خطأ فى تاريخ بدء الكفالة / الضمان (عام بالكامل)

[Ashraf Fawzy]

سؤال على السريع - و إن شاء الله تتحل من غير تعقيدات - النهارده و أنا ببص على شهادة الضمان - لأول مرة - فوجئت إن تاريخ بدء الكفالة 1-3-2013 علماً بإنى مشتريها من المعرض التابع لبيجو بتاريخ 27-2-2014 و رخصتها فى 1-3-2014 ترخيص 2015

طبعاً بعد ما أشتريت العربية من المعرض و رخصتها إديتلهم صورة من الرخصة عشان يجيبوا الضمان و فعلاً حصل, دلوقتى أنا حجزت اول صيانة فى 1-6-2014

هنا بقى السؤال, إزاى الخطأ ده يتصلح؟ أروح المعرض و لا أنزل على الصيانة فى غمرة و هما يصلحوا الخطأ المكتوب فى الشهادة؟

طبعاً من الملاحظ إن اللى كتب شهادة الضمان كتب تاريخ الترخيص فى نفس اليوم و الشهر و وقعت منه سنة بالكامل

[SYD]

اعتقد ان شاء الله ان الخطأ بسيط ويتصلح بدون مشكلة
لأنك بمنتهي السهولة تقدر تثبت تاريخ الشراء وتاريخ الترخيص وبناء عليه من السهل التعديل وأثبات تاريخ بدء الضمان الصحيح

تحياتي

[nonalaziza]

ﻻ طبعاً تتصلح من غير مشاكل عندك كذا إثبات
اولا تاريخ الشراء و تاريخ الترخيص
دا غير الإفراج الجمركي
و معتفدش انك هتحتاج كل الحاجات دي لانها واضح جدا انها غلطة إملائية مش اكتر

[فهد المصرى]

حضرتك تجيب الرخصة وتروح للادارة فى صلاح سالم وخليهم يغيروها