508 ولا اوكتافيا a7

[Ahmed Amin]

انا كنت في نفس الخيار بالظبط من فترة وتم تفضيل البيجو في الأخر
قوه الموتور في صالح البيجو موتور تربو مقابل موتور 110 حصان في الأسكودا
العفشه في البيجو مالتي لينك مقابل تورشن بيم في الأسكودا .
ثبات البيجو الحمد لله من ملاكها محدش اشتكي منه مقابل ان في ناش بتشتكي من الثبات في الأسكودا بعد 170 ك
العفئشة اريح في البيجو مقابل ان الأسكودا فيها دبه واضحه في الطرق الغير مستويه والمكسرة وبتكون ملحوظه .
فتيس البيجو فيه تناغم بدون مشاكل مع الماتور التربو الموجود عليها
طبعا التسارع والسرعه القصوي في صالح البيجو .
الشكل الخارجي طبعا اذواق ولكني اميل للبيجو لأحساسي بالفخامة وطبعا لأنها فئه اعلي من الأسكودا .
التقفيل الداخلي الأثنين ممتازين .
قطع الغيار ارخص نسبيا في البيجو ولكن في مجمل العربيه الأثنين قريبن من بعض والفارق لن يكون فارق في قرار الشراء ( مرايه كهرباء البيجو 1200 جم مقابل 3500 للأسكودا من غير تعتيم وبالتعتيم 6500 جم ، المساعد في البيجو 500 مقابل 950 في الأسكودا - سير الكاتينه في البيجو جنزير - والفلاتر وباقي السيور ارخص من الأسكودا - الفوانيس العاديهفي صالح الأسكودا لكن مش بفرق ملحوظ ولكن مش فاكر سعر فانوس الزينون )
الأوبشن معتقدش ان في فارق لأن الأثنين ما شاء الله فيهم كل حاجة ما عدا الركن التلقائي مش موجود في الأثنين واعتقد ان الأسكودا مفهاش حساس اضاءة ولكن البيجو تزيد تكيف رباعي التحكم لكل راكب علي حده ( محدش بيستعملوا ) وفرامل يد كهربائيه .
الأسكودا تزيد فتحه سقف بانوراما مقابل فتحه عاديه في البيجو

وانا كنا خلاص كنت هحجز البيجو بس عرفت ان في فيس ليفت متوقع ينزل علي اول السنه فتم التراجع عن قرار البيجو وتم حجز الأسكودا ولكن خلاص تم فتح باب الحجز في توكيل بيجو للشكل الجديد واعتقد ان ممكن يبقي في تسليمات علي منتصف شهر 11 ان شاء الله .
الشكل الداخلي الأثنين حلوين ويفرق بس انطباعك الشخصي وراحتك النفسيه .

طبعا اعادة البيع في صالح الأسكودا - ولكن لو هتحتفظ بالعربيه شويه يبقي تركب ئل نفسك فيه ايا كان قرارك .

وبالتوفيق ان شاء الله في اختيارك .

مقارنة محايدة شاملة وممتازة,
تسلم أيدك عليها

[Moratoz]

الاوكتافيا بالنسبه لي سحبها مكتوم تحس انك بتتحايل عليها عشان تمشي

الأوكتافيا مش مكتومة في السحب ولكن هي جسم العربيه تقيل علي الموتور فبيخلي السحب في الأول بطئْ ( رزينه في المشي ) ولكن بعد سرعه 60 ك تقريبا بيبقي سحبها مرضي ومناسب لظروف السواقة العاديه ولكن طبعا كمجمل لا تقارن في السحب بالسيفك .

[mostafa3000]

مع احترامي للجميع
طبعا البيجو عربية لا خلاف عليها وكاتجوري اعلي من الاوكتافيا
لكني فضلت عليها الاوكتافيا لاقتناعي بها التام

[Ahmed Amin]

مع احترامي للجميع
طبعا البيجو عربية لا خلاف عليها وكاتجوري اعلي من الاوكتافيا
لكني فضلت عليها الاوكتافيا لاقتناعي بها التام

ألف مبروك علي العربية الجديدة وربنا يبارك لك فيها.
مستنين بقي تقريرك وأنطباعك عنها في قسم أسكودا بعد أول ١٠٠٠ كيبو.

[ahmed sa3ed]

انا كنت فى نفس حيرتك
ولو عايز راى قلبي بيقول بيجو
وعقلي قالى اوكتافيا
ومعايا الاوكتافيا الحمد لله ما شاء الله عليها
بس حلوة مع مين مع فئتها كورولا واسترا
مش بيجو ٥٠٨ المقارنه دى لو فنيه بحته يبقي بنظلم الاوكتافيا لان فرق فئه عن فئه يفرق فى ااقل مسمار فى العربيه
عايز سوبر كار يبقي بيجو وليها معامله خاصه جدا علشان متتبهدلش بسرعه كعادة الفرنساوى
عايز حاجه تمشي مع الواقع والشوارع والبنزين السيء يبقي اوكتافيا