يا اهل بيجو 206 .. افيييددوونننىىى

[smora]

السلام عليكم جميعا
انا بنت وأول مره ادخل منتدى عربيات واسأل فيه فأرجوكوا افيدونى قدر الإمكان

عايزه اشترى عربيه في حدود 35000 ماكس 40 الف وعجبانى البيجو 206 اوى

أولا : هل ممكن الاقيها بسعر فالحدود دى ؟
ثانيا : انا هتعلم فيها السواقه فهل هي عربيه اهل لكده ولا لأ؟ هتخدمنى وتستحملنى يعنى ولا افكر في حاجه تانيه؟
ثالثا: بالنسبه لاسعار صيانتها وقطع غيارها ايه ظروفهم وفى حدود كام؟
رابعا: ايه اللى المفروض اخد بالى منه اوى وانا بجيبها؟
خامسا: لو مش في منها بالسعر دا ممكن اجيب ايه فالمرحله د بالسعر دا وميكونش اصغر منها فالحجم ولا اقل منها فالشكل يعنى عايزه حاجه شكلها شيك بردو ومتكونش موديل اقل من سنة 2000 ... ولا انفض وابص للاكسنت احسن ؟؟

اسفه للاطاله وارجو تستحملونى لأنى محتاجه اخد قرار واشترى في اسرع وقت
شكرا

[smora]

ايه الصحرا دى :\

[Mr Rami]

بيجو 206 اسوأ سيارة في العالم
انصحك بشراء اما اوبل كورسا او فولكس فاجن بولو

[HOSSAM99]

و عليكم السلام و رحمة الله و بركاته
طالما العربيه ها تتعلمي عليها يبقي لازم تعتمدي علي حد فاهم عربيات هو اللي ينقي العربيه و يفحصها علشان تكون عربيه حالتها حلوة و تكشفي عليها في أي مركز معتمد بيجو و يفضل التوكيل (الكشف بـ270)
متاخديش أي عربيه يطلع في الكشف مشكلة في الكهربا (كونترول يونت و ضفيره)
العربيه تستحمل التعليم جدا جدا جدا ... عربيه قوية و قطع غيارها بسيطه و رخيصة
أظن موضوع السعر ده هايبقي 35 قليل شوية لازم تزودي علشان تجيبي عربية حالتها جيده
للعلم هي أنسب و أشيك من الأكسنت للبنات و أقوي و ثباتها أعلي و فراملها أفضل بكتير
بالتوفيق

[HOSSAM99]

بيجو 206 اسوأ سيارة في العالم
انصحك بشراء اما اوبل كورسا او فولكس فاجن بولو

يا فاندم الوضع عند حضرتك غير مصر
ممكن ميكونش عندك اللي بيفهم في العربيه أو قطع غيار قليله
عندنا في مصر ميكانيكية بيجو و مراكز خدمة و فروع توكيل كتير غير قطع الغيار في كل مكان
الموديل ده قطع غياره أرخص من الأكسنت أصلاً
و طبعا ككماليات و وسائل أمان و ثبات أحسن من الكورسا 100 مره

[smora]

و عليكم السلام و رحمة الله و بركاته
طالما العربيه ها تتعلمي عليها يبقي لازم تعتمدي علي حد فاهم عربيات هو اللي ينقي العربيه و يفحصها علشان تكون عربيه حالتها حلوة و تكشفي عليها في أي مركز معتمد بيجو و يفضل التوكيل (الكشف بـ270)
متاخديش أي عربيه يطلع في الكشف مشكلة في الكهربا (كونترول يونت و ضفيره)
العربيه تستحمل التعليم جدا جدا جدا ... عربيه قوية و قطع غيارها بسيطه و رخيصة
أظن موضوع السعر ده هايبقي 35 قليل شوية لازم تزودي علشان تجيبي عربية حالتها جيده
للعلم هي أنسب و أشيك من الأكسنت للبنات و أقوي و ثباتها أعلي و فراملها أفضل بكتير
بالتوفيق

بشكرك جدا جدا جدا وريحتنى واديتنى امل وخلتنى اخد القرار فعلا
وربنا يكرمنى والاقى واحده حلوه فى اسرع وقت (:

[smora]

بردو محتاجه اراء مستخدميها يا جماعه

[smora]

يا فاندم الوضع عند حضرتك غير مصر
ممكن ميكونش عندك اللي بيفهم في العربيه أو قطع غيار قليله
عندنا في مصر ميكانيكية بيجو و مراكز خدمة و فروع توكيل كتير غير قطع الغيار في كل مكان
الموديل ده قطع غياره أرخص من الأكسنت أصلاً
و طبعا ككماليات و وسائل أمان و ثبات أحسن من الكورسا 100 مره

طيب بردو محتاجه اعرف اتفرج فين يعنى هل فى معارض مستعمل موثوق فيها اروحها ولا عادى من اى حته حتى لو نت؟

وكمان محتاجه اعرف هل هتحتاج مصاريف تانيه بعد ما اجيبها زى مصاريف نقل ملكيه وترخيص وحاجات من دى ولا ايه ؟

[waleedabbas]

بيجو 206 عربية محترمة جدا جدااا ومن احسن العرببات في فئتها و اخدت لقب سيارة العام في اوروبا سنة 2000 و 2001
اما في مصر فهي ناجحة جدا وقطع غيارها متوفرة و اسعارها معقولة جدا والعربية دي بالذات من انجح عربيات بيجو و طبعا تستحمل التعليم والمشاوير الكتير و السفر و كمان اقتصادية في البنزين
بالنسبة للسعر 40 الف يجيبوا 206 معقولة وان شاء الله تلاقي حالة كويسة بس المهم الكشف عليها عند مركز صيانة معتمد مختص بيجو

[HOSSAM99]

طيب بردو محتاجه اعرف اتفرج فين يعنى هل فى معارض مستعمل موثوق فيها اروحها ولا عادى من اى حته حتى لو نت؟

وكمان محتاجه اعرف هل هتحتاج مصاريف تانيه بعد ما اجيبها زى مصاريف نقل ملكيه وترخيص وحاجات من دى ولا ايه ؟

حاولي تشوفي إعلانات علي النت و أهم الشروط في العربيه إنها تكون بإسم البائع و الموافقة علي الكشف في التوكيل
و قبل الكشف تخلي حد بيفهم في العربيات (بيفهم مش بيدعي الفهم) يتفرج علي العربيه و متكونش محتاجة مصاريف ظاهريا أكصدامات و فوانيس سليمة و صالون سليم و كماليات تعمل بكفائة و الموتور داير بإنتظام و مفيش أصوات من العفشة بعد كده تطلعي علي التوكيل تكشفي و تاخدي تقرير ... متاخديش العربيه دي لو محتاجة عمرة موتور أو محتاجة ضفيرة جديده أو فيه سلوك مقطعة في الضفيرة
غير كده توكلي علي الله
لو محتاجة صيانة هاتعملي صيانة كاملة في حدود 1300 جنيه (صيانة لكل أجزاءها المستهلكه)
لو هاتسجلي و ترخصي سنه هايبقي 1000 جنيه كمان
يعني لازم يبقي فيه 3000 جنيه أحتياطي خارج فلوس العربيه
بالتوفيق

[road_master]

بصي هيا العربية معايا من ٢٠٠٢ وكنت جايبها زيرو
ولحد النهاردة مش بافكر ابعها من اصله
اي حاجة عايزاها هتلاقيها ف اهم مواضيع القسم ( فوق خالص ف الصفحة الرئيسية لبيجو)
اعتمادية جدا وحمالة أسية
استخيري ربنا وتوكلي علي الله

[MohamedElSebae]

بصي هيا العربية معايا من ٢٠٠٢ وكنت جايبها زيرو
ولحد النهاردة مش بافكر ابعها من اصله
اي حاجة عايزاها هتلاقيها ف اهم مواضيع القسم ( فوق خالص ف الصفحة الرئيسية لبيجو)
اعتمادية جدا وحمالة أسية
استخيري ربنا وتوكلي علي الله

تحياتى استاذ road_master
لو تسمح تدينا ملخص كدة عن تاريخ ال206 معاك واهم مميزاتها وعيوبها وتوافر قطع غيارها واسعارها ومصاريفها عاملة ايه عموما..لأنى لسة فى جامعة ومش بشتغل فا مش عايز حاجة تاخد منى وقت وفلوس كتير
-كمان في نقطة تانية .. ليه العربيات البيجو المستعملة عموما بتكون حالتها اما طالع عينها وماشية زى الكارو او بتكون شكلها بحالة الزيرو؟؟
عفوا للإطالة عليكم

[road_master]

تحياتى استاذ road_master
لو تسمح تدينا ملخص كدة عن تاريخ ال206 معاك واهم مميزاتها وعيوبها وتوافر قطع غيارها واسعارها ومصاريفها عاملة ايه عموما..لأنى لسة فى جامعة ومش بشتغل فا مش عايز حاجة تاخد منى وقت وفلوس كتير
-كمان في نقطة تانية .. ليه العربيات البيجو المستعملة عموما بتكون حالتها اما طالع عينها وماشية زى الكارو او بتكون شكلها بحالة الزيرو؟؟
عفوا للإطالة عليكم

آسف لعدم الرد لاني كنت مشغول الفترة اللي فاتت شوية
العربية ع العموم هايلة
أعطالها قليلة جدا
مصاريفها دي تفرق علي حسب حالة العربية
ف الغالب هتبقي مصاريف صيانة زيت و فلاتر و تيل
اما باقي الحاجات زي العفشة والموتور فبيبقي حسب الاستهلاك والطريق اللي بتمشي فيه
قطع غيارها موجودة ف كل حتة و صعب ان حاجة تدوخك علي ماتلاقيها
مشكلتها ف الميكانيكية بتوعها
متخليش حد يمد ايده عليها الا لو صنايعي بيجو عشان متبهدلكش
اما موضوع الكارو ده فبيبقي لان اللي سايقها حمار لامؤاخذة
تاني حاجة انها فعلا حمالة أسية