ﻣﺤﺘﺎﺭ ﺍﺷﺘﺮﻱ ﺑﻴﺠﻮ 301 ﻭﻟﺎ ﻟﺎﺀ !!!!!!!

[abohend]

مشكلة ايه؟؟؟!!!

نفسى اعرف ايه شكاوى الفرامل دى !
هو عشان شخص واحد عمل حادثة وخيش بالعربية وهو حالة فردية اصلا يعنى حتى لو روايته صحيحة 100% ده كدة خلاص بقت العربية معيوبة في الفرامل !!!!!

العربية فراملها اصلا قوية جدا فعيب اوى يطلع اشاعة ان في مشكلة في الفرامل لا ومع كذا حد ، سوري ، مين الكذا حد دول ؟؟؟

لو المقصود مشاكل التيل فده ما اسموش مشكلة فرامل خصوصا لما تلاقى اللى معاه لانسر وهوندا بيغير تيل على 10 الاف والبيجو 307 و 308 كذلك ، يعنى مش اختراع خاص بـ 301 حوار التيل ده ، وهو فعلا تبع الاستخدام ما تجيش تقف على كوبري اكتوبر ساعتين كل يوم ولا شارع فيصل والهرم او مقضيها شد وحرق وكبس فرامل كل شوية وترجع تعيط بعد كدة !

انا عامل بالعربية 12 الف كيلو دلوقتى ولسة بتيل الزيرو زي ما هو لا قرب يخلص ولا بيصفر ولا اي حاجة والفرامل بتكلبش العربية على اي سرعة وعلى اي سطح والـ abs بيساعدك في تقليل مسافة التوقف على الرملة والمية

أؤيد كلام عمرو

إشاعة مشكلة الفرامل دي مش مفهومة
و حتى على فرضية صدق الرواية اللي على المنتدى (الله أعلم أنا معرفش العضو معرفة شخصية عشان أحكم) هتبقى حالة فردية
و العربية باعت كتيييييييييييييير....مش معقول حالة واحدة تقول إن العربية فيها مشكلة فرامل

[hero 99]

نفسى اعرف ايه شكاوى الفرامل دى !
هو عشان شخص واحد عمل حادثة وخيش بالعربية وهو حالة فردية اصلا يعنى حتى لو روايته صحيحة 100% ده كدة خلاص بقت العربية معيوبة في الفرامل !!!!!

العربية فراملها اصلا قوية جدا فعيب اوى يطلع اشاعة ان في مشكلة في الفرامل لا ومع كذا حد ، سوري ، مين الكذا حد دول ؟؟؟

لو المقصود مشاكل التيل فده ما اسموش مشكلة فرامل خصوصا لما تلاقى اللى معاه لانسر وهوندا بيغير تيل على 10 الاف والبيجو 307 و 308 كذلك ، يعنى مش اختراع خاص بـ 301 حوار التيل ده ، وهو فعلا تبع الاستخدام ما تجيش تقف على كوبري اكتوبر ساعتين كل يوم ولا شارع فيصل والهرم او مقضيها شد وحرق وكبس فرامل كل شوية وترجع تعيط بعد كدة !

انا عامل بالعربية 12 الف كيلو دلوقتى ولسة بتيل الزيرو زي ما هو لا قرب يخلص ولا بيصفر ولا اي حاجة والفرامل بتكلبش العربية على اي سرعة وعلى اي سطح والـ abs بيساعدك في تقليل مسافة التوقف على الرملة والمية

ﻃﺐمﻣﻌﻠﺶ ﻳﺎ ﺍﺳﺘﺎﺫ ﻋﻤﺮﻭ ﻫﻲ ﺍﻟﻌﺮﺑﻴﺔ ﻣﺮﻳﺤﺔ ﺣﻀﺮﺗﻚ ﻭﻛﻮﻳﺴﺔ ﻋﻠﺸﺎﻥ ﻋﺎﻳﺰ ﺍﺷﺘﺮﻱ 301 ﻫﺎﻳﻠﺎﻳﻦ ﺑﺲ ﺍﻟﻨﺎﺱ ﻣﺨﻮﻓﺎﻧﻲ ﻣﻨﻬﺎ

[mhkorayem]

[QUOTE=hero 99;3875657300]

[size=4][color=teal]
ﻟﻮ ﺳﻤﺤﺖ ﻫﻲ ﻟﺎﻧﺴﺮ ﺷﺎﺭﻙ ﺍﻟﻔﺌﺔ ﺍﻟﻠﻲ ﻓﻴﻬﺎ ﺍﻭﺑﺸﻦ ﺑﻜﺎﻡ ﻭﻫﻞ ﺍﻟﺎﺳﺘﻠﺎﻡ ﺍﻭﻓﺮ ﺑﺮﺍﻳﺲ

اللانسر الشارك تاني فئه فيها abs و ebd و 2 ايرباج وجنوط اسبور كنت سألت من 3 شهور كانت بـ 145.000 جنيه في فئتين أعلى كمان من دي بس دي اللي سعرها مقارب للبيجو 301
طبعاً البيجو فيها اوبشنز اعلى بس كلها اوبشنز رفاهيه اكتر من انها امان زي سنسور بارك ومرايات ضم وشنطه اوسع وحاجات كده
موجهة نظري الاوبشنز الزياده في البيجو متخلنيش اسيب اللانسر واجيبها. لان اللانسر أعلى ماتور وثبات وسعر اعادة بيع وحجم وارتفاع عن الارض ووجود مؤشر حراره الماتور (غير متواجد في البيجو) ده غير سهوله الصيانه بره التوكيل للانسر عن البيجو
ده غير اننا مسمعناش عنها مشاكل بعكس البيجو اللي بدأ بعض الناس تشتكي منها صحيح مينفعش نقول ان مشاكل البيجو مشاكل عامه على كل العربيات ولكنها موجوده وكذا حد اشتكي بعكس اللانسر
وفي النهايه البيجو بردوا عربيه كويسه بس الانسر انا شايفها افضل
بس وجب عليا بردوا انبهك من ارتفاع اسعار قطع غيار وصياناتهم الاتنين عشان لو الموضوع ده هيفرق معاك يبقى الاتنين غير مناسبين بالنسبه لك
وربنا يوفقك للخير

[mhkorayem]

بس برضه احسن. من البيجو 301

أنا مش فاهم قصدك ايه ببرضوا أحسن من البيجو 301
لو قصدك على الالنترا والسيراتو فده اكيد لانها فئه اعلى
لو قصدك على الريو والاكسنت فدي وجهات نظر (صعب اوي تحديد الافضل واللي بيحدد الموضوع ده أهتمامات كل شخص واولوياته في الشراء)
صحيح انا شايف ان الريو بالتحديد افضل من الـ 301 وشايف ان الاكسنت قد يكون لها مزايا تتفوق بيها على الـ 301 زي قطع الغيار وسهوله الصيانه واعاده البيع بس في الاخر دي وجهات نظر لانهم برضوا متقاربين اوي
لو تقصد الـ Gen 2 فاعتقد أنك محتاج تراجع نفسك في الموضوع ده صحيح الـ Gen 2 عربيه كويسه اوي بالنسبه لسعرها بس طبعاً فرق الكوالتي والخامات المستخدمه بين الاتنين ومشاكل التقفيل مش في صالح الـ Gen 2 خالص طبعاً البيجو افضل بس لازم تاخد بالك ان في فرق سعر يتجاوز الـ 20.000 جنيه وده مش قليل

[dodz]

انا معايا المانيوال و هقولك الأقدر أقولوا في حد ال 3500 كم خبرتي.

العربية جميلة جداً شكلاً و مضموناً, و أنا مقابلتنيش أي مشكلة فيها و أخدت بيها مشاوير طويلة و احنا 5 في العربية و التكييف مكنش بيزيد عن 2 (في الأيام الأحنا فيها دي) و سعات كانت الناس بتشتكي و اقفلو شوية.
الفرامل بردو مفيش أي مشاكل مع الحمولة.

العيوب: سعات كدة بيبقا في اصوات بسبب ضعف العزل بسمعها و بحس ان في مشكلة بس هي أصوات من الخارج.
انا شخصياً بكره التحكم في البنزين الإلكتروني لأن بيبقى في بعض التأخير بين انك تدوس على الدواسة و العربية تحس, مش زي اللانسر البومة مثلاً لأن الموضوع ميكانيكي. لازم أقول بس أن دي مشكلة شخصية لأن كل اصحابي الساقوا العربية محسوش بأي حاجة.
الرؤية من داخل العربية مش ممتازة زي البومة او الفرنة و دة جزئياً بسبب أرتفاع العربية.


زي منتا شايف كل دي عيوب شخصية و العربية حتى الان مفيهاش أي غيب بنسبالي و مفيش أي احساس بالندم اني اشترتها