سؤال بخصوص استلام العربية؟

[sadek9]

السلام عليكم

التوكيل كلمنى عشان استلام العربية بيجو 301 و خيرنى ما بين حاجتين:
1- ادفع المبلغ المتبقى بالكامل و اجى بعديها بكام يوم استلم العربيه و المبايعه.
2- ادفع المبلغ بالكامل و استلم العربية فى نفس اليوم من غير المبايعة و اخد المبايعه بعديها بكام يوم.

اية الاصح؟
مع العلم انة رفض يسلمنى العربية و المبايعة فى نفس اليوم اللى بدفع فية باقى تمن العربية؟

شكرا مقدما

[Ahmed abdkarim]

تستلم كله فى يوم واحد

[غزلة]

شكل الموضوع في نصب

[hany63]

شكل الموضوع في نصب

نصب ايه ياباشا ؟

الراجل حاجز في التوكيل يعني لامؤاخذه التوكيل هيعمل خبطة العمر و يقفل بعدها و يهرب تمن ال ٣٠١ بره ؟!!!!

بالنسبه لردي لصاحب الموضوع
بص حضرتك نظام التوكيل انه مش هيعمل جواب المرور الا لما تمن العربيه يتسدد بالكامل و الجواب بيتعمل في الاداره مش في المعرض
انا عن نفسي رحت سددت المبلغ بالكامل و خدت ايصال عشان اثبت تمن العربيه و ميجوش على الاستلام و يقول لي بفعنا السعر
و رحت بعدها ب ٤ ايام خدت العربيه و كنت عارف ان الورق لسه مش جاهز بس ما حبتش اسيبها عندهم و اللي داخل و اللي خارج يفتح و يقفل و يقعد فيها
بعدها بيومين رحت خدت الورق كامل من مجاميعه

[popsasa]

عادى جدا اى توكيل موش هيعمل ورق المرور باسمك غير لما ياخد ثمن العربية وانا شايف الافضل انك تدفع الفلوس وتاخد عربيتك وتروح بعدين تستلم الورق بس الحالتين موش هتفرق الموضةع يرجع الى انك تفضل ايه

[عمرو بندق]

بص يا أستاذ sadek9 أغلب التوكيلات بيكون هو ده نظام التسليم فيها و الموضوع مافيهوش نصب ولا حاجة
أنا حجزت فى التوكيل و أستلمت بعد تسديد المبلغ بالكامل و أخذت ايصال و تانى يوم العربية جابوها من المخازن و غسلوها و ركبتها و مشيت و بعد أسبوع أخذت المبايعة و رحت المرور ... متقلقش ان شاء الله خير و ألف مبروك

[mohab_rashed]

كلام الأخوة مضبوط جدا الموضوع مش نصب ولا حاجه متخافش انا عن نفسي سددت باقي ثمن السيارة واستلمت السيارة وبعدها بحوالي يومين رحت اخدت جواب المرور وعلى فكرة هو بيديك خطاب استلام السيارة وده تقدر تأخذ السيارة وتروح بيها بيه مفيش مشكله وانا فضلت هذا افضل من ترك السيارة تتبهدل في التوكيل لغاية ما يجي جواب المرور من ركوب وفرجه وفتح وقفل وهكذا وطبعا كل واحد ومزاجه والف مبروك وربنا يديك خيرها ويكفيك شرها

[temo2004]

عادي جدا انا دفعت المبلغ كامل واخدت ايصال واستلمت بعد يومين العربية وكل ورقها

[temo2004]

عادي انا دفعت المبلغ كامل واخدت ايصال واستلمت بعد يومين العربية وورقها كله

[sadek9]

شكرا لكم جميعا
انا هتوكل على الله و استلم العربيه و بعدين اخد الورق
جزاكم الله خيرا