المرايا اتكسرت

[م أحمد]

مراية الصالون فى ال406 خرجت برة الكورة بتاعتها
مش عارف بتنفع تدخل جوة المنيم بتاعها تانى و لا لازم مرايا جديدة كاملة
المرايا عبارة عن قاعدة فيها حساساس المطر مثبتة على الزجاج و خارج من هذه القاعدة كرة صغيرة داخلة جوة تجويف فى جسم المرايا

[amdd]

ممكن صورة للوضع

[aymanshebl]

ممكن تدخل بس عايزة واحد شاطر و حذر

[م أحمد]

http://nileup.com/up/uploads/nilemotors_14096701171.jpg

الجزء المكسور هو قاعدة البلية الموجود على اليسار

سألت فى التوكيل مش موجودة و ب 1300 جنيه
دخت فى الحرفيين كل اللى موجود مرايات مش كهربا م اعدا الرضا كان عنده واحدة مدشدشة ب 150 جنيه

[م أحمد]

بصراحة يا جماعة مش عارف اشكركم ازاى !!
90 مشاهدة مرة واحدة و يظهر حاصل ضغط على الموضوع فالناس مش ملاحقة تكتب فيه و السيرفر بيقع !!!

الحمد لله قعدت مع خراط مخضرم (الاول قال ما ينفعش) و اقنعته نعمل قاعدة جديدة مشحوطة فى المتبقى من القديمة و بضوافر جديدة بدل المكسورة
عملها بعد مرة تجربة و خد خمسين جنيه

[abohend]

مش فاهمك

بصراحة يا جماعة مش عارف اشكركم ازاى !!
90 مشاهدة مرة واحدة و يظهر حاصل ضغط على الموضوع فالناس مش ملاحقة تكتب فيه و السيرفر بيقع !!!

الحمد لله قعدت مع خراط مخضرم (الاول قال ما ينفعش) و اقنعته نعمل قاعدة جديدة مشحوطة فى المتبقى من القديمة و بضوافر جديدة بدل المكسورة
عملها بعد مرة تجربة و خد خمسين جنيه

انت عايز الناس تفتي!!!
لو حد يقدر يفيدك كان شارك
الناس دخلت عشان تحاول تفيد او تستفيد
و الواضح محدش كان عنده اجابة على سؤالك...ايه المطلوب
عايز مشاركات من عينة ربنا يوفقك
مش فاهم بصراحة

[م أحمد]

الحمد لله ربنا وفقنى للحل دا لانى استشرت ناس لا علاقة لها بهذه الموضوعات بس كل ما هنالك بتشغل دماغها لحل المشكلات

و دا سبب عرضى للموضوع ، اى حد كان عنده فكرة منطقية كان ممكن اطبقها

على سبيل المثال زميل اقترح غلع غطاء المرايا الخلفى بقاعدته السليمة و تثبيته فى المرايا الجديدة بس الفكرة مش مضمونة لان نصفى المرايا شبه ملحومين بدون كلبسات و صعب فكهم و الا تعرضو للكسر

مش لازم حتى يعرض فكرة ، لو يعرف حد متوفرة عنده يقول عليه لان زى ما قلت قبل كدة مش متوفرة حاليا فى التوكيل و لا فى الحرفيين لانها كهربا

و اضعف الايمان لو مش هيساعد غيره يدعيله يقول له ربنا يوفقك "لان الدعاء شىء قيم جدا لا يستهان به"

[almohaor]

الف مبروك
الحمد لله اتحلت المشكلة والكل عرف معلومة وفكرة جديدة

[makarther]

ألف مبروك إن المشكلة إتحلت
الحمدلله إنك عرفت تحلها و ربنا وفقك فى حد شاطر و شغلت تفكيرك مع حرقته
رب يحفظلك سيارتك من كل سوء

[SYD]

الف مبروك حل مشكلتك
ربنا بيوقفلك ولاد الحلال عشان انت انسان مخلص وابن حلال وبتحب تساعد الغير

تحياتي