مقبل على شراء 301

[amintaha]

السلام عليكم
انا نويت ان شاء الله اروح احجز بيجو 301 بس كنت عايز منكم نصيحه اقبل مروح انا طبعا بسافر كتير بالعربيه و شغلى قبل الغردقه بحاجه بسيطه يعنى كل شهر تقريبا هعمل فى المشوار حوالى 1000 كيلو وخفت من كلامكم على اﻻعتماديه و قطع الغيار و التوكيل فرايكم اتوكل على الله واحجز وﻻ اشوف حاجه تانيه انا كنت شفت البيرسونا بس المشكله انها ضيقه فى اﻻمام و الخلف و لو عندكم راى تانى ياريت تنصحونى
جزاكم الله كل خير

[abohend]

فكر تاني

السلام عليكم
انا نويت ان شاء الله اروح احجز بيجو 301 بس كنت عايز منكم نصيحه اقبل مروح انا طبعا بسافر كتير بالعربيه و شغلى قبل الغردقه بحاجه بسيطه يعنى كل شهر تقريبا هعمل فى المشوار حوالى 1000 كيلو وخفت من كلامكم على اﻻعتماديه و قطع الغيار و التوكيل فرايكم اتوكل على الله واحجز وﻻ اشوف حاجه تانيه انا كنت شفت البيرسونا بس المشكله انها ضيقه فى اﻻمام و الخلف و لو عندكم راى تانى ياريت تنصحونى
جزاكم الله كل خير

بما إنك لسه هتحجز يعني في الغالب هتستلم بالسعر الجديد
للهايلاين أظن مش هيقل عن 140 ألف

بدل إستخدامك عالي فكر في الشارك أو الكروز
و لو تجيب مستعمل حالة نضيفة بالرقم ده هتجيب أوكتافيا أو جيتا أو كورولا

فكر تاني
البيجو ركوبة حلوة و ممتعة بس توكيلها مقرف و هتتعبك في قطع الغيار و الصيانات
و أكيد أنت عارف موضوع التيل و البوجيهات و غطاء الكنترول
و يا عالم الموديل الجديد هياخدوا منه ايه تاني (يمكن يقولك العربية من غير قربة مياه و لازم تشتريها من التوكيل )

[mahmed0100]

توكل على الله و احجز .. انا سافرت لحد العين السخنه من القاهره بالهاي لاين .. ده طريق حتمشي عليه سرعات عاليه و محتاج موتور و فعلا موتور البيجو ممتاز ... و مش حتحس بمشكله تيل لانك حتمشي مسافات طويله و باستخدام خفيف على الفرامل
العربيه واسعه و مفيده ليك فى سفرك .. عربيه مناسبه للجو الساحلي اللى انت فيه و دهانات ممتازه
قطع غيار غير تيل الفرامل مفيش و بالنسبه لاستخدامك اللى انت بتتكلم عنه مش حتواجهك اى مشكله ان شاء الله ده مجرد رأى :)
و ربنا يوفقك للافضل

نسيت اقولك حاجه .. مدام بتسافر و مسافات يبقي اضمن نفسك بعربيه زيرو .. حتى كسر الزيرو انت مش عارف صاحبها عمل فيها ايه و لا استخدمها ازاى .. الزيروا بالنسبه لاستخدامك افضل يا باشا

[m mosalam]

العربية حلوة وتستحمل سفر بس عيبها التوكيل بس وانا انصحك بيها لانك مش هتلاقى بالسعر دة عربية فى مميزات البيجو لكن لو تقدر تزود فلوس ممكن تدخل فى اختيار اخر غير البيجو

[amintaha]

العربية حلوة وتستحمل سفر بس عيبها التوكيل بس وانا انصحك بيها لانك مش هتلاقى بالسعر دة عربية فى مميزات البيجو لكن لو تقدر تزود فلوس ممكن تدخل فى اختيار اخر غير البيجو

جزاكم الله كل خير على الردود
طيب حضرتك شايف ايه احسن منها وزود قد ايه ومحتاج ردود بقيت وحوش بيجو 301

[maio_do]

العربية حلوة بس توكيل زبالة شوف السيراتو الفئة اللى تقدر تجيبها

[ENG.MaRk]

السيراتو اعتمادية أكتر بس تقريبا الفئة اللي سعرها قريب من البيجو هتبقي فاضية ... لو تعرف تزود 20000 أو ممكن تدفع اللي معاك و الباقي أقساط علي سنة

[dr.shabrawy]

زود وهات كروز الجديدة برقبتها. والشارك كمان هايلة.

[sayd ali]

[font="arial ack"][/fontيباشا البوجو فرنسى تجميع اسبانى الكروز تجميع مصرى

[abohend]

مش مهم

[font="arial ack"][/fontيباشا البوجو فرنسى تجميع اسبانى الكروز تجميع مصرى

بس تقفيل محترم و ده المهم
البلد مش هي المشكلة المهم جودة التقفيل
و أكيد أنت عارف إن بي أم و مرسيدس بيتقفلوا هنا

لو قولتلي الصني أقولك ماشي..لأن بالفعل تقفيل الصني سئ جداً
و الأبترا كانت تحفة و هي بتتقفل هنا و زفت لما جت تقفيل صيني

[ahmedalian]

بس تقفيل محترم و ده المهم
البلد مش هي المشكلة المهم جودة التقفيل
و أكيد أنت عارف إن بي أم و مرسيدس بيتقفلوا هنا

لو قولتلي الصني أقولك ماشي..لأن بالفعل تقفيل الصني سئ جداً
و الأبترا كانت تحفة و هي بتتقفل هنا و زفت لما جت تقفيل صيني

حضرتك متجني على الصني، عربية كويسة والله بالنسبة لسعرها ولو دخلت على صفحتها مش حتلاقي خالص الهري اللي بيتقال على البيجو والميتسوبيشي والصيني. وتقفيلها كويس فعلا، مش مافيهاش عيوب، لا فيها عيوب زي انها ضيقة بالعرض والكونسول تصميمه مش حلو وبلاستيك في بلاستيك ومابتعرفش تسند رجلك اليمين وانتا سايق لكن تقفيلها مش من نقاط ضعفها.

[abohend]

رأي

حضرتك متجني على الصني، عربية كويسة والله بالنسبة لسعرها ولو دخلت على صفحتها مش حتلاقي خالص الهري اللي بيتقال على البيجو والميتسوبيشي والصيني. وتقفيلها كويس فعلا، مش مافيهاش عيوب، لا فيها عيوب زي انها ضيقة بالعرض والكونسول تصميمه مش حلو وبلاستيك في بلاستيك ومابتعرفش تسند رجلك اليمين وانتا سايق لكن تقفيلها مش من نقاط ضعفها.

يا سيدي الفاضل أنا مفيش بيني و بين الصني أو ملاكها حاجة

الموضوع رأي

أنا كنت في لحظة من اللحظات هجيب صني (بعد تأخير الإستلام لل301)

لكن موضوع التقفيل ده فرق معايا أوي

الموضوع بيعتمد على ركوبتك السابقة

أنا كنت راكب 206 و تقفيلها كان تحفة عشان كده مقدرتش أبلع الصني بالدهان اللي مشيل على الفواصل و أماكن اللحام

والدي راكب شاهين و بيدور على عربية اليومين دول

ممكن جدا تكون الصني لأنها بالنسبة له هتبقى تقفيل وهمي و طبعا بتلبي إحتياجاته كرجل تخطى ال60 من العمر (سهولة الصيانة و توافر قطع الغيار)

و في الآخر الواحد بيقول رأيه بدون أي تحيز لماركة أو علامة

أنا دلوقت بنصح الناس بالكروز كقيمة مقابل سعر (رنج ال150)
و الشارك للباحثين عن الإعتمادية (رنج 140)
و الصني لأهل الأقاليم (تحت ال130)
و البيجو301/إليزية لأهل القاهرة و الأسكندرية (135)

ده رأيي و قد تتفق معي أو تختلف