مشكلة تكييف 307 بيسرب مياه داخل المقصورة

[mr_shims_49]

السلام عليكم
انا لسه شاري 307 sw بس فيها مشكلة التكييف وهو شغال كل شوية يفصل لمدة 10 ثواني ويرجع يشتغل تاني لوحده و كمان بيسرب مياه تحت دواسة السواق روحت توكيل ابو رواش من يومين قالولي عملناه و لغينالك السخن خدت العربية وسافرت النهاردة التكييف فصل تاني وانا ماشي بس عملها مرة واحدة بس و برضه لاحظت في تسريب مياه تاني بس قليل جدا انا عايز اعرف المشكلة دي من ايه و هل في متخصص في موضوع التكييف للبيجو لأني كمان حاسس التكييف ضعيف مش بيبرد العربية بسرعة و كمان بياخد وقت عشان اللي راكب ورا يحس بيه

[HOSSAM99]

و عليكم السلام و رحمة الله و بركاته
طالما حضرتك رحت التوكيل ليه تسمح لهم أنهم يلغو وظيفة من وظايف التكييف
الصح تغيير الدفاية الداخليه
و أزاي بعد أما لغو الدفاية فيه تسريب في الصالون كده يبقي يا إما فايظ التكييف (drain) مسدود أو مياه غسيل العربيه بتخش الصالون من توربيدو المساحات
و حضرتك تقدر تعرف إذا كانت المياه اللي بتخش الصالون من الدفايه و لا لأ بملاحظة مستوي سائل التبريد في القربه لو بتنقص و حضرتك عارف أن مفيش تسريب في دورة التبريد يبقي من الدفايه
الخلاصه :الصح تعالج التسريب و متلغيش حاجه
تراجع علي فلتر التكييف و تتأكد إن الوش راكب
تراجع علي التوربيدو و تتأكد أنه حاكم علي الزجاج الأمامي و مقفل كويس
تراجع علي الفايظ و تتأكد أنه شغال
أما مشكلة ضعف التكييف فحلها الشحن بفريون أصلي بجهاز شحن مش شحن يدوي مع المراجعة علي دورة التكييف

[mr_shims_49]

اولا انا متشكر جدا على رد حضرتك
ثانيا بالنسبة لموضوع فلتر التكييف انا لسه مغير في التوكيل قريب
طيب لو تسريب المياه سببه توربيدو المساحات ايه اللي بيخلي التكييف يفصل و يشتغل تاني مع العلم ان الحركة دي مابتحصلش غير الصبح في الحر لكن بليل بيشتغل كويس جدا و مابيفصلش و انا لسه برضه شاحنه في التوكيل فانا مش عارف بصراحة هل ده ممكن يكون سنسور مروحة بايظ فا عشان كده بيفصل و مووضوع المياه ده زي ماحضرتك قلت من المساحات و ملوش علاقة بالتكييف طيب لو كده التوكيل بناء علي ايه فصل الدفاية بس كمان لما روخت التوكيل كانت اامياه ناقصة جدا في القربة و قالى ان ده بسبب التسريب اللي بيحصل