البيجو سعرها زاد

[mhass22]

يا جماعة التوكيل كلمنى علشان استلم وبيقولى السعر زاد للهايلاين الفين ونص يعنى بقت 138.5 .... استلم ولاإيه رايكم ؟؟؟؟

[Ashraf Fawzy]

هل حضرتك شايف إن مواصفات العربية - طبعاً من وجهة نظرك - تستحق السعر الجديد؟

هل فى قدام حضرتك بديل أخر سعره مناسب لمواصفاته؟

هل فى عربية تانية بدأت تفكر فيها أول ما وصلك خبر زيادة السعر؟

علماً بإن تركيب جهاز الإنذار الصوتى فى الـ 301 بيكلف 3500 جنيه فى التوكيل, فلو مهم بالنسبه ليك, يبقى الإجمالى هو 142000 جنيه.

مبدئياً, احد الحاجزين لما وصله خبر الزيادة طلب رأى ملاك البيجو فى إنه يجيب الهاى لاين و لا الكروز, وكان الإجماع على إنه يجيب الكروز و يلحق قبل ما سعرها يزيد هيا كمان (الكروز فيها نظام تنبيه صوتى متركب + إيموبليزر + 2 وسائد هوائيه + ABS + TC + إضاءة لدرج التابلوه الكبير + درج فى أعلى التابلوه + زراير الإزاز فى الباب مش جنب الفيتيس + زرار المالتيميديا فى الطاره مش فى ذراع خلف الطاره).

http://www.nilemotors.net/Nile/423396-301-2014-a.html

فلو إمكانيات تسمح بالكروز, إنزل شوفها و دور على مواصفاتها أكتر فى قسم الشيفروليه.

ربنا يوفقك للى فيه الخير.

[medosalah]

انا لو مكانك... بدون اي تردد او تفكير اطير اجيب الكروز وتستاهل فرق ال 10 الاف جنيه مليون مره

لو هتقارن بين العربيتين يبقي بتقارن بين السما والارض ... فرق شاسع في الامكانيات وقوه الماتور والجسم الصلب والفخامه ... لا تتردد كروز وبس

[shiko85]

حضرتك حاجز و معاك وصل صح ؟؟
الوصل مكتوب فيه سعر العربيه ؟؟
لو مكتوب فيه السعر يبقى هم ملزمين بالسعر المكتوب فالوصل و من حق حضرتك تعمل فيهم شكوى فحمايه المستهلك

[abohend]

ميقدرش

حضرتك حاجز و معاك وصل صح ؟؟
الوصل مكتوب فيه سعر العربيه ؟؟
لو مكتوب فيه السعر يبقى هم ملزمين بالسعر المكتوب فالوصل و من حق حضرتك تعمل فيهم شكوى فحمايه المستهلك

الوصل مكتوب فيه
10000 من تمن العربية
و التمن يحدد عند اﻹستلام

[shiko85]

الوصل مكتوب فيه
10000 من تمن العربية
و التمن يحدد عند اﻹستلام

يبقى خلاص كده من حقهم يزودوا السعر

[pharonicking]

لازم نحارب جشع التجار "" اشترى عربية تانية "" وسيبك من البيجو ""

[م أحمد]

المفروض سعر كووووووووووووووووووووووووووووووول العربيات الاوروبى يبقى فى النازل نظرا لإلغاء الجمارك التصاعدى عليها طبقا لاتفاقية مبرمة فى هذا الشان

فعلشان الاسعار تفضل ثابتة او تزيد فأكيد بتروح جيوب الحرامية

المفروض على 2019 تبقى الجمارك على السيارات الاوروبية صفر

الجهاز المركزى قال ان اصحاب التوكيلات الاوروبية دخل جيبوهم 800 مليون جنيه من عدم تنفيذ الاتفاقية على ارض الواقع و الفلوس دى المفروض تروح الحكومة او بمعنى آخر حق الشعب

بس فى حل تانى و مش محتاج تأخير

أشترى الاليزيه

[shiko85]

لازم نحارب جشع التجار "" اشترى عربية تانية "" وسيبك من البيجو ""

+111111
للأسف هو ده السوق فمصر كله جشع و طمع

[J A G U A R]

بالعند فيهم شوف كروز

[S O P H O S]

كل شوية زيادة !!