508 الشكل الجديد واعلان التوكيل عنها

[Mghany0]

لاتصدمني ولا حاجه كفايه مشاركتك
بس شفتلها فيديوهات فيها ميموري للكراسي والموتور من طراز euro6 !!!! مش عارف التعديل ده للاسواق الاوروبيه ولا مصر كمان !!! اعتقد بره بس

فى امان الله

بص يا كبير انا بعد لما قلبت الانترنت لاحظت ان الكراسى اللى بميمورى دية هيا نسخة ال gt ودية تقريبا 2000 سى سى و مبتنزلش عندنا و الله العلم
على العموم العربية قدامها اقل من 10 ايام و نشوفها فى فروع بيجو يوم 24 انشاء الله

[Mghany0]

للاسف لايوجد ........ عدادها عادي :zb_sor1[1]:
الشكل من جوه ماتغيرش منه حاجه الا قليل
التغير في الشكل الخارجي وزيادة بعض الكماليات وتغير في الموتور لتقليل الانبعاثات وتقليل الاستهلاك وزيادة القدرة الحصانيه الي 165 حصان

بالتوفيق

فيها عداد ديجيتال و عادى اللى هوة لاشاشة الضغيرة اللى فى نص عدادات السرعه و بتقدر تتحكم فى شكلة و بعض المعلومات التانية

[ALshahba]

بص يا كبير انا بعد لما قلبت الانترنت لاحظت ان الكراسى اللى بميمورى دية هيا نسخة ال gt ودية تقريبا 2000 سى سى و مبتنزلش عندنا و الله العلم
على العموم العربية قدامها اقل من 10 ايام و نشوفها فى فروع بيجو يوم 24 إن شاء الله

تسلم يا جميل
فعلا لما دورت لقيتها معروضه فى روسيا وفرنسا نسخة GT وكانت 2000 سي سي .... ومش حتنزل عندنا علشان النظام المروري لضريبة ال 2000
بلاها ميموري فى الكراسي كفايه انها 2 كرسي كهربا وواسعه جدا من فئة D-Segment
نشوفها ان شاء الله فى المعرض

فى امان الله

[ALshahba]

فيها عداد ديجيتال و عادى اللى هوة لاشاشة الضغيرة اللى فى نص عدادات السرعه و بتقدر تتحكم فى شكلة و بعض المعلومات التانية

صباح الفل
اشكرك علي المعلومه......بس السؤال كان علي العدادات مش شاشة المعلومات
فعلا فيها شاشة معلومات صغيره بتديلك المعلومات اللازمه للعربيه
يعني مثلا الفلوانس الجديده الفيس لفت تم تعديل عداد السرعه بالكامل ليصبح من النوع الرقمي الكامل بدون مؤشر , للاسف لم يتم فى البيجو 508 فيس لفت , التعديل الجاي ان شاء الله

فى امان الله

[wal]

شكرا يافندم وفيه كمان الشاشة اللي فوق التابلوة الشفافة شفتها علي النت في صور العربية بتعرض السرعة ديجيتال وبعض المعلومات لو نزلت في مصر يبقي كويس

[ALshahba]

شكرا يافندم وفيه كمان الشاشة اللي فوق التابلوة الشفافة شفتها علي النت في صور العربية بتعرض السرعة ديجيتال وبعض المعلومات لو نزلت في مصر يبقي كويس

فعلا كانت موجوده من 2011 وكمان فى موديل 3008 ولكن الوكيل فى مصر مانزلهاش
اتمني نشوفها فى الفيس لفت

[Astra200]

فئة اولي 239 ألف --- بدون سنسور بارك خلفي والكراسي قماش بالكامل ( الموديل الأقدم كان فية سنسور بارك خلفي و كراسي جلد في قماش ) والحمد لله في شاشه تاتش تشوف فيها نفسك

فئة تانية 269 ألف --تزيد فتحة سقف وسنسور خلفي وكاميرا خلفية وكراسي جلد في قماش

فئة تالت 299 ألف -- تزيد زينون و حاجات تانية ماعنديش تفاصيلها

[Beyanky]

الفيس ليفت اعلي فئه نزلت ب 299
شاشه في النص
كاميرا خلفيه
ليدات ورا و قدام
زينون بالكامل حتي الفوجات

[Ahmed Amin]

بسم الله الرحمن الرحيم

توكيل بيجو نزل اعلان تشويقى للعربية النهاردة فى الجرايد المحلية

https://fbcdn-sphotos-f-a.akamaihd.net/hphotos-ak-xfp1/v/t1.0-9/10689911_10153372114941416_4977221104261526374_n.jpg?oh=6c686530078fb5fa62ee9b694fbc2bfa&oe=54f81088&__gda__=1422611437_347d3d4b9d31907db5bc23f3d88d6c4b

و العربية حتكون متاحة فى كل معارض البيع ابتاداء من يوم 28 -10 إن شاء الله

اية رايكم

شكراً علي الخبر,
ممكن لنك الأعلان اللي قريت منه التاريخ
لأن مش ظاهر لينا غير الصورة بس ومش متوضح عليها تاريخ بداية تواجدها او البيع.

[eslamegm]

معني كده ان الفئة التانية لا يوجد بها زينون

[AHMEDJUDDY]

العربيه يا جماعه بقت موجوده في التوكيل
والاسعار 239 ، 269 ، 299 الف جنيه .والله العظيم شفت محدش قالي
العربيه جامده جدا جدا جدا . الكماليات كتير . الفئه الاولي مش فاضيه فيها شاشه تاتش و gps وجنط 16
والتانيه فيها فتحه سقف و زينون كامل وكاميرا خلفيه ومرايات كهرباء و التالته جنط 17 وجلد كامل وستارت انجن و.... كذا حاجه تانيه . حجز ب 10000جم واستلام من 1.5 الي 2 شهر ...

[ALshahba]

فين الصور يا جماعه والتقارير الناريه

[Astra200]

فين الصور يا جماعه والتقارير الناريه

مش لما التوكيل نفسه يعرف حاجة عن العربية

الصور موجود علي الانترنت وفيديوهات كمان

Official International Peugeot Website - Peugeot

[carrier]

فعلا منافس شرس للاوبل

[ahmedmohamed7]

العربية شوفتها ماشية امبارح عن السراج مول _ مدينة نصر مش معلقة نمر لونها اسود .......رسمة الفوانيس مع الفوجات تحفة ماشاء الله ليها شخصية مختلفة .....ماشاء الله