حادث ب 301 برجاء المساعدة

[temo2004]

السلام عليكم
انا عملت حادث مش جامد الحمدلله بس حد كان بيعدي الشارع ورجع بضهره حصل اللي حصل الزجاج الامامي لازم يتغير والكبوت اتطبق تطبيقه جامده شويه ومش بيفتح مش عارف اعمل ايه انا لسه مستلم العربية من شهرين ومش مامن عليها لو رحت التوكيل اكيد هياخدوا رقم كبير كبوت وشبكة وزجاج

هل في سمكري كويس يظبطها ولو عملتها بره ده يخرج العربية من الضمان

وشكرا للجميع

[ahmed_moeaz]

اشترى نفسك وفلوسك واعملها ف التوكيل

[mostafa3000]

لو سمكرة ورش وتغيير زجاج بس
روح لاي سمكري شاطر ةهيعملهالك ارخص وأحسن واسرع

[temo2004]

طب لو عملتها بره العربية تخرج من الضمان

[haisam ali]

الف سلامه عليك وقدر الله وما شاء فعل ... والحمد لله اوى انها جت لحد كده ولا تحط فى دماغك ولا تزهق نفسك خالص

بص ياسيدى لو الموضوع باذن الله زى مانت شرحته كده بالظبط هتعمل ايه :-

هتطبع على التوكيل تشترى كبوتك الاصلى والشبكه الاصليه وتطلع على صنايعى شاطر يرشلك الكبوت وهوه مش راكب ويجيب اللون تمام ويكون شاطر اوى وتطلع على سمكرى ابن حلال يغير الشبكه ويركبلك الكبوت تمام والزجاج روح لجريش هيغيرهولك تمام التمام وباذن الله كل حاجه ترجع زى الفل ... اهم حاجه فى الموضوع ده انك تبقى واقف على أيد كل صنايعى وهوه بيعمل كل حاجه وتمد أيدك وتقوله براحه وتعمل معاهم يقوم يخاف على حاجتك وباذن الله بسيطه لاتقلق