محتاار جدا بين بيجو 508 و bmw 320i 2010

[sedawyhosam]

يا جماعه انا محتار جدا اجيب بيجو 508 كسر زيرو 2013 عامله حوالي 20000 كيلو ولا بي ام 320 2010 عامله 60000 كيلو ..
خايف من مصاريف صيانة ال 320 ولكن قلبي معها اعمل ايه...

[hany63]

حضرتك لو هتجيب ال ٥٠٨ هيبقى قلبك و عقلك معاها

[ENG.MaRk]

508 أحلي و أوسع و موتورها كويس و أسعار صيانتها معقولة شوية عن ال320 و بصراحة عربية لا غبار عليها و أقل ما يقال عنها الوحش الفرنسي

[ahmed khaled*]

حضرتك انا معاك ان 320 جمدة جدا بس اقل حاجة تتال عن 508 انها وهمية بالنسبة لسعرها و صيانتها و كماليتها و حجمها من جوا مش عارف جيبينو منينو ماتورها تحفة
حاجا كدا وحش

[sedawyhosam]

الف شكر يا جماعه..
شكلها بيجو بس عندي سؤال هو فيه اي هزه او رجه ظهرت في الموديل ده لأني متعقد من الفرنساوي لهذا السبب..
معلش سؤال تاني هو فيه فرق بين موديل 2013 و 2014 و 2015..ولا كله زي بعضه..
وجزاكم الله خيرا..

[hany63]

بص هيا كوكتيل غريب شويه
شياكه و نعومه و رشاقه فرنساوي
الموتور انتاج مشترك ما بين بيجو و بي ام و سمعت الفيس ليفت نازل بموتور الميني كوبر
الفتيس بقى اللي غريب واخد مزايا الفتيس الدوال كلتش في موضوع التسارع و انك ما بتحسش بالنقلات غير مثلا فتايس الاوكتافيا الشكل القديم و تحسه زكي بيفهمك و في الزحمه بيفضل على نفس الاداء ولا رجه ولا حاجه شكله معمول بمزاج و مكتوب في الكتالوج انه سيستم بورش
من الاخر شياكة ورشاقة الفرنساوي و قوة الالماني

[hany63]

بص هيا كوكتيل غريب شويه
شياكه و نعومه و رشاقه فرنساوي
الموتور انتاج مشترك ما بين بيجو و بي ام و سمعت الفيس ليفت نازل بموتور الميني كوبر
الفتيس بقى اللي غريب واخد مزايا الفتيس الدوال كلتش في موضوع التسارع و انك ما بتحسش بالنقلات غير مثلا فتايس الاوكتافيا الشكل القديم و تحسه زكي بيفهمك و في الزحمه بيفضل على نفس الاداء ولا رجه ولا حاجه شكله معمول بمزاج و مكتوب في الكتالوج انه سيستم بورش
من الاخر شياكة ورشاقة الفرنساوي و قوة الالماني

[Elaven]

روح اكتب الموضوع دة في قسم البي ام
وانت تسمع احلي كلام

[hany63]

روح اكتب الموضوع دة في قسم البي ام
وانت تسمع احلي كلام

طبعا عندك حق و خصوصا اننا شعب مش موضوعي يعني يا يطلع بحاجه فاشله السما و يخفس لك بحاجه ممتازه الارض لاسباب عديده لا داعي لذكرها
و لو نتكلم بحياديه كلامك مظبوط لو بقارن عربيتين زيرو و البي ام لا غبار عليها بس انا شايف ان البيجو تتفوق في حتة القيمه مقابل المال لو سلمنا باءن البي ام احسن
انما لو حضرتك معاك ربع مليون هتحيب بي ام فئه تالته موديل قديم ولا تجيب بيهم عربيه زيرو
اعتقد انك هتفكر كتير رغم حبك للبي ام

[Elaven]

طبعا عندك حق و خصوصا اننا شعب مش موضوعي يعني يا يطلع بحاجه فاشله السما و يخفس لك بحاجه ممتازه الارض لاسباب عديده لا داعي لذكرها
و لو نتكلم بحياديه كلامك مظبوط لو بقارن عربيتين زيرو و البي ام لا غبار عليها بس انا شايف ان البيجو تتفوق في حتة القيمه مقابل المال لو سلمنا باءن البي ام احسن
انما لو حضرتك معاك ربع مليون هتحيب بي ام فئه تالته موديل قديم ولا تجيب بيهم عربيه زيرو
اعتقد انك هتفكر كتير رغم حبك للبي ام

كلام مظبوط جدااااااااا
انا بعشق البي ام جدا واللي يسوق بي ام يعرف انها مش اي عربية
بالرغم من كدة هتتكلم في السعر انا معرفش اتناقش معاك فية
انت بتشتري عربية بسعر اعلي من قيمة وسعر العربية
وفي حاجة عاوز تقارن بين سيارتين لازم يكونو متوافقين مع بعض
انا من غير م اقلل من البيجو بس انا مش هقارنها ب بي ام
انا هقول لصاحب الموضوع صلي استخارة وربنا يكتبلك اللي في الخير
في ناس بسواقتها بهدلت و ضيعت معني وطعم البي ام
وناس حافظت علي عربياتها من موديلات قديمة كما لو اكنها عروسة

[elkorany]

طيب سعر جى ودى كام
سواء مستعملة او زيرو
وانصحك اخيرا بصلاة استخارة قبل النوه

[S O P H O S]

ارشح ال 508 فرأي

[ALshahba]

لو زي ما بتقول قلبك مع البي ام.......... كده تشتري بي ام وانت مطمن
مش موضوع مين احسن من مين ...... لكن طالما "قلبك" ميال لنوع معين حتفضل تبص عليه طول مانت راكب غيرها
من ناحيه تانيه.....البي ام. ثباتها حكاااايه وفراملها فعلا قويه وقوة موتور غريبه
طبعا مش تقليل ابدا من 508 اللي ﻻغبار علي فر املها او ثباتها او شدة موتورها

وجهة نظري المحدوده........... خد 508
لو بتقارن مع 525 حقولك توكل وخد البي ام..... لكن الفئة 3 فى وجهة نظري .....تكسب ال 508

فى امان الله

[J A G U A R]

بالنسبه ليا لو البى ام عارف تاريخها كويس والعربيه حالتها نظيفه وعداد قليل وهاقدر على مصاريفها هاتوكل على الله فيها

غير كده يبقى 508 برضه محترمه وفخمه جدا

[eleanor]

انا ارشحلك البيجو مش علشان انا مالك ليها لا ومع العلم انا من عاشقى البى ام دابليو منذ الطفوله
بس العقل بيقول ليه تركب عربيه فاضيه كماليات لما ممكن تركب عربيه مليانه كماليات
وبعدين البيجو ال508 من يوم مانزلت وهى بالفعل بموتور مينى كوبر نتيجه الشراكه بين البى ام والبيجو
وكمان ارتفاع البيجو عن الارض والوسع والفخامه لصالحها ده مع الثبات طبعا
لكن لو حضرتك قدامك الفئه الخامسه موديل 2008 او 2009 علشان الفتيس الجديد ارشحلك البى ام بدون كلام
وطبعا الراى الاول والاخير راجع ليك فكر كويس واتفرج على الاتنين على الطبيعه
واستخير ربنا واستفتى نفسك وان شاء الله ربنا يكرمك للصح
واى استفسار تحت امر حضرتك