بيجو 3008 2015... برجاء المساعدة

[h.mohamed]

بسم الله الرحمن الرحيم

السلام عليكم و رحمةالله و بركاته..

فى البداية كل الشكر للسادة المحترمين القائمين على المننتدي الرائع..

أنا بإذن الله في طريقي لتغيير العربية و بعد حيرة كبيرة و متابعة مستمرة للمنتدي الرائع ده حصرت اختياراتي ما بين كورولا هاي لاين و بيجو 3008 هاي لاين.. أنا ميال اكتر إني أشتري البيجو لأسباب كتيرة منها التقفيل الفرنساوي و قوة الموتور و شكلها الرائع.. و لكن للأسف أنا مش عارف اشوف العربية فى اي معرض عشان اطمن من المساحة الداخلية و الكماليات..
انا زرت التوكيل إللي فى عباس العقاد و كلمت الفرع إللي في صلاح سالم و لقيت نفس الرد... "العربية مش موجودة في أي حتة".. استغربت جدا.. إزاي اشتري عربية بالمبلغ ده من غير ماركبها الأول...

انا قريت كل المواضيع إللى اتكتبت عن العربية هنا و بصراحة اخدت فكرة هايلة.. بس يا ريت يا جماعه لو في حد اشتري الهاي لاين يجاوبني على الاستفسارات دي:

الأول أعمل إيه عشان اقدر أشوف العربية?
هل الموتور هو نفسه بتاع آل 508?

هل العربية يتنزل بمفتاح ذكي زي بتاع الكورولا?
بشوف في الصور شاشتين واحدة شفافة ورا الدركسيون و التانية فوق الكاسيت.. هل الشاشات دي موجودة ?
الكاسيت عادي و لا تاتش?
في كام ايرباج?

و أخيرا يا جماعة أنا سعيد بمشاركتي معاكوا و اسف للإطالة

[zangry]

ممكن تكون عند أباظة اللي في التجمع الخامس

[h.mohamed]

للأسف مسؤول المبيعات فى صلاح سالم أكد لي انها مش موجودة فى اى فرع لحد شهر أغسطس

[Ammpage]

العربية فعلا مش موجودة حاليا في السوق ، ودا علشان كان في طلب عليها كتير الفترة الاخيرة بسبب سعرها مقارنة بأمكانيتها ، وهتتوفر قريب وغالبا هتغلي شوية .
الماتور هو نفس ماتور ٥٠٨ ، العربيات الي بتيجي مصر ١٦٣ حصان مش ١٥٦ معدلة ل بنزين ٩٢ .
العربية بها ستة أرباج .
بها شاشة head display للسائق عملية جدا ، العربيات اللي بتدخل مصر مفهاش شاشة GPS ، الكاسيت شاشة عادية مش تاتش ،
بس انا شايف الحاجات دي مش مهمة قصاد إمكانيات العربية الاساسية كتقفيل فرنسي وأدائها فوق الممتاز علي الطريق .
طبعا العربية مهم جداً تشوفها وتركبها قبل الشراء ، وأن كان هي شكلا من الخارج وجودة تقفيل ورقي تصميم من الداخل هتثير إعجابك ،
كمان دراع مثبت ومحدد السرعة بيركب في التوكيل ب ( ٦٦٠ جم ).
انا لاحظت انها بدأت في الانتشار الفترة الاخيرة .
من وجهة نظري لا تقارن بالكورولا التقفيل التركي وقطع غيارها أرخص من التويوتا رغم ان الشائع لدي العامة ان البيجو قطع غياره أغلي من التويوتا والكيا ، بعد تغييرات اسعار السيارات في مصر الفترة الاخيرة البيجو بدأ يرجع ظهوره علي الطرق بشكل واضح .
بالتوفيق ، وربنا يوفقك في الاختيار .

[h.mohamed]

العربية فعلا مش موجودة حاليا في السوق ، ودا علشان كان في طلب عليها كتير الفترة الاخيرة بسبب سعرها مقارنة بأمكانيتها ، وهتتوفر قريب وغالبا هتغلي شوية .
الماتور هو نفس ماتور ٥٠٨ ، العربيات الي بتيجي مصر ١٦٣ حصان مش ١٥٦ معدلة ل بنزين ٩٢ .
العربية بها ستة أرباج .
بها شاشة head display للسائق عملية جدا ، العربيات اللي بتدخل مصر مفهاش شاشة gps ، الكاسيت شاشة عادية مش تاتش ،
بس انا شايف الحاجات دي مش مهمة قصاد إمكانيات العربية الاساسية كتقفيل فرنسي وأدائها فوق الممتاز علي الطريق .
طبعا العربية مهم جداً تشوفها وتركبها قبل الشراء ، وأن كان هي شكلا من الخارج وجودة تقفيل ورقي تصميم من الداخل هتثير إعجابك ،
كمان دراع مثبت ومحدد السرعة بيركب في التوكيل ب ( ٦٦٠ جم ).
انا لاحظت انها بدأت في الانتشار الفترة الاخيرة .
من وجهة نظري لا تقارن بالكورولا التقفيل التركي وقطع غيارها أرخص من التويوتا رغم ان الشائع لدي العامة ان البيجو قطع غياره أغلي من التويوتا والكيا ، بعد تغييرات اسعار السيارات في مصر الفترة الاخيرة البيجو بدأ يرجع ظهوره علي الطرق بشكل واضح .
بالتوفيق ، وربنا يوفقك في الاختيار .

متشكر يا فندم على ردك... حضرتك متوقع زيادة السعر ممكن تكون فى حدود قد إيه?

[Abu Reem]

للأسف مسؤول المبيعات فى صلاح سالم أكد لي انها مش موجودة فى اى فرع لحد شهر أغسطس

بالاسفل ردي على موضوع اخر ايضا عن نفس السيارة...

وسألغي حجزي عندهم...رغم اني عارف ان السيارة كويسة...لكن سأشتري أي بديل...جاهز....من أي توكيل ...يعرف كيف يوفر السلعة لزبائنه..مش توكيل فاشل تروح علشان تشتري ال 5008 يقول لك ما بقنناش ننزلها رغم اني شايف انه من افضل السيارات العائلية...ثم ينصحوك بشراء 3008 على اساس ان عليها طلب اكتر...وبيوفروها

والاخر..يلطعك شهور ..وكل ده علشان يرفعوا سعرها...والاخر ينزلها لكها لك من غير فرش جلد ومن غير شاشة المنتصف اللي هي اجمل ما في السيارة

......يبقوا يقابلوني...(اقرأ تعليقي بالاسفل )

اخبارها ان الوكيل والموزعين عايشين في الدور ان العربية مطلوبة ،،، وعلى ضغط...والكل واقف على الباب ومنتظرها....وطبعا لا يوجد عند الوكيل أي سيارات منها....وتسألهم يقولك لسه المركب هتتحرك بالشحنة في اول يوليو ويمكن بعد كده وفي مشاكل ، ويمكن تتاخر الشحنة الى اخر يوليو....ولوعاوز تحجز احجز...بس مش هانكتب لك سعر السيارة في الحجز..لان مش عارفين الاسعار وارتفاع الدولار هيكون ايه....

وامعانا في الحبكة الدرامية.....يقولك لوعاوز تحجز..احجز وممكن تاخذ فلوسك كاملة لومعجبكش السعر...(ده على اساس الطوابير اللي واقفة منتظرة العربية على الباب)

- فعلا ...الكوري...رغم الفارق بينه وبين الاوروبي...لكنهم على الاقل عارفين من اين تؤكل الكتف...بيوفر لك العربية باستمرار وبالتالي يحدث الانتشار السريع للسيارات الكوروي مما يكسبها الثقة....وانا غالبا سأتجه لشراء الاسبورتاج......لاني سألت عليها وقالوا لي الاستلام بعد اسبوعين بالكتير

- اما بيجو...فالامر غامض وغالبا من سيحجز قد يستلم شهر 8 وحتما السعر (اللي هو 229 الف للهاي لاين ) سيزيد ...عن ذلك لان بعض الموزعين اساسا اللي عندهم السيارة (الفئة العادية ) رافعين سعرها..لانهم عارفين ان مفيش 3008 في السوق

والحل الامثل للتعامل مع هؤلاء...ومع هذا التوكيل والموزعين هو..اننا نترك لهم السيارة....يبلوها ويشربوا مايتها....

[h.mohamed]

بالاسفل ردي على موضوع اخر ايضا عن نفس السيارة...

وسألغي حجزي عندهم...رغم اني عارف ان السيارة كويسة...لكن سأشتري أي بديل...جاهز....من أي توكيل ...يعرف كيف يوفر السلعة لزبائنه..مش توكيل فاشل تروح علشان تشتري ال 5008 يقول لك ما بقنناش ننزلها رغم اني شايف انه من افضل السيارات العائلية...ثم ينصحوك بشراء 3008 على اساس ان عليها طلب اكتر...وبيوفروها

والاخر..يلطعك شهور ..وكل ده علشان يرفعوا سعرها...والاخر ينزلها لكها لك من غير فرش جلد ومن غير شاشة المنتصف اللي هي اجمل ما في السيارة

......يبقوا يقابلوني...(اقرأ تعليقي بالاسفل )

أنا فهمت أن حضرتك حجزت فعلا عندهم.. ممكن أعرف حجزت من أمتي و التأخير عن ميعاد التسليم قد إيه

و لو هتلغي البيجو من حساباتك. ممكن تقولنا ناوى على إيه...

ربنا يكفينا و يكفيك شر الحيرة ..

[Ammpage]

متشكر يا فندم على ردك... حضرتك متوقع زيادة السعر ممكن تكون فى حدود قد إيه?

العفو يا فندم وربنا يوفقك في الاختيار .
الطبيعي مش هتزيد اكتر من ٤٠٠٠ ج ، ولكن مع سعر الدولار واستغلال الوكلاء .. ربنا يسهل ومتزيدش كتير .

[Abu Reem]

أنا فهمت أن حضرتك حجزت فعلا عندهم.. ممكن أعرف حجزت من أمتي و التأخير عن ميعاد التسليم قد إيه

و لو هتلغي البيجو من حساباتك. ممكن تقولنا ناوى على إيه...

ربنا يكفينا و يكفيك شر الحيرة ..

حاجز من شهر بس الاخبار...وكل ما اسأل اشعر ان فيه مشاكل...وشكل الشحنة كده ممكن اما ان تتأخر ..الى منتصف 8 او قد تلغى وهذا وارد جدا

لذلك انا سأحجز الاسبورتاج او بمعنى اصح ساشتريها من أي معرض لانها ايضا بالحجز وتحتاج 3 شهور للاستلام ,,, وانا محتاج العربية خلال شهري 7 و 8 ولا استطيع الانتظار ..

- فشل ذريع لما يكون هناك مشترين...والوكيل لازم يأخرك كثير علشان يجيب لك العربية..

امال لما نحتاج لها قطع غيار ..بقى هيعمل فينا ايه...

[pharonicking]

عربية مش موجودة "" احذروا عدم توافر قطع الغيار "" والا حتندموا ""

[mohamed167]

السلام عليكم
يا جماعة انا اشتريت بيجو 3008 موديل 2015 و هى بالفعل سيارة رائعة و تتفوق على مثيلاتها من نفس الفئة فى الموديلات الاخرى مثل كيا سبورتاج او هيونداى اى اكس35 ... و يكفى انها بيجو ..... اسم و بلد منشأ و لها تاريخ معروف ،،، و عملت مقارنة بينها و بين مثيلاتها قبل الشراء و استقر الرأى عليها بعد التفكير و المقارنة لمدة من الوقت .


و شكراً

[ahmed foxxx]

ربنا يكرمك بيها أنا كمان شكلي ان شاء الله هشتريها.

[blazer]

السلام عليكم
يا جماعة انا اشتريت بيجو 3008 موديل 2015 و هى بالفعل سيارة رائعة و تتفوق على مثيلاتها من نفس الفئة فى الموديلات الاخرى مثل كيا سبورتاج او هيونداى اى اكس35 ... و يكفى انها بيجو ..... اسم و بلد منشأ و لها تاريخ معروف ،،، و عملت مقارنة بينها و بين مثيلاتها قبل الشراء و استقر الرأى عليها بعد التفكير و المقارنة لمدة من الوقت .


و شكراً

عربيه توكيلها زباله و كفايه ال 301 الى من غير فرامل و مشاكل التوكيل مع العملاء
و احد الاعضاء الى عمل حادث و رافع قضيه فيه حمايه المستهلك عشان بيجو بتتهرب منهم

السوبارو xv او الاسبورتاج احسن بديل