تجربه حلوه مع توكيل ابو رواش

[mans336]

السلام عليكم ورحمة الله وبركاته
انا لقيت كل الناس بتشتكى من التوكيل ولما رحت لقيت معامله كويسه
قلت لازم زى ما بنقول الوحش كمان نقول الحلو
انا معايا 301 وعامل بيها حوالى 8200 كيلو
من فتره التيل بدأ يصفر
رحت انهرده توكيل ابو رواش الساعه 12 وكانت الدنيا زحمه شويه ومفيش غير مهندس استقبال واحد
المهم استلم منى العربيه قلتله عاوز اكشف ع التيل والبوجيهات ولو فيها حاجه اكيد تتغير فى الضمان
قالى هنشوف العيب فين ونبلغك لو هنغير حاجه على حسابك
المهم استنيت حوالى ساعتين وربع
وبعدين جالى وقالى ان البوجيهات تمام والتيل اتغير فى الضمان وخدت العربيه ومشيت
انا كنت رايح ومتخيل من كلام الناس انى هروح اتخانق هناك بس الحمد لله الموضوع مشى تمام من غير اى حاجه

[khaled_yehya]

مبروك الصيانة وعقبالىصيانة 100000

[eleanor]

الحمد لله يارب يفضلو كده على طول وتقريبا الناس اللى معانا فى المنتدى لما شدوا معاهم فى الاول جابت نتيجه

[عمرو بندق]

ألف مبروك ... دى أخبار كويسة و عقبال صيانة ال 100000
بس فى سؤال أنت غيرت زيت ولا لأ و كان من عندهم ولا أنت أشتريته من برة و كان نوعه ايه
أسف على الاطالة

[mans336]

المشكله انى كنت رايح اعمل صيانة الـ 10000 والمهندس مخدش باله .. دخل العربيه بس على الكشف على البوجيهات بالجهاز والكشف على التيل
وبعد كده لما قلتله قالى انت مقلتليش على الصيانه (ودى غلطتى فعلا انا كنت فاكر انه عارف يعنى بما انى اساسا حاجز بالتليفون صيانة الـ 10000 ) وقالى لسه ادامك الف ونص اعملهم وتعالى اعمل الصيانه
ومشيت من التوكيل ومدفعتش ولا مليم

[S O P H O S]

الحمد الله
كويس انهم حلوا المشكلة