إستفسار هام من ملاك 301

[faroojj]

السلام عليكم .. كنت قريت عن بعد خصائص العربية و أنها فيها خاصية عند الضغط على الفرامل فجأة على سرعة عالية يتم تشغيل أنوار الإنتظار تلقائى وعند التحرك ثانية تغلق الأنوار تلقائى بس كل ده محصلش معايا فهل ده عيب فى العربية و لا الخصية دى مش موجودة أسساً

[2CODE]

لأ هي الخاصية دي مش بتشغل الانتظار دي بتشغل نور الفرامل بشكل متقطع وسريع

ودي عندي في العربية بس مش عارف لو عندك يبقى لازم تلاقي نور الفرامل هو اللي بينور ويطفي بسرعة

لو موجودة في الـ301 هتلاقيها في نور الفرامل مش الانتظار ويمكن تكون موجوده في مواصفات برا مصر ومش موجودة هنا

وده مش عيب في العربية خلي بالك وانا مش شايف ليها لزمة اساساً هههههههههههه

[hany63]

يا سيدي لو الطريق وقف مره واحده ابقى شغل الانتظار بنفسك
ما حك جلدك مثل ضفرك ههههه
انا المفروض عندي الخاصيه دي بس كده كده بشغل الانتظار بنفسي و ربنا يبعد عن الجميع المواقف الصعبه

[yasser100]

خاصية الفلاشر للانتظار عند الضغط الشديد على الفرمله مش موجوده فى ال 301 . انا عارفها لانها موجوده فى الفلوينس و بتدى فلاشر انتظار سريع اسرع من الفلاشر العادى . بتقول للى ورا انه فيه حالة طوارئ فجائيه و بعدين تطفى تانى لوحدها

[yasser100]

يا سيدي لو الطريق وقف مره واحده ابقى شغل الانتظار بنفسك
ما حك جلدك مثل ضفرك ههههه
انا المفروض عندي الخاصيه دي بس كده كده بشغل الانتظار بنفسي و ربنا يبعد عن الجميع المواقف الصعبه

مع الفرمله الشديده و حالةىالطوارئ انت مش بيكون فى دماغك تلحق تدوس على ايه من اصله . لانه كل تركيزك فى الوضع الطارئ اللى انت فيه و التصرف و دى ما بتشتغلش الا فى الفرمله الشديده بس .

[islam.3bada]

لا موجودة يا باشا انا معايا الاليزيه توام الـ 301 و الخاصية موجودة و اشتغلت معايا اكتر من مرة و هى بتنور الفلاشر ( الانتظار) مش نور الفرامل بيشتغل بنمط اسرع من العادى
جربها في طريق فاضى و ميكونش وراك حد و انزل بالسرعة جامد من سرعة اعلى 100 كم/ساعة
لو مشتغلتش ارجع للتوكيل ممكن تكون عايزة تتاكتف

[islam.3bada]

خاصية الفلاشر للانتظار عند الضغط الشديد على الفرمله مش موجوده فى ال 301 . انا عارفها لانها موجوده فى الفلوينس و بتدى فلاشر انتظار سريع اسرع من الفلاشر العادى . بتقول للى ورا انه فيه حالة طوارئ فجائيه و بعدين تطفى تانى لوحدها

عشان موجودة فى الفلوينس تبقى مش موجودة فى الـ 301 !!!

[yasser100]

عشان موجودة فى الفلوينس تبقى مش موجودة فى الـ 301 !!!

الراجل هو اللى بيقول انها مش موجوده و اللى رد عليه قال له بديلها فى ال 301 نور الفرامل :) مش انا اللى باقول .

انا باقول له عارفها لانها موجوده فة الفلوينس و فايدتها كذا و كذا و بتختلف عن نور الفرامل . لكن انا اصلا مش داخل فى مقارنه ما بين الفلوينس و ال 301 .او السي اليزيه :)

[مهدي أيمن]

السلام عليكم .. كنت قريت عن بعد خصائص العربية و أنها فيها خاصية عند الضغط على الفرامل فجأة على سرعة عالية يتم تشغيل أنوار الإنتظار تلقائى وعند التحرك ثانية تغلق الأنوار تلقائى بس كل ده محصلش معايا فهل ده عيب فى العربية و لا الخصية دى مش موجودة أسساً

اتا معايا سي اليزي وهاته الخاصية موجودة فيها لانها حدثت لي يوما واخافتني لانني لم اكن اتوقعها

[hany63]

اتا معايا سي اليزي وهاته الخاصية موجودة فيها لانها حدثت لي يوما واخافتني لانني لم اكن اتوقعها

هوا ايه اللي بيخوف فيها ؟

[Ashraf Fawzy]

الخاصية دى موجودة فى الـ 301, بس الكلام ده لما تبقى ماشى على سرعة عالية 100 أو 120 فما فوق و تضغط فرامل (تكبس فرامل) بقوة لدرجة إنك تسمع صوت نظام الإيه بى إس (زى تخبيط الحديد على الطنابير), فبتشتغل خاصية تشغيل ضوء الإنتظار السريع بصورة أوتوماتيكية عشان تنبه اللى وراك.