محتاج رأي ملاك ال٣٠١ فيها ضروري

[waleed94wel]

انا فكرت كتير لحد ما شبه استقريت على بيجو ٣٠١ أوتوماتيك فكنت محتاج رأيكم فيها بشكل عام. فياريت ملاكها شاكرين يتجاوبوا معايا و يجاوبوني على الأسئلة دي:-
١- العربية عاملة كام كم مع حضرتك؟
٢- إيه تقييمك للعربية في الثبات و سلاسة نقلاتها؟ و هل فعلاً في مشكلة في الفتيس على السرعات البطيئة؟ و لو في المشكلة اتحلت إزاي؟
٣- إيه تقييمك للتكييف و تسارع العربية معاه و العربية كاملة العدد؟ و هل حصل أي ارتفاع في الحرارة مع تشغيله خلال هذا الصيف؟
٤- لو في قطع غيار تهالكت بسرعة إيه هي و كلفتك كام؟
٥- ظهرت مشكلة عند بعض الأعضاء ان في نطة عند الفرامل من السرعات المتوسطة للسكون، فهل ده عطل فردي؟ و لو فردي في آي فئة؟ و التوكيل اتعامل معاه إزاي؟
٦- انا ساكن في ٦ أكتوبر، هل توكيل بيجو أبو رواش سيئ للغاية ولا بيتحسن مع الوقت؟
٧- إيه أفضل توكيل فيه فنيين فاهمين العربية على أعلى مستوى؟
٨- أخيراً، أيه أفضل مكان أشتريها منه؟ و كام سعر فئاتها؟ و الإنتظار قد إيه؟

آسف للإطالة بس بجد الواحد بيعتبر الناس هنا اخواته و سامحوني علي الطمع في خبراتكم و معلوماتكم القيمة اللي دائماً بتثري الحوار.
تقبلوا تحياتي.

[khaled_yehya]

متابع

[faroojj]

fffffffff

[fady saher]

1 العربية عاملة معايا 1500 كم بس انا المنيوال
2العربية سلسة جدا في النقلات مفيش مشكلة في الفتيس من وجهة نظري الموضوع كله ان على الاول و الثاني ممكن تحس ان تجميع العربية بطئ سنة خفيفة لكن بعد الثالث ماشاء الله اسد على الطريق
3التكيف ممتاز مش عايز اقوللك لو شغلته على 2 لمدة نصف ساعة هتسقع و تنزله لواحد و و تاثيره يصل الى الكنبة الخلفية بسهولة و التسارع بتاع العربية جيد جدا مع التكيف لكن لو طالع مطلع و العربية محملة ممكن تحس ان فيه تاثير على السحب لكن مش كبير.
4حتى الان المشكلة الوحيد هي التيل بس لو غيرته بنوع كويس الموضوع بينتهى و يا عالم في ناس قايلتها و انا بعمل الصيانة الى فاتت و قاللولى ان التيل قعد معاهم لحد 20و25 الف
5مشكلة النطة في الفرامل كانت مشكلة فردية ظهرت مع احد الاعضاء و التوكيل ساعتها شخص المشكلة ان العربية بها كنترول يونت واحد و مبرمجة انها تشتغل في البلاد الاوربية و الحل كان انه نزل سوفت البلاد الحارة و اتحلت المشكلة
6 مقدرش افيدك لاني متعملتش معاه
7غمرة فهو الرئيسي
8 انا حجزتها اربع اشهر مع الوكيل لكن لو مستعجل ممكن تشوفها عند سمير ريان

[abohend]

انا فكرت كتير لحد ما شبه استقريت على بيجو ٣٠١ أوتوماتيك فكنت محتاج رأيكم فيها بشكل عام. فياريت ملاكها شاكرين يتجاوبوا معايا و يجاوبوني على الأسئلة دي:-
١- العربية عاملة كام كم مع حضرتك؟
2500 كيلو في 4 شهور
٢- إيه تقييمك للعربية في الثبات و سلاسة نقلاتها؟ و هل فعلاً في مشكلة في الفتيس على السرعات البطيئة؟ و لو في المشكلة اتحلت إزاي؟
الثبات: ممتاز حتى 130
سلاسة النقلات: ممتاز (مانيوال)

٣- إيه تقييمك للتكييف و تسارع العربية معاه و العربية كاملة العدد؟ و هل حصل أي ارتفاع في الحرارة مع تشغيله خلال هذا الصيف؟
التكييف: ممتاز و بيسقع بسرعة بس شخصيا عندي عليه ملاحظات
عدم وجود هوايات خلفية بيخلي الراكب الأمامي يتلج قبل الراكب في المقصورة الخلفية ميبدأ يحس
حتى مع تغيير أنماط توزيع الهواء في شوية هواء بيعدي من الهوايات تحت الزجاج الأمامي مما يؤدي لتشبير يعيق الرؤية
الهوايات تحت كرسي السائق و الراكب الأمامي لا تعمل (مش حالة فردية)
تبدأ تحس بتأثيره على السحب لو سرعة المراوح على 3 أو 4
٤- لو في قطع غيار تهالكت بسرعة إيه هي و كلفتك كام؟
لم أختبرها شخصياً لكن مشكلة التيل الأمامي معروفة
٥- ظهرت مشكلة عند بعض الأعضاء ان في نطة عند الفرامل من السرعات المتوسطة للسكون، فهل ده عطل فردي؟ و لو فردي في آي فئة؟ و التوكيل اتعامل معاه إزاي؟
ممكن للأوتو-المانيوال مشفتش حاجة زي كده
٦- انا ساكن في ٦ أكتوبر، هل توكيل بيجو أبو رواش سيئ للغاية ولا بيتحسن مع الوقت؟
أنا من الأسكندرية
٧- إيه أفضل توكيل فيه فنيين فاهمين العربية على أعلى مستوى؟
أنا من الأسكندرية-و مفيش غير توكيل واحد في مرغم
٨- أخيراً، أيه أفضل مكان أشتريها منه؟ و كام سعر فئاتها؟ و الإنتظار قد إيه؟
أنا مبحبش أشتري من بره التوكيل عشان اللعب في العدادات و الرش بتاع المعارض-بس هتنتظر فترة مش قصيرة

آسف للإطالة بس بجد الواحد بيعتبر الناس هنا اخواته و سامحوني علي الطمع في خبراتكم و معلوماتكم القيمة اللي دائماً بتثري الحوار.
تقبلوا تحياتي.

[fady saher]

نسيت اقوللك العربية ثابتها جيد جدا انا جبت بيها 160 بصراحة محستش انى على السرعة ديه الا لما بصت في العداد نظام التعليق ورا و قدام تورشم بيم لكن لو كانت اتعملت ورا مالتى لينك كان الثبات هيبقى احسن من كده
بصراحة العربية لغاية دلوقت صفقة رابحة و اتمنى ان اكود افدتك

[mahmed0100]

انا فكرت كتير لحد ما شبه استقريت على بيجو ٣٠١ أوتوماتيك فكنت محتاج رأيكم فيها بشكل عام. فياريت ملاكها شاكرين يتجاوبوا معايا و يجاوبوني على الأسئلة دي:-
١- العربية عاملة كام كم مع حضرتك؟

7200 كيلو اوتو هاى لاين

٢- إيه تقييمك للعربية في الثبات و سلاسة نقلاتها؟ و هل فعلاً في مشكلة في الفتيس على السرعات البطيئة؟ و لو في المشكلة اتحلت إزاي؟

الثبات ممتاز لحد 160 متحكم فيها .. 140 مطمن .. 120 عايزه تجري شويه .. 100 العربيه تحس ان العداد غلطان كانك ماشي 70 مش 100
الفتيس عايز تفهمه شويه و مش حاجه معقده بتحس بالنقله من الاول للتانى لكن لما بتفتح 3 و 4 مش محسوس

٣- إيه تقييمك للتكييف و تسارع العربية معاه و العربية كاملة العدد؟ و هل حصل أي ارتفاع في الحرارة مع تشغيله خلال هذا الصيف؟

التكييف جيد جدا .. تسارع العربيه مع التكييف .. الاستجابه بتتاخر لكن التسارع هو هو .. محصلش مشكله فى الحر حتى لما وصلت الحراره فى يوم 49

٤- لو في قطع غيار تهالكت بسرعة إيه هي و كلفتك كام؟
٥- ظهرت مشكلة عند بعض الأعضاء ان في نطة عند الفرامل من السرعات المتوسطة للسكون، فهل ده عطل فردي؟ و لو فردي في آي فئة؟ و التوكيل اتعامل معاه إزاي؟

ده بقى فهم الفتيس اللى قلنا عليه .. بشكل عام هو فتيس 4 سرعات تيب ترونيك .. و العربيه فيها خاصيه engin break يعنى بتسقط غيارات و انت بتفرمل

٦- انا ساكن في ٦ أكتوبر، هل توكيل بيجو أبو رواش سيئ للغاية ولا بيتحسن مع الوقت؟

فى ناس راحت الفرع قريب و قالوا ان الامور كويسه

٧- إيه أفضل توكيل فيه فنيين فاهمين العربية على أعلى مستوى؟

غمره هو الرئيسي

٨- أخيراً، أيه أفضل مكان أشتريها منه؟ و كام سعر فئاتها؟ و الإنتظار قد إيه؟
من التوكيل نفسه انتظار 3 شهور تقريبا بس تكون مطمن .. الهاى لاين 138.500
آسف للإطالة بس بجد الواحد بيعتبر الناس هنا اخواته و سامحوني علي الطمع في خبراتكم و معلوماتكم القيمة اللي دائماً بتثري الحوار.
تقبلوا تحياتي.

[waleed94wel]

1 العربية عاملة معايا 1500 كم بس انا المنيوال
2العربية سلسة جدا في النقلات مفيش مشكلة في الفتيس من وجهة نظري الموضوع كله ان على الاول و الثاني ممكن تحس ان تجميع العربية بطئ سنة خفيفة لكن بعد الثالث ماشاء الله اسد على الطريق
3التكيف ممتاز مش عايز اقوللك لو شغلته على 2 لمدة نصف ساعة هتسقع و تنزله لواحد و و تاثيره يصل الى الكنبة الخلفية بسهولة و التسارع بتاع العربية جيد جدا مع التكيف لكن لو طالع مطلع و العربية محملة ممكن تحس ان فيه تاثير على السحب لكن مش كبير.
4حتى الان المشكلة الوحيد هي التيل بس لو غيرته بنوع كويس الموضوع بينتهى و يا عالم في ناس قايلتها و انا بعمل الصيانة الى فاتت و قاللولى ان التيل قعد معاهم لحد 20و25 الف
5مشكلة النطة في الفرامل كانت مشكلة فردية ظهرت مع احد الاعضاء و التوكيل ساعتها شخص المشكلة ان العربية بها كنترول يونت واحد و مبرمجة انها تشتغل في البلاد الاوربية و الحل كان انه نزل سوفت البلاد الحارة و اتحلت المشكلة
6 مقدرش افيدك لاني متعملتش معاه
7غمرة فهو الرئيسي
8 انا حجزتها اربع اشهر مع الوكيل لكن لو مستعجل ممكن تشوفها عند سمير ريان

شكراً للرد الواضح و أتمنى تكون مشكلة فردية و تم حلها بالفعل لأني عايز أجيب الأوتوماتيك

[waleed94wel]

نسيت اقوللك العربية ثابتها جيد جدا انا جبت بيها 160 بصراحة محستش انى على السرعة ديه الا لما بصت في العداد نظام التعليق ورا و قدام تورشم بيم لكن لو كانت اتعملت ورا مالتى لينك كان الثبات هيبقى احسن من كده
بصراحة العربية لغاية دلوقت صفقة رابحة و اتمنى ان اكود افدتك

بالتأكيد حضرتك افدتني، و ربنا يباركلك فيها و يكفيك شرها

[waleed94wel]

abohend شكراً للرد و توضيح حالة التكييف بالتفصيل يا ريت لو حد التكييف عنده في نفس العيب ده يعرفنا

[waleed94wel]

شكراً أستاذ محمد للرد و توضيح ثبات العربية على السرعات بالتفصيل. أتمنى حضرتك توضحلنا طريقة التعامل مع الفتيس الأوتوماتيك في النتشة من الأول للتاني و أيضاً التعامل مع النطة اللي سببها تسقيط النقلات لأن اللي بسمعه عن الفتيس قلقني جداً

[mahmed0100]

شكراً أستاذ محمد للرد و توضيح ثبات العربية على السرعات بالتفصيل. أتمنى حضرتك توضحلنا طريقة التعامل مع الفتيس الأوتوماتيك في النتشة من الأول للتاني و أيضاً التعامل مع النطة اللي سببها تسقيط النقلات لأن اللي بسمعه عن الفتيس قلقني جداً

مفيش قلق و لا حاجه

اقرا الموضوع ده يا باشا حيفيدك كتير و يوضح ليك الفتيس اكتر

http://www.nilemotors.net/Nile/387106-301-2.html

[mahmed0100]

و خد معاك الموضوع ده كمان يا باشا :)
رزقك حلو ههههه

http://www.nilemotors.net/Nile/383909-a.html

[waleed94wel]

مفيش قلق و لا حاجه

اقرا الموضوع ده يا باشا حيفيدك كتير و يوضح ليك الفتيس اكتر

http://www.nilemotors.net/nile/387106-301-2.html

موضوع ممتاز، شكراً للإهتمام

[waleed94wel]

و خد معاك الموضوع ده كمان يا باشا :)
رزقك حلو ههههه

http://www.nilemotors.net/nile/383909-a.html

في الحقيقة شرح الأستاذ أحمد أمين أكثر من رائع. الف شكر يا باشا تعبتك معايا و ممكن اتعبك تاني على الخاص الفترة الجاية استحملني بقى :)