هجيب زيت شيل
قالى لا و ده كان مهندس مولر مش احمد سلامه
قولتله انا مش حاطط زيت غير شيل و خرجت جبته جركن شيل الترا 5W40 بـ 315 جنيه

عامل الصيانه فك التيل و صنفره و ركبه تانى و قالى يمشى 2000 كم
احمد سلامه قالى نغيرو قلتله لا طبعا تغير ايه
وفى الفاتوره كتبلى يلزم تغير التيل حشان يخلوا مسئوليتهم من ضمان التيل (خبث واضح لكن للاسف مخدتش بالى غير بعد مامشيت)

سالتهم على سوفتوير او كده جديد قالى النت فاصل انهارده بس برضو جاب الكمبيوتر و قعد يظبط فيها كده و قالى ان هتحس باستجابه اسرع و افضل فى دواسة الوقود (مع ان مكنش فيها مشاكل اساسا)
دفعت 437 جنيه منهم 260 مصنعيه فقط
و خلاص اتغسلت العربيه و مشيت

ودى صور جدول الصيانه



و دى صور اسعار قطع الغيار بدون الضريبه

[ahmed_moeaz]

مبروك الصيانة

[amrelsaqqa]

مبروك الصيانة بس انت غيرت الزيت من غير الفلتر !؟؟
لازم تغيير فلتر الزيت وخصوصا لو غيرت نوع الزيت

[damasry]

هو غير فلتر الزيت مش الهواء

[2CODE]

متاخدش في بالك من بتوع التوكيل ولو العربية بدون مشاكل استمتع بس كنت غير التيل احسن والمفروض كانوا يغيروه في الضمان لانك قبل الـ10 الاف والتيل بيصفر :0

ومبروك الصيانة وحلوه كلمة يبوش دي قوله كلمة مسمعتهاش ليا تقريباً 23728738778127381872 سنة :)

[damasry]

المصنعية كتيرة اووووووى لتغيير زيت وفلتر زيت ب260 جنيه

[Akram.Gamal]

الله يبارك فيكوا
لالا غيرت الفلتر طبعا بتكلم على فلتر الهواء و ف الاخر اتغير برضو

[damasry]

لييييييه مغيرتش التيل فى الضمان؟؟؟؟
المفروض كنت تتمسك بحققك فى تغييره

[Akram.Gamal]

هو غير فلتر الزيت مش الهواء

غيرت الاتنين الزيت و الهواء

متاخدش في بالك من بتوع التوكيل ولو العربية بدون مشاكل استمتع بس كنت غير التيل احسن والمفروض كانوا يغيروه في الضمان لانك قبل الـ10 الاف والتيل بيصفر :0

ومبروك الصيانة وحلوه كلمة يبوش دي قوله كلمة مسمعتهاش ليا تقريباً 23728738778127381872 سنة :)

يعنى انت مسكت ف يبوش و سبت يتحمص ههههه هو احنا فى محل بقاله ايه علاقة الالفاظ دى بالسيارات ؟؟!!

المصنعية كتيرة اووووووى لتغيير زيت وفلتر زيت ب260 جنيه

دى مبالغ فيها اصلا

[Akram.Gamal]

لييييييه مغيرتش التيل فى الضمان؟؟؟؟
المفروض كنت تتمسك بحققك فى تغييره

والله يا محمد بيه سقطت منى الحته دى و انا هناك
و كمان لما جه ف بالى الخبث بتاعهم اتضايقت اوى بس انا هعرف اجى عليهم و اخد حقى

[2CODE]

يعنى انت مسكت ف يبوش و سبت يتحمص ههههه هو احنا فى محل بقاله ايه علاقة الالفاظ دى بالسيارات ؟؟!!

لا ده مش محل بقاله دي محمصه ههههههههههههههههههه
بس برضه زي ما قولت لك كنت غيره في الضمان ده حقك و 2000 كيلو ايه اللي يمشيهم تاني قوله يعني شهرين تلاته واجيلك تاني - 2000 كيلو دي قليلة جداً في السيارات يا اكرم ما انت عارف طبعاً

بس ولايهمك خليها على الله وهو هيدبرها :)

[mhkorayem]

مبروك الصيانه بس كان المفروض تظبطهم على موضوع التيل ده وبالذات بعد الردود العجيبه بتاعة المهندس وهو على العموم كل التوكيلات تقرف وبقوا زباله اوي
بس انا شايف ان الاسعار اللي انت مصورها لقطع الغيار دي غاليه مش زي ما كانوا في التوكيل محسسين الواحد ان قطع الغيار ببلاش وارخص من الكوري والجو الفاكس ده (بإستثناء سعر فلتر البنزين بصراحه سعره كويس اوي) وبعدين الصوره مش موضحه سعر تيل الفرامل الامامي هما قالولك سعره كام بالظبط

[RoadFinder]

استاذ اكرم ممكن توضح لى ليه ما استخدمتش الزيت المذكور فى كتالوج العربيه اللى هو total quartz ineo 5w-30 مش كده يبقى غلط على الموتور لأن اكيد بيجو ادرى بالزيت المناسب لنوعيه الموتور خصوصا انه موتور من جيل جديد نسبيا

[Hema_Basha]

ريش مساحات ب 355 واسبراي محرك 59 بجد لا تعليق

[فهد المصرى]

طبعا كلام مش فنى خالص مش عارف ازاى انت استحملت الكلام ده
انا عايز اعرف حضرتك غيرت الزيت لشل وهل هو اداءه احسن من موبيل ولا لا؟