مشكلة فى غيارات البيجو 206

[mahmoud mosall]

السلام عليكم
اخيكم محمود من السويس
عندى مشكلة فى غيارات العربية بيجو 206 مو 2001
رحت لميكانيكى قالى اغير الفتيس
انا لسه جايبها من اسبوع ولسه عاوز اعمل طقم سيرفس تغيير زيوت وسيور وفلاتر
مش عارف اعمل ايه .
أرجو من اهل الخبرة الإفادة ابداء بإيه الاول وهو صح اغير الفتيس ولا لا

[م أحمد]

هى مانوال و لا اوتو ؟
و ايه هى المشكلة ؟
ورحت لمين فى السويس ؟

[mahmoud mosall]

مانيوال
واحد اسمه محمد فى المدينة الصناعية يقال انه متخصص بيجو .
الغيار الاول بييجى بطلوع الروح . تحس ان فيه حاجه مكلبشه فيه .
المارش لو جه مبنزلش منه غير لما العربية تبطل واشيل رجلى من على الدبرياج .
وفيه ضاره فى الغيار الثانى .
وشكرا لردك ومتابعتك معايا .

[م أحمد]

بص يا باشا الفتيس بصورة بسيطة عبارة عن جزئين :

- طقم الدبرياج (ديسك واسطوانة وفورش و بلية) و دا وظيفه :

نقل الجركة من الموتور لعلبة التروس من ناحية
تعشيق التروس وفصلها بسلاسة فى وضع السكون للحفاظ عليها من الكسر

- علبة التروس و دى فيها التروس الخاصة بكل سرعة ومن ثم الخروج للكبالن ثم العجل

بالنسبة لحالة حضرتك ممكن يكون الديسك عندك محجر فقد مرونته و ممكن يعمل الاعراض اللى بتقول عليها بالاضافة لبرجلة العربية ورجرجتها عند الطلوع مع الغيار الاول ، أو فورش مكسور

المطلوب :
فى طريق اسفلت نظيف حضرتك تسخن العربية كويس اوى وبعدين تبطلها !!!!!! ههههههههه
بعد ما تبطل العربية عشق الغيار الثانى من غير ما تدوس دبرياج و دور العربية ---- ممكن تبطل منك ----- دور تانى هتدور وتمشى و امشى بالعربية

جرب كدة برضه مع الاول

لونجحت التجربة و العربية مشيت عادى وكمان حسيت بتحسن بسيط فى السحب يبقى انت ان شاء الله محتاج طقم دبرياج فقط و يبص على الفتيس من جوة بدون تغيير ، وكدة التروس عندك مفيهاش مشاكل

و يا ريت تاخد رأى ميكانيكى تانى متخصص بيجو جديد و تناقشه فى الكلام دا و ما يكونش مستعجل على تغيير الفتيس كنوع من الاستسهال او ما شابه و لو مفيش حد عندك فى السويس فى كتير فى القاهرة

و عرفنا عملت ايه و خير ان شاء الله

[mahmoud mosall]

طيب عاوز اعرف كده انا عندى مشكلة فى الفتيس ولا لا