إعـــــــلان

Collapse

.

,
See more
See less

مشكلة ضروري في البيجو 504

Collapse
X
 
  • Filter
  • الوقت
  • Show
Clear All
new posts

  • مشكلة ضروري في البيجو 504

    السلام عليكم

    يارب يكون الجميع بخير

    الاكونت جديد بس انا متابع هنااا من فترة كبيييرة جدا

    سواء هنا في قسم البيجو او المنتدى عموما

    واخييرا قررت اعمل عضوية لاني مش لاقي حد يجاوبني على السؤال اللي محيرني :(

    مشكلتي هي كالأتي

    انا لسه عامل عمرة من شهرين كده (عمرة كاملة) ومن ساعتها يا جماعة درجة الحرارة بالليل الصبح ماشي بسرعة او زحمة مابين اخر الاسود او قبل اخره بشوية والخط الفاصل بين الاحمر والاسود ومبتنزلش عن كده كشفت على الريداتير وغسلت دورة تبريد ظبط كهربا غيرت شكمان

    وتعبت صراااحة من الصنايعية الميكانيكي اللي عامل العمرة بيقولي عادي وامشي بيها كده :(

    مش عارف اصدقه

    ارجو اي حد عنده حل لهذه المشكلة يقوللي علما ان الريداتير 3 ماسورة ومروحة التبريد زي الفل

    ده اولا

    طبعا بعد ما نحل موضوع الحرارة ده

    كنت عايز اركب تكيف ناس قالتلي تكيف البيجو ايه تلاجة وناس قالتلي لا فاشل والناس بترميه

    وكنت قريت موضوع قديم هنا عن التكيف و تركيبه وعجبني جدا الصراحة بس محتار بين الراي ده وده

    فياريت لو الناس تقول رأيها

    ثالثا واخيرا (اسألتي كتيير معلش)
    نفسي في صنايعي باب وسنتر محتررررررررررررم وعفشجي كمان لاني قرفت وعندي مشاكل في الموضوع ده وياريت يكون قريب من عين شمس والمطرية او الضاهر وباب الشعيرية

    معلش دوشتكوا بس يارب حد يرد بسرعة :)



  • #2
    بالنسبة للحرارة لا طبعا مش عادى
    بس ازاى ثابتة عند الحد الخطر ده ؟
    اصل لو الحرارة بتسرح والعربية تسخن يبقى المفروض في الزحمة والحر تفقد السيطرة وتدخل في الاحمر مش تفضل بالليل زي بالنهار ؟

    الاول انت لينت ازاى بعد العمرة ، ورجعت ربطت على وش السلندر بعدها ولا لا ؟
    واتأكد من صباع الحرارة والمؤشر

    Comment


    • #3
      بعد العمرة العربية حرقت وهيا واقفه حوالي تانك بعدها فضلت ماشي على الاربعين الى ان حرقت تانكين

      بعدها طلعت مشوار طوالي ورجعت غيرت زيت وحاططلها موبيل

      بس مربطش على وش السلندر انا روحت راجعت التاكيهات بس الميكانيكي من بره كده قالي ياعم التاكيهات مظبوطه اههيه وخلص الكلام على كده :(

      بالنسبة للثبات هيا مش ثااابته هيه في الرينج ده قبل اخر الاسود وده بيكون بالليل وعند الحد الفاصل بين الحمر والاسود في الحر بس المسافة مش كبير فمبتبقاش حاسس انها اتغيرت كتير

      Comment


      • #4
        وهل ممكن خطأ في التليين يعمل المشكلة دي ؟؟؟ ولو كده فعلا اعرف منين والتصرف يكون ازاي؟

        Comment


        • #5
          انا خبرتي فى مشاكل البيجو قليلة جدا لان وقت ما كان عندنا بيجو 2001 الى 2004 الحمد لله كانت بدون مشاكل بس لما كان فيها حاجة بتحصل كان الوالد بيطير بيها على بلقاس لانها كانت عربية تعتبر زيرو وفى عز ما كان البيجو بيجو والمعروف ان بلقاس ملوك البيجو فى مصر كلها فانصحك طالما انت متمرمط كدا على الصنايعية لو المشكلة ما اتحلتش اخطف نفسك مشوار لحد بلقاس عند حد محترم يشوفلك العربية وهيجبلك اصل وفصل العيب وتعدي تروح جمصة ولا راس البر تقضيلك هناك يومين تستجم :) وماتنسانيش فى المشبك
          [CENTER]سبحان الله وبحمده *** سبحان الله العظيم
          better to understand a little than to misunderstand alot
          [SIGPIC][/SIGPIC][/CENTER]

          Comment


          • #6
            المشاركة الأصلية كتبت بواسطة Ahmed_Eldesoke مشاهدة المشاركة
            انا خبرتي فى مشاكل البيجو قليلة جدا لان وقت ما كان عندنا بيجو 2001 الى 2004 الحمد لله كانت بدون مشاكل بس لما كان فيها حاجة بتحصل كان الوالد بيطير بيها على بلقاس لانها كانت عربية تعتبر زيرو وفى عز ما كان البيجو بيجو والمعروف ان بلقاس ملوك البيجو فى مصر كلها فانصحك طالما انت متمرمك كدا على الصنايعية لو المشكلة ما اتحلتش اخطف نفسك مشوار لحد بلقاس عند حد محترم يشوفلك العربية وهيجبلك اصل وفصل العيب وتعدي تروح جمصة ولا راس البر تقضيلك هناك يومين تستجم :) وماتنسانيش فى المشبك
            ياباشا اروح اسوان وماله بس المشكلة تتحل

            تعرف حد بعينه طيب هناااك :) وهجبلك معايا طن مشبك

            Comment


            • #7
              ياباشا الجوان بيريح ولازم يتقرط على الوش تانى بعد العمرة بـ 500 كيلو او 1000 بالكتير
              والتاكيهات بعد العمرة المفروض يكون مخليها مريحة عشان العربية ما تسخنش في التليين وبعد كدة بعد التقريط على الوش تتظبط بالفيلر (والعربية باردة تماماااااا كأنها مبيتة) البنزين على 10 والعادم على 25

              ازاى الميكانيكى ماعملش الحاجات دى كلها !
              اعمل الحاجات دى الاول وشوف كدة
              وربنا يستر من العمرة اللى عملهالك ده شكله في البلالالا خالص

              Comment


              • #8
                المشاركة الأصلية كتبت بواسطة m.z.kewan مشاهدة المشاركة
                ياباشا اروح اسوان وماله بس المشكلة تتحل:_alshmokh11:

                تعرف حد بعينه طيب هناااك :) وهجبلك معايا طن مشبك
                ياريت والله يا باشا كنت دليتك عليه من الاول للاسف ما اعرفش :( حاول تسأل وتستفسر واكيد رجالة المنتدي وخصوصا اللى من المنصورة عارفين ويدلوك ان شاء الله
                [CENTER]سبحان الله وبحمده *** سبحان الله العظيم
                better to understand a little than to misunderstand alot
                [SIGPIC][/SIGPIC][/CENTER]

                Comment


                • #9
                  المشاركة الأصلية كتبت بواسطة amrelsaqqa مشاهدة المشاركة
                  ياباشا الجوان بيريح ولازم يتقرط على الوش تانى بعد العمرة بـ 500 كيلو او 1000 بالكتير
                  والتاكيهات بعد العمرة المفروض يكون مخليها مريحة عشان العربية ما تسخنش في التليين وبعد كدة بعد التقريط على الوش تتظبط بالفيلر (والعربية باردة تماماااااا كأنها مبيتة) البنزين على 10 والعادم على 25

                  ازاى الميكانيكى ماعملش الحاجات دى كلها !
                  اعمل الحاجات دى الاول وشوف كدة
                  وربنا يستر من العمرة اللى عملهالك ده شكله في البلالالا خالص
                  ربنا يسترها

                  طب فيه حد تعرفه اقدر اروحله ويكون امين

                  معلش قرفتك ياباشا

                  احمد الدسوقي

                  تسلم ياباشا على اهتمامك

                  Comment


                  • #10
                    لا والله ياباشا ما قدرش افيدك في ميكانيكى في القاهرة ، حتى اصلا عمرى ما اتعاملت مع ميكانيكى واقتنعت بيه 100% ، الواحد بيروح للصنايعى مش عشان يقول له شوف العربية فيها ايه ، لا عشان يقول له انا عندى مشكلة في كذا و اعمل دى كدة ودى كدة ، وما تعملش كدة ... !

                    وبرضه موضوع التكييف ما جربتوش شخصيا في الـ 504 فما اقدرش افتى فيه

                    Comment


                    • #11
                      كان عندي نفس المشكله بالضبظ عملت العمره والعربيه من ساعتها بتغلي الحل بسيظ للغايه واكتشفته بالصدفه ........................الشكمان كان مسدود تماما ....بعد ماصرفت وركبت مروحه كهربا وغيرت رادياتير وفي الاخر الشكمان ظلع مسدود لان لما الموتور كان بايظ كان كل الزيت بيروح مع العادم في العلب بتسد وكمان انا مغيرتش الشكمان انا كنت بجري وظلعت علي حجر فالشكمان اتخرم ولقيت الحراره لا تذكر نهائي ............ اكشف علي الشكمان وان شاء الله ده الحل

                      Comment


                      • #12
                        المشاركة الأصلية كتبت بواسطة amrelsaqqa مشاهدة المشاركة
                        لا والله ياباشا ما قدرش افيدك في ميكانيكى في القاهرة ، حتى اصلا عمرى ما اتعاملت مع ميكانيكى واقتنعت بيه 100% ، الواحد بيروح للصنايعى مش عشان يقول له شوف العربية فيها ايه ، لا عشان يقول له انا عندى مشكلة في كذا و اعمل دى كدة ودى كدة ، وما تعملش كدة ... !

                        وبرضه موضوع التكييف ما جربتوش شخصيا في الـ 504 فما اقدرش افتى فيه
                        تسلم ياباشا

                        معلش تعبتك

                        هجرب كده واقولك بإذن الله

                        Comment


                        • #13
                          فى ميكانيكى استاذ 504 و موديلات قديمة فى البيجو

                          فى باسوس قليوبية قرب الدائرى

                          اسمه محمد الفلاح

                          وبقاله اكتر من 15 سنة شغال فى ال504 من ايام ماكانت واكلة سوق التاكسى

                          Comment


                          • #14
                            المشاركة الأصلية كتبت بواسطة amrelsaqqa مشاهدة المشاركة
                            ياباشا الجوان بيريح ولازم يتقرط على الوش تانى بعد العمرة بـ 500 كيلو او 1000 بالكتير
                            والتاكيهات بعد العمرة المفروض يكون مخليها مريحة عشان العربية ما تسخنش في التليين وبعد كدة بعد التقريط على الوش تتظبط بالفيلر (والعربية باردة تماماااااا كأنها مبيتة) البنزين على 10 والعادم على 25

                            ازاى الميكانيكى ماعملش الحاجات دى كلها !
                            اعمل الحاجات دى الاول وشوف كدة
                            وربنا يستر من العمرة اللى عملهالك ده شكله في البلالالا خالص
                            ظبط التاكيهات فى البيجو 504 يفضل لما تكون راجع من مشوار سفر (علقة للعربية) و هى سخنة

                            أما الضبط على البارد دا للفيات
                            م / أحمد عبد الخالق

                            Comment


                            • #15
                              المشاركة الأصلية كتبت بواسطة م أحمد مشاهدة المشاركة
                              ظبط التاكيهات فى البيجو 504 يفضل لما تكون راجع من مشوار سفر (علقة للعربية) و هى سخنة

                              أما الضبط على البارد دا للفيات
                              بصراحة معلومة غريبة عليا
                              وانا رجعت لكتالوج الاصلاح ولقيت مكتوب ان الظبط يتم على البارد زي اي عربية


                              ممكن دى حاجة بالخبرة وثبت انها احسن ! ، الله اعلم ، طيب هل الظبط ع السخن ده بيتم بنفس الـ Gaps برضه ولا مقاسات مختلفة ؟

                              Comment

                              Working...
                              X