إعـــــــلان

Collapse

.

,
See more
See less

هام جدا جدا موضوع غطاء وحدة الكنترول في بيجو 301 امتنان وعرفان لأعضاء المنتدى

Collapse
X
 
  • Filter
  • الوقت
  • Show
Clear All
new posts

  • هام جدا جدا موضوع غطاء وحدة الكنترول في بيجو 301 امتنان وعرفان لأعضاء المنتدى

    الحقيقة انني بعد اخر مشاركة لي في المنتدى كنت قد قررت عدم الدخول على المنتدى او المشاركة فيه بشكل او اخر وذلك لوجود ردود فعل غريبة من القليل في المنتدى ليس لها عندي سوى وصف واحد لا اريد ذكره عموماً انا اكتب اليوم عن موضوع غطاء وحدة الكنترول إمتناناً وعرفاناً لأفضال اخوة افاضل في المنتدى تشرفت في وقت سابق بالقراءة والرد عليهم.
    بدون اطالة انا ذهبت لصيانة ال 2500 بعد الحجز في غمره وكانت شكواي متركزة في ضعف سحب السيارة في بعض المواقف الغريبة والتي لم افهمها مثلا في الزنقه وعند تشغيل التكييف في الأوقات الحارة وكانت هناك شكوى من قلة ادب مركز شكاوي بيجو (Call center) وعدم تحقيقهم في شكوتين تقدمت بهم بخصوص موضوع غطاء وحدة الكنترول او حتى الإعتذار عن عدم الرد وطبعا ده كان لأنهم وعندهمش رد ووجدت المهندس المستلم لسيارتي يعطيني سبب عجيب جدا وهو ان الشركة الأم قالت لهم انها شالته لأنها اكتشفت انه بيسخن وحدة الكنترول واكد لي انه الأفضل ماركبوش والحقيقة ان الكلام ده مدخلش دماغي ولكني سكت لأني بصراحة كنت زهقت وجلست في الإستراحة انتظر انتهاء السيارة وهناك تعرفت على اخ فاضل لديه 301 موديل 2015 هاي لاين زيي فتحدثنا عن الموضوع وقال لي انه سمع عنه موضوع الغطاء لكن مش فاهم ايه الحكاية ففهمته فقال لي استنه انا اسال المهندس اللي معاه سيارتي وهو مهندس تاني وساله في وجودي فقاله لا بيسخن ولا حاجه ولكن السيارة نازله من غيره فهنا بدات احس ان الموضوع مجرد تطفيش فقررت الذهاب لقطع الغيار للسؤال عن الغطاء اذا كان موجود او لا واعرف سعره كام وقلت لو مش غالي حريح دماغي واجيبه وفوجئت بمسئول قطع الغيار والحقيقة انه راجل اكثر من محترم يقول لي بتسئل ليه قات له عايز اشتريه قالي هو مش موجود في عربيتك قلت له ايوه قالي سيارتك موديل كام قلتله قالي يبقى من غير فلوس ده حقك يركب لك في الضمان ويكتب على امر الشغل للسيارة فاخذت الراجل اللي تعرفت عليه وكل مننا ذهب للمهندس اللي معاه وكان الردين مختلفين المهندس بتاعي قالي الكلام ده مش صح وانا مش حركبه والمهندس الثاني قال حسأل وارد عليك وهنا استمرت حرب غير معلنه بينا وبين فريق المهندسين في التوكيل وعلى رأسهم مدير الصيانه اللي رفضوا رفض قاطع تركيب الغطاء داخل الضمان واللي زاد من اصرارنا على تركيبه اننا رجعنا لمسئول قطع الغيار علشان نشتري الغطاء رفض بيعه لنا وقلنا ده حقكم مجاني وليس له سعر عندي واتصل بالإدارة بمدير المبيعات اللي قاله في كمية مرسله لك من الغطاء علشان العربيات الجديده اللي نازله من غير غطاء ويركب ضمن الضمان بعد تسجيله على امر الشغل للسيارة وبالرغم من هذا استمر المهندسيين ومدير الصيانه على رفضهم وبقينا داخل التوكيل حتى تم اغلاق الأبواب علينا واخيرا وبعد تصعيد الموضوع واصرارنا على اخذ الغطاء او شرائه فوجئنا ان كل المشكله من يوقع على تركيب الغطاء داخل الضمان كل المهندسيين ومعهم مدير الصيانه خايفيين واخيرا وقعوا بعد سلسلة من الأتصالات والمداولات مع الإدارة وتم صرف الغطاء لنا وتركيبه مجانا وداخل الضمان وطبعا انا اذكر هذا لكم لأقول كل من لديه سيارة 301 بدونه يروح اي صيانه ويركبه غصب عنهم على حساب بيجو لأن ده حقنااااااااااااااااااااااااااااااااا واسف للإطاله وفي النهاية لا يضيع حق ورائه مطالبيين

  • #2
    لا حول ولا قوة إلا بالله العلى العظيم ... يعنى كل المشاكل والوقت ده علشان غطاء بلاستيك فى عربية تمنها 130 الف تقريبا ... الناس دى بتعمل كده ليه ؟

    Comment


    • #3
      شكراً

      الله
      أمال مش بيردوا الرد ده ليه في الcall center
      محدش وعد بتركيبه في الصيانة القادمة
      و الرد كان إن الموضوع تحت الدراسة

      يا ريت توضح الكلام ده حصل معاك في أي مركز صيانة عشان اللي يروح يبقى عارف

      شكراً لنقل التجربة
      [SIGPIC][/SIGPIC]

      Comment


      • #4
        المشاركة الأصلية كتبت بواسطة abohend مشاهدة المشاركة
        الله
        أمال مش بيردوا الرد ده ليه في الcall center
        محدش وعد بتركيبه في الصيانة القادمة
        و الرد كان إن الموضوع تحت الدراسة

        يا ريت توضح الكلام ده حصل معاك في أي مركز صيانة عشان اللي يروح يبقى عارف

        شكراً لنقل التجربة
        الأستاذ مهاب كاتب إنه كان فى مركز غمره.

        شكراً جزيلاً على مشاركتك معانا لتجربتك و أتمنى مايكنش حد من الأعضاء حصل منه حاجه تبعدك عن المنتدى و عن المشاركة فيه, فى الأول و الأخر كلنا هنا أخوة و أخوات و الهدف من مشاركتنا إننا نفيد و نستفيد بدون وجود أى نوع من التوتر أو الضغائن.
        It's not who I'm underneath, It's what I do that defines me

        Comment


        • #5
          جزاك الله خيرا علي نقل التجربه

          Comment


          • #6
            أحييك على ايجابيتك واصرارك على حقك.

            حضرتك كنت هناك امتى واسامى المهندسين ايه؟
            [CENTER]
            [/CENTER]

            Comment


            • #7
              الله ينور

              المشاركة الأصلية كتبت بواسطة ashraf fawzy مشاهدة المشاركة
              الأستاذ مهاب كاتب إنه كان فى مركز غمره.

              شكراً جزيلاً على مشاركتك معانا لتجربتك و أتمنى مايكنش حد من الأعضاء حصل منه حاجه تبعدك عن المنتدى و عن المشاركة فيه, فى الأول و الأخر كلنا هنا أخوة و أخوات و الهدف من مشاركتنا إننا نفيد و نستفيد بدون وجود أى نوع من التوتر أو الضغائن.
              مخدتش بالي
              هو فعلا قال إنه كان حاجز في غمرة
              شكراً للتوضيح

              و يا ريت مرغم-الأسكندرية يستجيبوا برضه و يركبوا الغطاء

              العجيب إن التوكيل بيفتعل مشاكل مش بيحلها
              يعني بعد إنتشار مشكلة التيل الأمامي التوكيل رفع سعره...تصرفات عجيبة و غير مفهومة
              [SIGPIC][/SIGPIC]

              Comment


              • #8
                المشاركة الأصلية كتبت بواسطة abohend مشاهدة المشاركة
                العجيب إن التوكيل بيفتعل مشاكل مش بيحلها
                يعني بعد إنتشار مشكلة التيل الأمامي التوكيل رفع سعره...تصرفات عجيبة و غير مفهومة
                "اللى ليه ظهر مايضربش على بطنه" أظن مش محتاج أوضح
                It's not who I'm underneath, It's what I do that defines me

                Comment


                • #9
                  توضيح لموضوع غطاء الكنترول

                  اولا اشكر كل اخوتي الأعضاء بالمنتدى اللي انا عرفت منهم حاجات كثير قبل وبعد شراء السيارة وخاصة الأستاذ اشرف فوزي وابو هند المحترميين الموضوع والقصة اللي انا ذكرتها حدثت في صيانة غمره والحقيقة ان انا مش متأكد اذا كانت الشركة فعلا قررت تركيب الغطاء لكل من استلم بدونه ولا لا ولكن اللي انا متأكد منه ان ده حق لكل من لم يستلم غطاء مع السيارة بس طبعا الشركة لا تقر بهذا فده حيكلفها برضه شوف كام سيارة في مثلا 60 70 جنيه انا نعرفش ثمنه كام يعمله مثلا ثمن عربية برضه كده التوكيل معفن عموما يا جماعه اللي انا واثق منه ان ده حقينا داخل ضمان السيارة زي ماهو واضح ان فيه حقوق ثانيه بس احنا ما نعرفش والحقيقة ان الفضل يرجع كما ذكرت لمسئول قطع الغيار المحترم جدا والواضح انه من ايام الأباظية ومش عاجبه ان سمعت التوكيل تتهان علشان حاجه تافهه زي كده وعلشان كده اهتم وساعدنا وصعد الموضوع انا على فكره مش عايز اذكر اسمه ولا اسماء المهندسين قاصد لأنهم فعلا ملهمش ذنب ومش عايز حد فيهم بشكل او بأخر ينضر انا عايز كل الناس تاخد حقها بالأصول احنا من حقنا لو فيه حاجه كانت نازلة في السيارة الأول ومنزلتش عندنا اننا ناخذها ضمن الضمان وشكرا مرة اخرى للأخوة الأفاضل في هذا المنتدى اللي انا فعلا مدين لهم بالكثير

                  Comment


                  • #10
                    بارك الله فيك
                    المهم العربية اتظبتط بعد الصيانة
                    amr_9x سابقا

                    Comment


                    • #11
                      انجدنىدددد

                      هو حضرتك عربيتك موديل كام؟
                      والغطا ده مبينزلش فى موديل 2014 ولا2015 لأن انا عربيتى 2014 ومن غير غطا وعايز اتأكد بس

                      Comment


                      • #12
                        تحية منى على ايجابيتك وياسلام لو كل واحد ميبسيبش حقه
                        [img2]http://nileup.com/up/uploads/nilemotors_13649876441.jpg[/img2]

                        Comment


                        • #13
                          الناس اللي راحت التوكيل اكيد في كل شركة ليها مسؤل عن الخدمات او خدمة عملاء اكيد الناس ديه بردو ليها دور واكيد لو فيه حق ليك وانت بتدور عليه هتاخدو وفي الاخر كلهم بيكونو موظفين يعني كل واحد له دور

                          Comment


                          • #14
                            مشكور على ايجابيتك

                            بس معلش هو الغطاء ده غين بتلظبط فى العربية ؟

                            ارجو اارد بسرعة عشان انا هستلم عربيتى ان شاء الله يوم الأحد

                            Comment


                            • #15



                              انا اول مرة ارفع صور .. مش عارفه اذا كنت عرفت ارفعهم ولا لأ.. عموما الصورتين بيبينوا موضوع الغطاء. صورة منهم الغطاء و صورة مش موجود

                              Comment

                              Working...
                              X