مشورتكم بخصوص شراء 301

[memo_zezo]

السلام عليكم
انا مغترب بالسعوديه ومعروض عليا بيجو 301 زيرو ماشيه 14 كيلو بس يعني يدوب الراجل طلعها من المعرض وركنها عند بيته السياره فئه اوتوماتيك ستاندرد مش الهاي لاين وهي سعرها هنا في التوكيل 47 الف ريال وعاملين عليها عرض في رمضان ب 44 الف والراجل اتفق معايا علي 35 الف بس وهو لسه مطلعها من اسبوع بس وهي عليها ضمان 5 سنين او مليون كيلو وانا عايزها تعيش معايا 3 او 5 سنين من غير وجع الدماغ بتاع الميكانيكيه لانهم هنا حراميه وبعدين ابقي اخدها معايا وانا. نازل ف ايه رايكم اتوكل علي الله ? وهل سعرها كده كويس ?

[Adnfalcon]

السلام عليكم
انا مغترب بالسعوديه ومعروض عليا بيجو 301 زيرو ماشيه 14 كيلو بس يعني يدوب الراجل طلعها من المعرض وركنها عند بيته السياره فئه اوتوماتيك ستاندرد مش الهاي لاين وهي سعرها هنا في التوكيل 47 الف ريال وعاملين عليها عرض في رمضان ب 44 الف والراجل اتفق معايا علي 35 الف بس وهو لسه مطلعها من اسبوع بس وهي عليها ضمان 5 سنين او مليون كيلو وانا عايزها تعيش معايا 3 او 5 سنين من غير وجع الدماغ بتاع الميكانيكيه لانهم هنا حراميه وبعدين ابقي اخدها معايا وانا. نازل ف ايه رايكم اتوكل علي الله ? وهل سعرها كده كويس ?

سعرها كويس ؟ دي بتراب الفلوس وطبعا خلص فيها بس بيعها قبل ما تنزم مصر عشان الجمارك
عيوبها تيل الفرامل عمره قصير جدا و يتغير علي 10000 او حد اقصي 12000 كم
و نتشه خفيفه عند الغيار التاني هتتعود عليها

[hamo81]

توكل على الله العربية سعرها كويس جدا
بس زي ماقال الأخ ياريت تبيعها قبل ماتنزل مصر علشان الجمارك

[memo_zezo]

المشكله هنا سوف البيجو معدوووم تقريبا وفلوس جماركها هبقي كاني اشتريتها بيها لاني اصلا استخدامي بسيط جدا يعني ممكن ف الخمس سنين متمشيش 60 الف ولو بعتها هنا بعد خمس سنين مش هتجيب حتي 10 الاف ف قولت ابقي اخدها معايا بحكم اني هبقي محافظ عليها ووقتها جماركها هتبقي فليله لانهم هيخصموا حق استخدامها 5 سنين يعني هيخصموا 30 % من جماركها

[mr.moustafa]

طيب ماهو بالجمارك برده احسن كتيير من انه يبيعها و يشتري زيها من مصر خصوصا بعد 4 سنوات هاتكون جماركها 30%
المشكلة انك ماينفعش تنزلها مصر لأنك مش المالك الأول ، بس ممكن بالفلوس تزبطها

[memo_zezo]

ايوه مانا اعرف ناس هيظبطولي قصة المالك الاول دي مش شاغله بالي

[mr.moustafa]

أنا رأيي تتوكل على الله و تستخير ربنا و تشتريها

[memo_zezo]

طيب وبخصوص مشاكلها اللي شوفتها بالمنتدي والناس اللي اشتكت منها انا بصراحه بدات اقلق منها

[memo_zezo]

شكرا ياشباب تم صرف النظر عن السياره لكثرة مشاكلها وانا عايز عربيه قليلة المشاكل اصلا

[الريس حميدو]

بالعكس السيارة لقطة توكل على الله

[memo_zezo]

بصراحه انا قلقت من موضوع السحب الضعيف مع ااتكييف وانت ععرف الجو عندنا التكييف شغال طول السنه وبالطريقه دي هتبقي مشكله معايا مش هتناسبني

[S O P H O S]

شكرا ياشباب تم صرف النظر عن السياره لكثرة مشاكلها وانا عايز عربيه قليلة المشاكل اصلا

هناك خليك فالكورولا كرأي شخصي