حيرة الاختيااار ..حد يساعدنى

[mohamed rabea]

السلام عليكم و رحمة الله

دلوقتى انا المفروض انى خلاص رايح اجيب البيجو 301 بس فى ناس بتلعب فى دماغى جامد و ابتاديت احتار و فكر تانى و عاوز مساعدتكم ..
بحاول اختار دلوقتى بين 3 عربيات هما
بيجو 301 .....كيا ريو......هيونداى اكسنت Rb

معلش هتعبكم .. ياريت السبب كمان

[adel_edrees]

أنت بتقارن أيه ياعمنا أنا فاكرك بتقول حتقارن بيجو 301 بالكلام ده أولا الأر بى ضيقة من ورا جدا ثانيا تدفع 135 ألف في عربية أكسنت لو مش مقتنع بالبيجو هات رينو فلوانس أو مازدا 3 الجديدة أو السيراتو الجديدة أول فئة أوتوماتيك أه بالنسبة للكيا ريو موتور 1400 سي سي بأحس أنى حرام أدفع فيها مبلغ كبير يعدى ال 100 ألف فيها المهم أن في عربيات كتير ممكن تجيب أول فئة منها أوتوماتيك ده لو أنت مش مقتنع بالبيجو 301

[abohend]

الريو مش وحشة

الريو مش وحشة بس عشان تتركب يبقى لازم أعلى فئة
و كده هيظهر الشارك و غيرها في المنافسة

ال301 اﻷفضل في رأيي في فئتها
الأكسنت زي الزملاء وضحوا ضيقة و خامات التقفيل تعبانة و عربية خفيفة
لكن لو كل همك سهولة الصيانة و سعر إعادة البيع يبقى هات الأكسنت و أمرك إلى الله

لكن ركوبة ....ال301 اﻷفضل لحد 140 ألف