عايزيني اغير بوجيهات ال 301 وانا عامل 5500 كيلو

[معتز سامي]

لمبة الموتور نورت عندي في 301 وكانت عملتها قبل كده قبل صيانة ال2500 والمهندس قاللي من البنزين مع اني ما بحطش غير من توتال والوطنيه ودلوقتي لما نورت تاني مخليه صوت الموتور عالي والمروحه سريعه جدا وروحت فرع صلاح سالم قالي بوجيهات وروح فرع غمره وروحت قاللي بوجيهات برضوا بس هتغيرها علي حسابك عليشان هي مش في الضمان مع اني لسه معدي ال5000
ياريت حد يرد عليا بسرعه ويقولي الكلام ده صح ولا غلط ولو غلط اعمل معاهم ايه. ...وشكرا

[abohend]

غلس على قد متقدر

مشكلتك ظهرت عند البعض

حاول تغلس على قد متقدر و تغيرها في الضمان
و قولهم إنك من أعضاء نايل موتورز و كلنا عارفين أن ال301 فيها مشكلة فالتيل و البوجيهات
و كام تهديد من تحت لتحت كده إنك هتنشر الموضوع و هتعمل شكوى..و أطلب مقابلة مدير المركز
و قولهم إنكم بتفقدونا الثقة في الضمان و الواحد كان يشتري خليجي أحسن و كام كلمة من دول لعل و عسى
جاب نتيجة كان بها
معرفتش أمرك إلى الله......
توكيل بيجو سئ و أحنا بنتعايش مع الموضوع ده لحد الضمان ميخلص (مع إني مش عارف ايه فايدة الضمان بقى بدا بيتهربوا من كل مشكلة)

تحياتي

[wel781]

البوجيهات غالبا بتبقى مرطبة من الشحن او خلافه

فا عايزة تتغير ماتسيبش حقك وغلس معاهم لابعد ما تقدر

[Msanad]

حاول معاهم تتغير فى الضمان - لو ما وافقوش اشتكيهم فى حماية المستهلك - مفيش بوجيهات بتتغير على 5000 كيلو

[juba1983]

علي فكرة اللي بيبوظ البوجيهات البنزين وممكن سوء التخزين بس في الاغلب بنزين بلدنا العظيم

[abohend]

أشمعنى

علي فكرة اللي بيبوظ البوجيهات البنزين وممكن سوء التخزين بس في الاغلب بنزين بلدنا العظيم :_alshmokh11:

و اشمعنى البنزين بيختار ال301
مبوظش بوجيهات اللوجان و لا الصني و لا حتى اللانوس ليه؟؟؟؟!!!!

[معتز سامي]

الحمد لله روحت النهارده وقعدت اكتر من اربع ساعات ورخمت علي قد ما اقدر وخليتهم يكشفوا علي كل حاجه وقلتلهم لازم اعرف العيب فين والحمد لله طلعت في الاخر الموبينه وغيروها و كشفوا علي العربيه تاني وطلع واحد جربها والحمد لله بقي كله تمام ومادفعتش مليم

[فهد المصرى]

الحمد لله روحت النهارده وقعدت اكتر من اربع ساعات ورخمت علي قد ما اقدر وخليتهم يكشفوا علي كل حاجه وقلتلهم لازم اعرف العيب فين والحمد لله طلعت في الاخر الموبينه وغيروها و كشفوا علي العربيه تاني وطلع واحد جربها والحمد لله بقي كله تمام ومادفعتش مليم

حضرتك بتتكلم بجد ؟؟؟

[J A G U A R]

طلعت في الاخر الموبينه وغيروها و كشفوا علي العربيه تاني وطلع واحد جربها والحمد لله بقي كله تمام

هيا هاتعمل زى الفيكترا سى ولا ايه

[Ashraf Fawzy]

هيا هاتعمل زى الفيكترا سى ولا ايه :copy of majd(2):

ممكن توضح إيه اللى حصل مع الفيكترا سى

[J A G U A R]

ممكن توضح إيه اللى حصل مع الفيكترا سى

بتغير الموبينه بفترات قصيره

[S O P H O S]

هو سعر العربية
معكوس فقطع الغيار !!