301 خليجى

[Mahmoud_Yassin]

السلام عليكم ورحمة الله وبركاتة
الاخوة اعضاء المنتدى .
هل يوجد بيجو 301 مواصفات خليجى بتتباع عندنا فى مصر . لان المواصفات الخليجى افضل من اللى بتيجى عندنا. لان احنا ما عندناش مواصفات مصرية اصلا . وكدة كدة اللى سمعتة من تعليقات الاخوة فى المنتدى ان التوكيل زبالة .وكمان بالعند فى التحذير بتاعهم.
واية الفرق بين الهاى لاين اللى عندنا والخليجى.
ويا ريت لو حد يعرف اسماء معارض بتبيع الخليجى يكتبلنا اسمها وعنوانها ان امكن . حتى تعم الفائدة على الجميع.
وشكرا لحضراتكم

[damasry]

ايوه فى خليجى ومن شهرين كانت نفس سعر التوكيل لكن تسليم فورى

المعارض مش عارف بس ممكن اسأل واقولك.

[Mahmoud_Yassin]

شكرا لرد سيادتك وفى انتظار ردك ولو امكن ممكن الفرق بينهم وبين عربيات التوكيل المصرى

[a_nesta13]

مفيش فرق خالص في اي اوبشن

انا جايب العربيه في السعوديه هاي لاين هيا بالظبط اللي موجوده في مصر

بس الوكيل بيقول ان التكييف اقوي والدهان احسن بس الله اعلم انا مش عارف اذا كان فيه فرق فعلا ولا لا

[J A G U A R]

معتقدش يكون فى فرق بين الخليجى والوكيل فى العربيات الاوروبى ولو فى فرق هاتبقى حاجات بسيطه والله اعلم

[Mahmoud_Yassin]

متابع

[Morad kassem]

ديه اول مشاركة ليه فى المنتدى وانا فعﻻ سعيد جدا للانضمام

فى معرض فى مصر الجديدة جامع الفتح اسمه رضا حمزه عندهم الخليجى الأوتوماتيك baseline ب 124000 واستﻻم فورى بس السيارة بدون ضمان وممكن تضاف للضمان تقريبا ب 1000 جنيه فى السنة

ده رقم المعرض
02 22404140

لو حد من الاعضاء قام بزيارة المعرض يوضح المميزات فى الخليجى والعيوب برده لو فيه

[tito32]

مفيش فرق

[الغزالى]

العريبه دى المستورد بتاعها هوا ناشيونال موتورز
والعريبه موجوده بقالها فتره فالسوق حوالى شهرين او اكتر شويه
المهم ان اللى موجود البيز لاين بس
ودى بتنقص عن الوكيل ايرباج ... وتتباع بنفس سعر الوكيل الرسمى او اقل 1000 جنيه

[Mahmoud_Yassin]

اهلا وسهلا بك استاذ مراد ويسعدنى ان اول مشاركة لك تكون معنا .انا اتصلت بمعرض رضا حمزة اللى سيادتك ذكرتة وهو عندة البيز لاين اتوماتيك فقط و ب 124000.
والخليجى بيبقى افضل من المصرى فى البوية والتكييف والكاوتش وخامة التابلوة عشان الحرارة .
دة بصفة عامة فى كل العربيات المواصفات الخليجى .بس فى ال 301 ما اعرفش

[Mahmoud_Yassin]

العريبه دى المستورد بتاعها هوا ناشيونال موتورز
والعريبه موجوده بقالها فتره فالسوق حوالى شهرين او اكتر شويه
المهم ان اللى موجود البيز لاين بس
ودى بتنقص عن الوكيل ايرباج ... وتتباع بنفس سعر الوكيل الرسمى او اقل 1000 جنيه

شكرا لردك استاذ الغزالى انا اتصلت بناشيونال موتورز فرع مدينة نصر وقالى انهم ماعندهمش بيجو 301 لا توكيل ولا خليجى .

[الغزالى]

شكرا لردك استاذ الغزالى انا اتصلت بناشيونال موتورز فرع مدينة نصر وقالى انهم ماعندهمش بيجو 301 لا توكيل ولا خليجى .

طيب كلم معرض الملك 19296
واسئل على محمد عطيه او دعاء
وقولهم زميل غزالى

[Morad kassem]

يا باشا انا كلمت الملك و سالت على المانيوال قاللى 119000 جنيه والاوتوماتبك 129000 جنيه و مفيش خليجى
ده سعر المانيوال عنده غالى جدا جدا جدا

فلو حد يقدر يقوللى على معرض تانى بس السعر يكون معقول

[knightwalid]

مافيش حد عندة معلومة عن اماكن بيع ال301 الخليجى واية الفروقات اللى بينها وبين اللى بتنزل توكيل
وانتوا اية رايكم الواحد يجيب الخليجى ولا المصرى hl .

[Mahmoud_Yassin]

ممكن اسماء معارض بتبيع ال 301 الخليجى لانى نويت اجيبها خلاص ومش حانتظر 3 او 4 شهور عشان استلم وكدة كدة التوكيل مالهوش اى لازمة