العربية اتخبطت .... ارجو المساعدة

[ابو سمرة]

السلام عليكم . انا عضو جديد فالمنتدي و كنت عايز نصيحتكم انا معاياعربية بيجو 301 اتخبطت امبارح من ورا والشنطة اتطبقت علي خفيف و وش الفانوس الشمال كمان اتكل علي الله . فكنت عايز اعرف لما اروح التوكيل هيعملي ايه بالظبط و ممكن الاقي الفانوس برا التوكيل ولا لأ وهل في سمكري كويس ومضمون يكون حضراتكم عرفينه اقدر اروحلوا يكون قريب مني انا ساكن في جسر السويس . وشكرا مقدما

[OmarAdel98]

اعملها في التوكيل افضل لأن نسبة كبيرة من الصنايعية بهايم

[ابو سمرة]

شكرا علي الرد... انا لسه جاي من توكيل غمرة وبعد كثير من المناقشات مع مهندس السمكرة قالي لازم الشنطة والفانوس يتغيروا مع ان الشنطة متطبقة علي خفيف من تحت العلامة و وش الفانوس بس اللي اتكسر مش الفانوس كله يعني ..... وبعد ما سألت عالسعر قالي 6 الاف جنية رحت سايبة وماشي وقررت اعملها عند اي سمكري برا

[Ahmed Saad]

ياباشا التوكيل حراميه وعايزين اي شغل وخلاص روح لسمكري محترم يردها علي البارد طالما بتقول بسيطه وممكن تترد شفط لو في حته مستقيمه والفانوس انزل الحرفيين اسال علي ناس بتعمل وشوش او شوف بتوع البيجو ممكن تلاقي العربيه نزلت في الاستيراد

[midooo_119]

اى سمكرى فالحرفيين او ورشه نايل موتورز

[mahmed0100]

انزل الحرفيين يسمكر الخبطه
و اشتري انت اللون من التوكيل و خليه يرشهالك و متسبش عربيتك .. دي نصيحه مهما خدت وقت
و الفانوس بيتعمل نفس الصبه بتاعته و بتركب عليه بس فين مش عارف بصراحه

[ابو سمرة]

متشكر اوي يا جماعة علي نصايحكوا الغالية دي .. انا ان شاء الله نازل الحرفيين الاسبوع الجاي و هشوف هقدر اعمل ايه هناك ... وعموما ربنا يبعد عنكوا مستجدين السواقة لأن العربية اتخبطت وهي مركونة تحت البيت ومتغطية ولولا الغطا متين كانت الخبطة اثرت عن كدة

[S O P H O S]

خليلك برا بلاش التوكيل

[ahmdghalwash]

[quote=ابو سمرة;3875687892]متشكر اوي يا جماعة علي نصايحكوا الغالية دي .. انا ان شاء الله نازل الحرفيين الاسبوع الجاي و هشوف هقدر اعمل ايه هناك ... وعموما ربنا يبعد عنكوا مستجدين السواقة لأن العربية اتخبطت وهي مركونة تحت البيت ومتغطية ولولا الغطا متين كانت الخبطة اثرت عن كدة[السلام عليكم اخي الفاضل هون عليك .يمكنك التواصل معي ومساعدتك قدر الاستطاعة
م-احمدغلوش..