برجاء المساعدة

[m mosalam]

التوكيل اتصل بيا عشان الاستلام وللاسف مفيش لون موجود غير الاسود واناكنت محدد لون الموكا او الشامبين ومفيش غير الاسود هل الالون الاسود حلو ولاوحش برجاء المساعدة

[D.Ahmed Ismail]

اللون ده ازواق
و الاسود بيبان فية الوساخة و عايز عناية باستمرار و بيسخن العربية من جوه
بس
انا مشفتوش في العربية دي فحتى الان هوه لون شبه مميز

[J A G U A R]

هما هايلبسوك فى اللون اللى على مزاجهم ولا ايه
والاسود فيها مش وحش بس عايز اهتمام على طول

[NightmarE84]

زى ما قال الاخوة الكرام

الاسود لون ممتاز بس محتاج عناية باستمرار لانه بتبان فيه الاتربة بسرعة

والف مبروك العربية وربنا يكفيك شرها ويديك خيرها

[khaled_yehya]

زى ما قال الاخوة الكرام

الاسود لون ممتاز بس محتاج عناية باستمرار لانه بتبان فيه الاتربة بسرعة

والف مبروك العربية وربنا يكفيك شرها ويديك خيرها

حاول تشوف اللون على الطبيعية وبعد كده حدد

ممكن اعرف انت حجزت امتى علشان انا حجزت مستنى وانا حاجز الموكا برضه

[m mosalam]

انا حاجز يوم 10 ابريل وانتا قررت انى استنى اللون اللى مختاره يالموكا يالشامبين انا مش عايز الاسود وغير كدة هما بيقولولى هنحاول نغيرهالك فانا خايف انهم يجبولى عربية كان فيها مشكلة او جايه منت معرض مرتجع ويلبسوهانى فعشان كدة هخلينى فى المضمون افضل لانى قلقت من حكاية اننا هنحاول نغيرهالك دى يعنى ممكن يتصرفولى فى اى عربية كان فيها مشكلة او بواقى وعشان كدة هستنى .

[م أحمد]

مش بفضل الالوان الغامقة بس شايفه على العربية دى مديلها فئة اعلى من فئتها