السيارة المظلومة بيجو 301

[ayman khaled]

السلام عليكم اعضاء المنتدى الكرام

دى اول مرة اكتب موضوع فى المنتدى بس كان نفسى اقول الكلام دة
انا تجولت فى اقسام السيارات والموديلات الاخرى فى المنتدى سواء الاعلى من ال301 او الاقل منها علشان اشوف تعليقات واراء الملاك فى سياراتهم وللاسف لم اجد احد فى اى موديل يسب ويلعن فى سيارتة كما يفعل ملاك ال301 مش عارف لية هل معقول ان جميع الموديلات خالية من العيوب او بها عيوب بسيطة وملاكها متوافقين معها ام ان 301 من اسواء الموديلات الموجودة بالسوق
حتى الستروين الاليزية وهى نفس ال301 ومن نفس المصنع وصورة من ال301 فى كل حاجة من الموتور الى شكل التابلوة الى الشنطة وحتى العجل والكماليات اصحابها طالعين بيها السما والى مش مصدق يدخل على صفحة الستروين ويشوف
هى هى نفس العربية واكيد نفس العيوب والمميزات ولكن التعامل من قبل الملاك مختلف تماما انا مبقلش ندارى على العيوب لكن انا شايف تضخيم فى العيوب ومبالغة فى الهجوم
واحد يقول عربية كويسة ولكن فرامل صفر منين كويسة ومنين صفر
والسحب زبالة ونتشه فى الفتيس وتكييف ضعيف وتوكيل وحش وقطع غيار غاليةوغير كدة كتير
وكل دى مشاكل موجودة بس معظمها فردية كل واحد يظهر معاة مشكلة فى عربيتة الشخصية يخليها عيب عام فى العربيات كلها
طبعا فى عيوب عامة زى اسعار قطع الغيار بس دى مكنتش مفجاة احنا عارفين دة قبل الشراء وكل واحد قبل الشراء سأل وعرف العيوب والمميزات وبعدين اشترى
انا عن نفسى معيا العربية واعترف بوجود عيوب ولكن العربية مزعلتنيش ولا مرة حتى الان مفيش مرة دست على الفرامل العربية مهدتش او موقفتش سواء على سرعم عالية او بطيئة
احنا بنظلم العربية وبنخلى اى حد ناوى يشترى يرجع فى كلامة ويروح لعربيات اقل منها والى اشترى يندم على الشراء ودة من الاخر مش من مصلحة الملاك او العربية
خلينا موضوعيين و المشاكل الى الكل بيتكلم عليها موجودة فى ال301 وفى العربيات الاخرى حتى ال بى ام والمرسيدس بيظهر فيهم مشاكل ( مع الفرق طبعا ) ولكن اسلوب التعامل والتضخيم مختلف
انا اسف لو طولت بس كان نفسى اقول الكلمتين دول
وفى الاخر دة مجرد راى شخصى
مع كامل التقدير لجميع الاعضاء الكرام

[amintaha]

السلام عليكم
طيب ايه العيوب ال حصلت مع حضرتك وشايفها انها عادى ﻻن فعلا كتر الكلام على العيوب بس خل الناس ال عايزه تشترى العربيه تبقى قلقانه وانا منهم
وجزاك الله كل خير

[khaled_yehya]

السلام عليكم
طيب ايه العيوب ال حصلت مع حضرتك وشايفها انها عادى ﻻن فعلا كتر الكلام على العيوب بس خل الناس ال عايزه تشترى العربيه(أنا ح استلم اول شهر 8) تبقى قلقانه وانا منهم
وجزاك الله كل خير

[د.عماد صلاح]

العربيه زيها زي عربيه في الرانج ده فيها عيوب بس للامانه مش كارثيه

[ayman khaled]

السلام عليكم
طيب ايه العيوب ال حصلت مع حضرتك وشايفها انها عادى ﻻن فعلا كتر الكلام على العيوب بس خل الناس ال عايزه تشترى العربيه تبقى قلقانه وانا منهم
وجزاك الله كل خير

عزيزى من العيوب الى ظهرت معيا العيب الشهير بتاع ضعف السحب مع التكييف
ولكن مش للدرجة دى طبيعى فى اى عربية مهما كانت يقل السحب بتاعها مع التكييف على السلانسية ولكن مع زيادة السرعة متحسش بية
العربية ادائها ممتاز مع السواقة الهادية وهى تعتبر عائلية مش عايزة تطلع بيها امريكانى وغرز ضيقة وبعدين تقول السحب ضعيف لا سحبها كويس على الهادى ومتحبش العفرتة
وبالنسبة للسعر امكانياتها كويسة هى مش عربية رياضية

[hero 99]

ﺍﻟﺴﻠﺎﻡ ﻋﻠﻴﻜﻢ
ﻣﻌﻠﺶ ﻣﻤﻜﻦ ﺍﻋﺮﻑ ﺍﻟﻌﻴﻮﺏ ﺍﻟﺘﻲ ﻗﺎﺑﻠﺖ ﺣﻀﺮﺗﻚ
ﻟﺎﻥ ﺍﻧﺎ ﻋﺎﻳﺰ ﺍﺣﺠﺰ ﺍﻟﻬﺎﻳﻠﺎﻳﻦ ﺑﻲ ﻗﻠﻘﺎﻥ ﻭﺣﻀﺮﺗﻚ ﺗﻨﺼﺤﻨﻲ ﺑﻴﻬﺎ ﻭﻟﺎ ﻟﺎ
ﺑﺲ ﻟﻮ ﺳﻤﺤﺖ ﺍﻳﻪ ﺍﻟﻔﺌﺔ ﺍﻟﻠﻲ ﻣﻊ حضرتك

[fady saher]

ﻭﺍﻟﻠﻪ ﺍﻧﺖ ﻣﻌﺎﻙ ﺣﻖ و ﻗﻠﺖ ﺍﻟﻰ ﺍﻧﺎ ﻋﺎﻳﺰ ﺍﻗﻮﻟﻪ ﺗﺨﻴﻞ ﺍﻧﺎ ﻣﺘﺎﺑﻊ ﺍﻟﻌﺮﺑﻴﻪ ﺑﻘﺎﻟﻲ ﺳﻨﻪ ﻋﻠﻰ ﺍﻟﻤﻨﺘﺪﻯ ﻣﻮﺿﻮﻉ ﺍﻥ ﺍﻟﻔﺮﺍﻣﻞ ﺯﻳﺮﻭ ﻣﻆﻬﺮﺵ ﻏﻴﺮ ﻓﻲ ﺣﺎﻟﺘﻴﻦ ﻳﻌﻨﻲ ﺯﻱ ﻣﺎ ﻗﻠﺖ ﺣﺎﻟﺎﺕ ﻓﺮﺩﻳﻪ ﺍﻣﺎ ﺗﻘﻞ ﺍﻟﺴﺤﺐ ﺍﻧﻬﺎﺭﺩﻩ ﻗﺮﻳﺖ ﻣﻮﺿﻮﻉ ﻣﻦ ﺍﺣﺪ ﺍﻟﺎﻋﻀﺎﺀ ﺑﻴﻘﻮﻝ ﺍﻥ ﺍﻟﺘﻮﻛﻴﻞ ﺣﻞ ﺍﻟﻤﻮﺿﻮﻉ ﺩﻩ ﺑﺎﻧﻪ ﺍﺑﺘﺪﻯ ﻳﻆﺒﻄ ﺍﻟﺘﻜﻴﻒ و ﺩﻩ ﺣﺴﻦ ﺍﻟﺴﺤﺐ ﻛﺘﻴﺮ ﺑﻨﺴﺒﻪ ﺳﺒﻌﻴﻦ ﻓﻲ ﺍﻟﻤﻴﻪ ﺍﺳﻌﺎﺭ ﻗﻂﻊ ﺍﻟﻐﻴﺎﺭ ﻏﺎﻟﻴﻪ ﺍﺳﻌﺎﺭ ﻗﻂﻊ ﺍﻟﻐﻴﺎﺭ ﻟﻜﻞ ﺍﻟﻌﺮﺑﻴﺎﺕ ﻏﻠﻴﺖ ﺑﻌﺪ ﺍﻟﺎﺭﺗﻔﺎﻉ ﺍﻟﻤﺠﻨﻮﻥ ﻟﺴﻌﺮ ﺍﻟﺪﻭﻟﺎﺭ
ﻋﻠﻔﻜﺮﻩ ﺍﻧﺎ ﺯﻳﻚ ﻣﻌﺎﻳﺎ ﺍﻟﻤﻨﻴﻮﺍﻝ و ﻋﻤﺮﻫﺎ ﻣﺎ ﻗﺼﺮﺕ ﻣﻌﺎﻳﺎ ﻣﺶ ﻣﻌﻨﻰ ﻛﺪﻩ ﺍﻥ ﻟﻮ ﻇﻬﺮﺕ ﻋﻴﻮﺏ ﻧﺘﻐﺎﺿﻰ ﻋﻨﻬﺎ ﻟﻜﻦ ﻳﺠﺐ ﺍﻟﺎ ﻧﻜﻮﻥ ﻣﺘﺤﺎﻣﻠﻴﻦ ﺍﻛﺜﺮ ﻣﻦ ﺍﻟﺎﺯﻡ و ﺍﺳﻒ ﻋﻠﻰ الاطاله

[kantofanto]

100% كلامك صح ، كل عربية لها مميزات و لها عيوب و كمان يكفى انك راكب بيجو اسم له تاريخ.

[age]

العربيه معاي من 9شهور عامله 6500 كم وزي الفل عيبها معاي ضعف السحب مع التكيف في السرعات القليله ودي واحد قال ان التوكيل بيحلها بسوفت وير واستهلاك البنزين عالي جوه البلد لكن مجمل كويسه جدا

[ابو هنا]

انا اتفق معاك انها سيارة عائلية وليست سيارة عفرته .
الي يعرف يتعامل معاها تعطيلة افضل اداء
السيارة لها اسلوب معين في القيادة
يا رجالة والله الغظيم العربية ممتازة فيها كماليات مش موجودة في فئات اعلى منها ، لها برستيج وهيبه ميحسش بيه غير الي راكبها .
انا شايف ان العربية دي تحديداً تتعرض لهجوم عنيف ، والدليل على ذلك انا كنت اول واحد في مصر رخص السيارة موديل 2015 بطلوع الروح 1 / 3 / 2014م وكتبت موضوع بعنوان ان المرور رافض يرخص السيارة موديل 2015 (معلش انا مش بعرف اخد كوبي من عنوان قديم في موضوع جديد ياريت حد يعلمهالي بعدين )
قابل بقا ياسيدي على التريقة والتعليقات البيخة الي يقولك ماهي دي سياسة بيجو الجديدة فئنها تسابق الزمن ، والي يقولك دي طريقة جديدة للتسويق ، ومحدش فتح بقه لما الرابيد والاسبوتاج والياريس نذلت مودلات 2015 .
العربية جميلة بس نصيحة اخيرة الي يشتريها لازم يكون عاشق لهذه السيارة علشان يستطيع ان يتقبل الهجوم على السيارة ( عايز استعير جملة من ابوبا مفيش حاجة وحشة الوحش قلت الحاجة ) انجوي .

[Hema_Basha]

احييك علي هذا الموضوع الاكثر من رائع

[Raef Sobh Azab]

أتفق تماما خصوصا مع الجزئية الخاصة بالسيتروين سى إليزيه
أنا من ملاك السيتروين واختارتها بسبب الهجوم المتواصل على البيجو. اخترت السيتروين لقلة شكوى الملاك منها رغم علمى أنها من نفس المصنع

[Mohamed 555]

العربية معايا و كويسه الحمد لله مفيهاش مشاكل لحد دلوقتي كان فيه مشكلة التكييف و اتعملت مع السوفت وير غير كده هي ممتازة

[hero 99]

ﺍﻧﺎ ﻋﺎﻳﺰ ﺭﺍﻱ ﻣﻠﺎك ﺑﻴﺠﻮ 301 ﻋﻠﺸﺎﻥ ﺍﻧﺎ ﻋﺎﻳﺰ ﺍﺷﺘﺮﻳﻬﺎ ﻫﺎﻳﻠﺎﻳﻦ ﺑﺲ ﺍﻟﻨﺎﺱ ﻣﺨﻮﻓﺎﻧﻲ ﻣﻨﻬﺎ
ﻓﻠﻮﺳﻤﺤﺘﻮﺍ ﻋﺎﻳﺰ ﺍﻋﺮﻑ ﺭﺍﻱ ﻣﻠﺎﻛﻬﺎ فيها

[lola_pepito]

حضرتك كاتب "واحد يقول عربية كويسة ولكن فرامل صفر منين كويسة ومنين صفر والسحب زبالة ونتشه فى الفتيس وتكييف ضعيف وتوكيل وحش وقطع غيار غاليةوغير كدة كتير وكل دى مشاكل موجودة بس معظمها فردية كل واحد يظهر معاة مشكلة فى عربيتة الشخصية يخليها عيب عام فى العربيات كلها"
انا مش متفقه مع حضرتك. محدش ضخم وخلاها عيب عام، الفكره كلها ان اللي لسه مش معاه العربيه بيقلق لأنه بيفتكر ان هيكون عنده كل المشاكل دي، في حين انها فرديه
التيل وضعف السحب اللي فعلا كتير اشتكوا منه غير كده حاجات فرديه ومش سيئه بدرجه كبيره، وده الغالبيه متفق عليه
وكمان التوكيل ليه دور في التضخيم ده بسبب عدم قدرته علي حل المشاكل