استفسار بخصوص تغييير لمبة الاضواء النهاريه بيجو ٥٠٨

[horas3000]

بجد مش عارف اقول لك ايه زي ما حضرتك اتصدمت في اني كبير انا برضه اتصطدمت انك كبير قوي بس في مقامك
ربنا يخليك و شاكر تعبك و برضه اعمل حسابك نتقابل الا بقى لو منبهيين عليك ما تصاحبش الاكبر منك
بس انا يمكن كبير شويه بس لسه شقي ههههههه
انا على العموم غاوي تصوير و بعت ليك صوره على الفيس و لو انت غاوي الموضوع تحت امرك في اي حاجه
مع العلم اني لسه متعلم من اقل من سنتين اظن السن اهو لسه شغال
تحياتي ليك و شاكر افضالك

العفو يا باشا
و مش قصدي حاجه
بس طريقه كتابه حضرتك و حتي صوتك في التلفون لم يوحي بسن حضرتك خالص
و طبعا يزيدني شرف مقابله حضرتك و انا عند وعدي و بينا تلفون ان شاء الله
و هي الشقاوه دي اللي لخبطتني بقي :)

و وصل لي التاج فعلا و انا كنت غاوي حوار التصوير ده في صبايا و خصوصا الفيديو و كنت متعهد تصوير افراح العيله و يمكن ده اللي كرهني في الموضوع ههههه
بس بعد كده فقدت الاهتمام و توجهت لحاجات تانيه

والعفو و انا تحت امرك في اي استفسار تاني
و البركه في عم جوجل :)

[hany63]

العفو يا باشا
و مش قصدي حاجه
بس طريقه كتابه حضرتك و حتي صوتك في التلفون لم يوحي بسن حضرتك خالص
و طبعا يزيدني شرف مقابله حضرتك و انا عند وعدي و بينا تلفون ان شاء الله
و هي الشقاوه دي اللي لخبطتني بقي :)

و وصل لي التاج فعلا و انا كنت غاوي حوار التصوير ده في صبايا و خصوصا الفيديو و كنت متعهد تصوير افراح العيله و يمكن ده اللي كرهني في الموضوع ههههه
بس بعد كده فقدت الاهتمام و توجهت لحاجات تانيه

والعفو و انا تحت امرك في اي استفسار تاني
و البركه في عم جوجل :)

مهو ٢٨ سنه ونص ميعتبرش كبير قوي ههههه
فكرتني لما دخلت موضوع التصوير واشتركت في جروب على النت و طبعا كله شباب صغير بنات و اولاد المهم كله بيتعامل بدون تكليف قوم جه واحد حب يوقرني شويه راح رازع كومنت و كان بيرد على بنت و قال استاذ هاني من سن والدي قمت رادد عليه الف شكر اديك طيرت المعجبات
يللا الحمدلله ان نايل موتورز مفيهوش معجبات كان زمانهم حصلوا اللي قبلهم بسببك ههههههههه

[ashouhdy]

هو اية لازمة ال drl اصلا !

انا شايفة سيئ لية بقي

3/4 العربيات السبورتاج اللى ماشية قافلين نور التابلوة بالليل فال drl شغال بكل قوتة و بشع بشع للي جي في المقابل

[horas3000]

هو اية لازمة ال drl اصلا !

انا شايفة سيئ لية بقي

3/4 العربيات السبورتاج اللى ماشية قافلين نور التابلوة بالليل فال drl شغال بكل قوتة و بشع بشع للي جي في المقابل

لازمته انه بيخلي العربيه ظاهر من مدي ابعد و تلفت نظرك في المرايات اسرع

و السبورتاج و امثالها اصحابها بيعملوا كده لان نور العدادات عندهم شغال علي طول فهو بيكسل او بينسي يفتح النور لان كده كده مش فارق معاه و شايف العدادت
و عموما ده مش ذنب المصنعين ان الناس بتستهبل :)
هما عاملينه صح و المفروض بيحصل له dimming لما تفتح النور

[eleanor]

الاستاذ حورس بارك الله فيه جاب الحل وهو تغير الفانوس كله وده افضل حل
وممكن يا استذ هانى تجيبه من e bay عن طريق موقع edfa3ly وهيوصلك لحد البيت
انا جبت منهم النيكل بتاع الديفيوزر الامامى والنيكل بتاع عتب الابواب والفوانيس الخلفيه
وهاتلاقى اسعار كتير وموقع مضمون عن تجربه
بس انا وجهة نظرى تسيبها زى ماهى علشان مايبقاش نور اصفر وابيض مع بعض فى العربيه
وطبعا الامر راجع لحضرتك
وتحت امر حضرتك يا استاذ هانى فى اى وقت ماتتردش

[م أحمد]

الاستاذ حورس بارك الله فيه جاب الحل وهو تغير الفانوس كله وده افضل حل
وممكن يا استذ هانى تجيبه من e bay عن طريق موقع edfa3ly وهيوصلك لحد البيت
انا جبت منهم النيكل بتاع الديفيوزر الامامى والنيكل بتاع عتب الابواب والفوانيس الخلفيه
وهاتلاقى اسعار كتير وموقع مضمون عن تجربه
بس انا وجهة نظرى تسيبها زى ماهى علشان مايبقاش نور اصفر وابيض مع بعض فى العربيه
وطبعا الامر راجع لحضرتك
وتحت امر حضرتك يا استاذ هانى فى اى وقت ماتتردش

أنا بجيب حاجت كتير من غير ما عدى على ادفعلى

فقط بكتب عنوانى للبائع فى ebay و بيجيلى اخطار على مكتب البريد باستلام الحاجة و بروح ادفع جماركها و شوية مصاريف و استلم الحاجة

لو حاجة خايف عليها ممكن عن طريق ادفعلى و يبقو هما الضامنين

[hany63]

أنا بجيب حاجت كتير من غير ما عدى على ادفعلى

فقط بكتب عنوانى للبائع فى ebay و بيجيلى اخطار على مكتب البريد باستلام الحاجة و بروح ادفع جماركها و شوية مصاريف و استلم الحاجة

لو حاجة خايف عليها ممكن عن طريق ادفعلى و يبقو هما الضامنين

هوا عيب مكتب البريد ان المده بتوصل لشهر عشان الشحنه بتفضل في مكتب رمسيس لوحده اسبوعين لتقدير الرسوم ( شفت الحلاوه ) و عيبهم انك ما تقدرش تعترض و تخفض حتى لو غلطوا في التقدير الجمركي هيبقى موال
ميزة ادفعلي ان اسبوع او ١٠ ايام بالكتير و الحاجه توصل و هما ضامنين و عندهم المخلصين بتوعهم و ساعات على فكره بيتلاعب انه بيجيب الحاجه على انها مستعمله او هديه او بقيمه اقل و الفرق ده كله رايحله و انا متاءكد من كده عشان مره اشتريت ساعه لقيتهم جايبنها في كيس بدل العلبه و ده بالاضافه للعموله و ساعات بيضيف شحن داخلي رغم ان بيبقى مكتوب شحن مجاني داخل امريكا