سؤال بسيط ارجو المساعدة

[MOSTAFA_ AHMED]

سيارتى بيجو 405 اتوماتيك وهى تحتاج الى نصف عمرة(طقم شمبر)
وقد زاد استهلاك البنزين فى الفترةالاخيرة بنسبة كبيرة جدا
فهل لان الموتور خفيف زاد الاستهلاك واذا تم عمل طقم الشمبر ستعود الامور كما كانت؟
ام انه لا توجد علاقة بين الاثنين؟

[إبراهيم المصرى]

1- طبعاً فى علاقة بين التفويت واستهلاك البنزين الزائد لان الوقود لا يستغل كله فى توليد الطاقه وتذهب نسبة منه بلا فائده نتيجة التفويت
2- وكمان لازم مع طقم الشنبر يتبص على وش السلندر لو الصبابات مش كويسه يبقى لازم يروح للخراط وتتغير والدلايل والوش لو محتاج فريزه او قشط ويتعمل روديه ومهم يكون خراط كويس

3 - التأكد من كفاءة دورة التبريد( الردياتير - المروحة - الترموستات -طرمبة الميه ) لان السخونة الزائدة تتسبب فى زياده الاستهلاك
4 - كفاءة الشكمان عشان لو الشكمان فى سدد فى العلب او تأكل ممكن يكتم الموتور ويود السخونه ويقلل كفاءة المحرك وبالتبعيه يزيد الاستهلاك
5 - وخلى بالك من ضبط الهواء بالكاوتش لانه قله ضغط الهواء تزود الاستهلاك

[إبراهيم المصرى]

ولو كان الفتيس عادى كنت قولتك شيك على مجموعة الدبرياج
معرفش الاتوماتيك بيتبص عليه ويتعمله صيانة ولا لاء لكن اكيد يتبص على الزيت بتاعة ولو يتغير يكون احسن لو بقاله كتير او عمل اكتر من 50 الف كم وعموما خبراء القسم يفيدوك اكتر خاصةً بالبيجو 405 بالذات هما خبراء