ارجومن حضراتكم المساعدة العاجلة فى بيجو 405

[عادل منصور]

الرجاء من حضراتكم من لديه خبرة فى البيجو ان يفدنى باقسى سرعة ممكنه وكل الشكر والتقدير منى لحضراتكم الموضوع انا بشترى او بمعنى اصح ببدل سيارتى الشاهين بسيارة بيجو 405 glx موديل 2004 وبدفع فرق 8000 ج لكنى ليس عندى خبرة فى البيجو اكتر من انها عجبتنى جدا السيارة من حيث الحالة الخارجية 10على 10 رشابعض الاجزاء فقط من الخارج وشركة جوه التكيف شغال ب نسبة 70فى المئه مع العلم الشاهين ملاكى على وضعه وموديل 2004 نفس موديل البيجو والمفروض انى هعمل توكيل غدا وصاحب البيجو نفس الوضع طبعا فلما سالت ميكانيكى من البيشتغل فى الشاهين قلب عندى الموازين قال انها كانت سيارات بتنزل للشرطة فقط وانها سيارات مفيش لها قطع غيار وان وجدت بتكون عشر اضعاف الشاهين على حد قوله انها حنفية فلوس وسوقها واقف محدش بيشتريها وملهاش ثمن يعن بصراحة الشاهين المش عجباك دى احس منها مليون مرة وده على حد قول الميكانيكى فارجوكم التوضيح بالله عليكم فى اسرع وقت ممكن

[م أحمد]

ليها قطع غيار طبعا و مش عشر اضعاف الشاهين ولا حاجة

بس اسال اخونا الميكانيكى سؤالين مهمين

كموتوروشاسيه وعربيه بوجه عام مين احسن ؟ بتعرف تشتغل فى البيجو ولا الشاهين ؟

[عادل منصور]

شرفنى مرورك الطيب استاذ احمد طيب ممكن حضرتك تفدنى اعمل ايه هوا طالب 8000ج زى ماقلت لحضرتك وبكدة تبقى البيجووقفت عليا ب 45 الف ج راى حضرتك هى تستاهل اما عن حلتها فاممتازة فيها ظبط خفيف وهل الموضل ده فرنسى على اصله زى مابياكد صاحب البيجو

[عادل منصور]

فى انتظار رد حضرتك

[عادل منصور]

ياجماعة حد يرد عليا يفهمنى ويقولى اعمل ايه

[عادل منصور]

65مشاهدة ومفيش ولا رد ياجماعة الحمدلله انا مش طالب فلوس من حد عشان محدش بيرد عليا اناطالب كلمتين لوجه الله

[NightmarE84]

من بعد موديل 96 ويمكن نوادر فى ال97 تقفيل مصرى وماقبل ذلك من 88 الى 96-97 فرنساوى

لذلك العربية دى وجية اباظة مش فرنساوى

وبالنسبة للعربية ممكن تصورها ونشوف صورها وطبعا ده مش هيغنى عن انك تكشف عن صنايعى امين يقولك اصلها وفصلها

وبنسبة كبيرة العربية كربراتير (فى ناس مش بتقبل الكربراتير وبتعتبره مشكلة لكن طالما كنت ماشى بالشاهين فهمش هيبقى فى مشاكل ان شاء الله )

وقطع غيارها اغلى نسبيا من الشاهين نظرا لانه تعتبر فئة اعلى واشيك من الشاهين و حاجتها متوافرة جديد(وان كان هناك بعض القطع اغلى من الشاهين الا انه قطع غيارها معمرة يعنى ممكن تجيب حاجة ب 100 ج تركبها فى البيجو تغير عليها يجى 7 او 8 ب 10 او 5 ج فى الشاهين وكلامى ده مثال للتوضيح يعنى )

والاستيراد مغرق الدنيا من الحرفيين للبلبيس للوكالة للجيزة

وبالنسبة للسعر السعر مناسب واقل من سعر السوق بشوية لانه بتكسر ال 50

فحاول تكشف عليها كويس وتتاكد من اساسيتها لان الملحوم كتير فى السوق

وربنا يصلحلك الحال ويوفقك لما فيه الخير

واسف للاطالة

ولو حضرتك من القاهرة ممكن تقول و الاخوة الكرام يدلوك على الصنايعية اللى بيتعاملوا معاهم ميكانيكة وكده بحيث تكشف عليها عندهم
او تريح بالك وتروح تكشف فى التوكيل بس معرفش ايه نظام كشف التوكيل وبكام

[عادل منصور]

استاذى الغالى الف شكر لحضرتك ورجائى من حضرتك متابعتى غدا ان شاء الله لكى ارفع لحضرتك صور السيارة واستفاد من خبرة حضرتك وبالله عليك تتابع معايا لكى لاقع فريسة لغيرى اواقع فى مشاكل فيمابعد كل الشكر والتقدير والاحترام لحضرتك

[عادل منصور]

للاسف من اول امس كل مارفع الصور الخاصة بالسيارة تظهر قائمة خاصة بالمنتدى بانه يجرى عملية صيانة فى المنتدى حاول تانى وعلى كدة فارجائى الاخير لمن يعرف عن السيارة 2004 بيجو 405 ان يفيدنى فى هزا النوع وده رقم الشاسيه الخاص بها لوامكن ان اعرف هيا مصرى وجيه اباظة ولا فرنسى زى مابياكد صاحبها f 3 4 B B 5 A 2 7 1 8 4 4 8 1 9