ايه رايكم فى بيجو 301 بصراحه

[iso_loma]

ازيكم يا جماعه بصراحه شركه بيجو منزله شويه عربيات كويسه بس مش عارف هل هى بقوه ومتانه البيجو القديم ولا لا و شدتنى جدا البيجو 301 عشان شكلها و امكانيتها و سعرها المنخفض بالنسبه لامكانيتها بالنسبه للسوق حاليا و لما دورت لقيت ان فيه عربيات 301 موديل السنه كتير اوى معروضه للبيع و ده اللى خلانى اشك ان العربيه فيها عيب ز فكنت عايز اسألكم ايه رايكم فى العربيه و ايه مميزاتها و عيوبها وانا غالبا هجيب اول فئه المانوال عشان السيوله فليله ارجو الافاده

[M.Elwan]

لو امكانياتك تسمح باول كاتيجوري في الالنترا ل، مش حينفع اتفرج علي الاوبترا الجديدة والاكسنت rb والريو
قبل ما تاخد قرار في البيجو

[amr_elrashidy]

انسي ....البيجو القديم ده ميتعوضش...ال ٣٠١ الجديده لسه واحد صاحبي مخبوط من ورا عالدائري كان ماشي علي ٥٠ تقريبا و بيهدي و في واحد من ورا خبطه جابت الشنطه لحد نصها رشت دواخل...علي حد قوله انه محسش انه اترزع الرزعه اللي تجيب نص الشنطه نهائي...ده غير انك حاول تنزل تشوفها في معرض و امسك بابها الخلفي و اقفله وشوف وزنه ايه ...ورق

[ENG.MaRk]

مش بحبها خالص

[iso_loma]

يعنى بلاش منها ؟ انا فعلا سعرها مخوفنى منها

[م أحمد]

إذا ا كان دا حالها فتأكد تماما بخصوص الهيونداى و الكيا ان الحال من بعضه ان لم يكن أسوأ

[sayd ali]

كل عام وانتم جميعا بخير

مع احترامى لكل الآراء ولكن ياريت كل واحد يدعم راية بطرق علمية مدعمة بمعايير ومقاييس ومواصفات فنية وهندسية حتى يتمكن السائل من اتخاذ القرار السليم ولا يجعل من لم يمتلك السيارة هو الذى يفكر لو ويعطيه القرار لمجرد آراء مسترسلة أنا سمعت او بيقولو
مع اعتز ارى للإطالة وشكرا

[iso_loma]

إذا ا كان دا حالها فتأكد تماما بخصوص الهيونداى و الكيا ان الحال من بعضه ان لم يكن أسوأ

بصراحه هوه ده اللى خلاني افكر فى البيجو لانى قلت اكيد احسن من الكورى بس فرق الاسعار بينهم كبير بس انا حاسس ان لو 301 كموديل مفيهوش عيب صناعه او عيب معين فاكيد هى احسن من كيا وهيونداى

[sayd ali]

سيدى الفاضل هناك قسم المقارنات يمكنك زيارة والطلاع على المواصفات الفنية لكل سيارة بعد ذالك عندما تقتنع بسيارة معينة صلى صلاة استخارة ثم توكل على اللة وتزكر انك بشترى سيارة عشان تركبها مش عشان تبيعها مهم جداً ان يكون فيها وسائل أمان محترمة مش بس سيارة بتجرى بس متعرفا تقف مكان منا عايز .
تحياتى

[mr.moustafa]

عربية ممتازة جدا ((( في فئتها السعرية )))
بس انا عن نفسي بعد ما قارنت بينها و بين 3 عربيات تانية الحمد لله جبت سيراتو

[Mostafa.Mahran]

سعرها بيدل على حجمها فى سوق السيارات

العربية مع ناس اصحابى و اغلبهم ظباط جيش و جربتها كتير و مسافات طويلة و فى واحد منهم للاسف عمل حادثة بيها و صلحناها

الخلاصة انها عربية عادية و فى افضل منها كتير و هى تتفوق على عربيات قليلة

[fady saher]

لو بتفكر في المنيوال توكل على الله فهى احسن سيارة في هذه الفئة السعرية