تكتكة جامدة في اول 3 ثواني بعد الدوارة الصبح

[Abdo Taha]

السلام عليكم يا رجالة الصبح اول ما العربية بتدور بسمع صوت تكتكة كده في اول 3 ثواني و بتروح يعدها على طول
ده غير اني اول ما ادور الاقي ال rpm نط ل 2000 و بعدها بينزل تدريجيا ده ممكن يكون من ايه ؟

العربية 406 موديل 2005 اوتوماتك

[محمد يوسف]

اكشف على كباس التكييف

[Abdo Taha]

اكشف على كباس التكييف

بس انا مبشغلش التكييف او ما بدور

[محمد يوسف]

بس انا مبشغلش التكييف او ما بدور

أنا ما اعرفش السير عندك فى البيجو منفصل ولا سير مجموعة... لو سير مجموعة يبقى دى خشونة فى البلية بتاعة كومبريسور التكييف .. ومش شرط تشغل التكييف عشان تسمعها لأن الطنبورة بتلف على السير أول ماتدور

لو سير التكييف منفصل يبقى شيك على بلى الدينامو

[J A G U A R]

ممكن يكون صوت الكوستبانات
مفيش منه قلق

[Abdo Taha]

ممكن يكون صوت الكوستبانات
مفيش منه قلق

في انه يظهر و يبقى عالي و يختفي مرة واحدة عادي ؟

[Abdo Taha]

أنا ما اعرفش السير عندك فى البيجو منفصل ولا سير مجموعة... لو سير مجموعة يبقى دى خشونة فى البلية بتاعة كومبريسور التكييف .. ومش شرط تشغل التكييف عشان تسمعها لأن الطنبورة بتلف على السير أول ماتدور

لو سير التكييف منفصل يبقى شيك على بلى الدينامو

هشوف كده وقت صيانة السيور و اعرف

[J A G U A R]

في انه يظهر و يبقى عالي و يختفي مرة واحدة عادي ؟

لو الصوت بتسمعه اول العربيه ما تدور الصبح وبيروح وييجى وهيا بارده وبعد ما تسخن بدقيقتين تلاته الصوت بيروح يبقى ان شاء الله مفيش قلق

[محمد يوسف]

لو الكوستبانات يبقى الصوت حايطول مش 3 ثوانى بس وحايبقى مسموع من قلب الموتور

هو حضرتك الزيت عندك ناقص أو خفيف أو متأخر فى غيار الزيت والفلتر ؟

[ahmdghalwash]

هشوف كده وقت صيانة السيور و اعرف

السلام عليكم-----ده صوت في الكستبانات.ناتج عن تكرار تاخر تغيير الزيت...طالما لايطول فترته متقلقش...وممكن يصاحبه هزه خفيفه في جسم السيارة....توجد بعض الاضافات تقوم بتنظيف الكستبانات واضاعة هذا العرض..............
م-احمدغلوش

[Abdo Taha]

السلام عليكم-----ده صوت في الكستبانات.ناتج عن تكرار تاخر تغيير الزيت...طالما لايطول فترته متقلقش...وممكن يصاحبه هزه خفيفه في جسم السيارة....توجد بعض الاضافات تقوم بتنظيف الكستبانات واضاعة هذا العرض..............
م-احمدغلوش

صح فعلا في هزة خفيفة في اول ما العربية بتروح بعد ما تسخن شوية

[ramez010]

انا عندي نفس المشكلة دية بس الصوت بيطول ممكن يوصل ل 30ث والعربية باردة بس
حضرتك لاقيت حل للمشكلة ؟

[Abdo Taha]

انا عندي نفس المشكلة دية بس الصوت بيطول ممكن يوصل ل 30ث والعربية باردة بس
حضرتك لاقيت حل للمشكلة ؟

هو بدأ يختفي خالص بس الجديد بقى ان العربية بقت بتبطل الصبح اول ما اجيبها على ال r

[تامر.محمد]

عرفت سبب المشكلتين ايه ؟

لو واحد معاه ميجان اشتكى الشكوتين دول كانت الردود عندي جاهزة
بس انا حابب اعرف ايه اللي حصل معاك :)

[Abdo Taha]

عرفت سبب المشكلتين ايه ؟

لو واحد معاه ميجان اشتكى الشكوتين دول كانت الردود عندي جاهزة
بس انا حابب اعرف ايه اللي حصل معاك :)

المشكلة بتاعة التكتكة كانت كستبنات .. و راحت مع تغيير الزيت مرتين

المشكلة التانية مش عارف ... و العربية خلاص اتباعت بقالها 4 او 5 شهور فمتابعتش المشكلة