صيانة الـ 10000 للـ 301 و تغير الزيت لنوع جديد

[mmkamalh]

يا شباب ان شاء الله يوم الحد اللى جاى رايح اعمل صيانة العشرتلاف... و ناوى اغير لزيت shell helix ultra PurePlus الجديد هو تخليقى 100% و دورت لقيت الـ PurePlus technology من احدث الاضافات اللى شيل سجلت فيها برائة اختراع جديدة..
ازوجة الزيت 5w-40 و اعتقد ده مناسب للعربية و للجو اللى احنا فيه... انا اشتاريت الزيت من موزع معتمد لزيوت شيل بـ 335 جنية و عرفت ان توتال اشترت فقط المحطات من شيل لكن الزيوت هتفضل موجودة عند الموزعين المعتمدين....
ادعولى توكيا غمرة يقبل يغير لشيل الجديد من غير رخامة ولا خناق...
لو عندكوا نصايح اهلا وسهلا قبل ماروح يوم الحد..
محمد كمال

[khaled_yehya]

بالتوفيق والف مبروك مقدما على الصيانة
وابقى قولنا عملت ايه فى تغير الزيت

[akmm]

الف مبروك ............. ولكن زيوت شل خاصه التخليقى مازالت بالسعر السابق لها وهو 300 جنيه

[mmkamalh]

الف مبروك ............. ولكن زيوت شل خاصه التخليقى مازالت بالسعر السابق لها وهو 300 جنيه

الجديد "PurePlus" بـ 325 جنيه.. خد باللك لازم يبقى مكتوب على الجيركن "PurePlus" لو مش مكتوب يبقى الزيت القديم..

[د.عماد صلاح]

ممكن تدينا رقم او عنوان الموزع

[mmkamalh]

ممكن تدينا رقم او عنوان الموزع

shell customer services: 27557555
الموزع المعتمد اللى اشتاريت منه:
الاستاذ "وجود" .... ايوه هو ده اسمه : 01145508662
عنوانه شارع 298 رقم 17 بجوار الهيئة العامة للبترول - المعادى..

[mmkamalh]

بالتوفيق والف مبروك مقدما على الصيانة
وابقى قولنا عملت ايه فى تغير الزيت

الف شكر يا خالد... اكيد ان شاء الله هحيلكوا على التفاصيل..

[akmm]

الجديد "pureplus" بـ 325 جنيه.. خد باللك لازم يبقى مكتوب على الجيركن "pureplus" لو مش مكتوب يبقى الزيت القديم..

تم الاتصال بموزع منطقه المعادى ............ وكلام حضرتك صحيح وبانه تم تغيير العبوه القديمه بالجديده ومحسنه من المحتوى من الزيت وده كلامه وتمن الجركن 4 لتر 325 جنيه وسيتم فتح محلات توزيع للزيت بكل المناطق ومنها المعادى بشارع النصر .

[khaled_yehya]

يا ريت لو حد يعرف عنوان موزع معتمد بالاسكندرية ..

[fourseasons]

يا ريت لو حد يعرف عنوان موزع معتمد بالاسكندرية ..

سعيد امبابى فى محطة مصر بعد العصافيرى تانى شارع يمين من الترام شارع محرم بك ال رايح على الرصافة .ده ال شركة شيل مصر دلونى عليه و اشتريت منه زيت شيل الترا هيلكس.وفى موضوع ليا كاتبه حتلاقى فى شوية تفاصيل

[faroojj]

متابع

[khaled_yehya]

سعيد امبابى فى محطة مصر بعد العصافيرى تانى شارع يمين من الترام شارع محرم بك ال رايح على الرصافة .ده ال شركة شيل مصر دلونى عليه و اشتريت منه زيت شيل الترا هيلكس.وفى موضوع ليا كاتبه حتلاقى فى شوية تفاصيل

يا ريت رابط الموضوع اللى انت كتبته وجزاك الله خيرا

[hany63]

سؤال بعد اذنك
هل التوكيل بيقبل انك تحط الزيت اللي على مزاجك ؟
و خصوصا ان العربيه لسه في الضمان

[Hema_Basha]

يا جماعة عادي التوكيل بيقبل الزيت اللي انت جايبه عادي جدا بس اللزوجة لازم تكون مناسبة
وبيتكتب في امر الشغل العميل احضر معاه الزيت
انا فعلا لسه مغير شيل في صيانة 30 الف في فرع غمرة
والنتيجة فرق شاسع بينه وبين موبيل في كل حاجة

[mohamed hussei]

متابع اداء العربية بعد تغير الزيت