إعـــــــلان

Collapse

.

,
See more
See less

جهز 800 جنيه لصيانة ال 10000 بيجو 301

Collapse
X
 
  • Filter
  • الوقت
  • Show
Clear All
new posts

  • جهز 800 جنيه لصيانة ال 10000 بيجو 301

    الحمد لله عملت صيانة 10000 للعصفورة 301 ..
    حاجات تاخدها معك ( رخصة العربية + كتيب الضمان + 800 جنيه )
    يستحسن تروح في الفاضي قبل 10 الصبح ..
    تسليم العربية في 15 دقيقة فرع ابو رواش ...
    تدخل تقعد قدام التلفزيون ...
    ساعتين هينادوا عليك ..
    تسلمهم الايصال و الفلوس و الكتيب يتختم ...
    عملوا ايه ( زيت و فلتره - فلتر هواء تغيير - تربيط عفشة - غسيل المكنة بالفوم )
    و كان في طلب شخصي انهم يثبتوا الشبكة الامامية و السفلية دائمة الفك ..
    بس كده
    ملحوظة ..... حاطين ورقة هناك ان في عرض تلميع العربية ب 200 جنيه

  • #2
    كتير اوى بصراحة ولية تغير فلتر الهواء دة بيتنضف وبيركب تانى

    Comment


    • #3
      ده نظامهم هناك ... بس بصراحة العصفورة فاقت

      Comment


      • #4
        عملت إيه فى موضوع التيل؟ ماكنش محتاج تغيير؟

        ممكن تقولنا (أو ترفق صورة) للفاتورة عشان نبقى عارفين كل حاجه إتكلفت كام.
        It's not who I'm underneath, It's what I do that defines me

        Comment


        • #5
          بصراحة كتييير ، صيانة 10000 لنيو كارينز بتتكلف 450 جنيه بالزيت بالفلتر بالمصنعيات
          Houseiny

          [FONT="Arial Black"]Even enemies can show respect. [/FONT]

          Comment


          • #6
            800 جنيه ازاي؟

            امال صيانة ال20 الف ولا ال40 الف بكام؟ وال 60 الف بكام؟ ده كتير جداً

            حضرتك متأكد ان مفيش حاجة تانية اتغيرت غير الفلتر؟
            eng f3lix سابقا

            Comment


            • #7
              ابتسم

              ابتسم انت في بيجو .....
              كويس إنك مغيرتش تيل و الموضوع وصل ل1500 زي البعض
              [SIGPIC][/SIGPIC]

              Comment


              • #8
                الف مبروك الصيانة
                وتوقيت الى حد ما سريع فى الصيانة .
                ياريت لو بنود الصيانة التفصيلية اللى حصلت معاك

                Comment


                • #9
                  المشاركة الأصلية كتبت بواسطة abohend مشاهدة المشاركة
                  ابتسم انت في بيجو .....
                  كويس إنك مغيرتش تيل و الموضوع وصل ل1500 زي البعض
                  قلبى حاسس ان انت اللى مش هتغير التيل يا ابو هند على ال100000 هيفضل لل30.000 كم

                  Comment


                  • #10
                    والله فقط ...
                    فلتر هواء ... فلتر زيت ... زيت ... تربيط عفشة ... تثبيت الشبكة الامامية حيدا ... كشف مستوي السوائل ( اي كلام)
                    مصنعية 275 جنيه ... ضريبة مض عارف ايه 76 جنيه ... فلتر هواء 41 ...فلتر زيت 48 ... زيت 286 جنيه و شوية فكة كمان ...
                    هنزل اجازة من الصحرا اللي انا فيها دي ... و اصور الورق ...

                    Comment


                    • #11
                      فلتر الهواء كل 20 ايه كل 10 ده !!!!
                      يجب تعديل حجم الصورة

                      Comment


                      • #12
                        غريبة لاني عملت صيانة ال10 الاف في ابورواش بردو و دفعت 637 جنية ازاي حضرتك 800 ولا هيا ماشية هناك!!!

                        Comment


                        • #13
                          مش جديد على فرع ابو رواش
                          حاجة بنت تيت
                          عالم مستفزة وسوري في اللفظ كأنك واقف في سوق البهايم
                          مش توكيل محترم ولا تسعيرات ثابتة

                          مش دول اللى عملولى مقايسة اصلاح بـ 50 الف جنيه ! وكل اللى كان في العربية اصلا فردة كاوتش ومقص وكوبلن وصرة العجلة !

                          Comment


                          • #14
                            من وجهة نظري مش كتير علي عربيه اوربيه 800 جنيه وماتنسوش انه توكيل يعني اكيد لازم يكون اغلي وعلشان كمان حاجاتها مش موجوده غير عندهم

                            Comment


                            • #15
                              انا اللى مش غايظنى الاسعار اوى ، ممكن الواحد يستحمل في الصيانة الدورية اللهف اللى بيلهفوه بدون وجه حق ..

                              بس الفكرة مفيش احترام ولا التزام
                              يعنى ايه النهاردة تركيب الفوجات في صلاح سالم بـ 1000 وغمرة بـ 1200 و ابو رواش 1600 !
                              نفس الحاجة بنفس القطع والمفروض نفس المصنعية ، وكل مكان حسب مزاجه او حسب شكل العميل مثلا ! وكأننا في سويقة مش توكيل محترم !
                              وبعد اسبوع الاسعار تزيد بلا مبرر
                              وتيل الفرامل اللى غلوه 80 جنيه مرة واحدة لدرجة ان بقت في قطع للـ 301 اغلى من بتاعت الـ 508 نفسها !!!!!

                              Comment

                              Working...
                              X