قطع غيار بيجو 605

[mohamedadelemam]

السلام عليكم .. انا عندى سيارتين بيجو 605 بس بقيت اعانى مشكلة انى مبلاقيش قطع غيار لهم بالذات واحده منهم انجكشن موديل 98 مبلاقيش حجه تقريبا موتور ولا عفشه ولا بودى فارجو من خبراء بيجو مساعدتى لو حد يعرف اماكن فيها قطع غيار 605 جديد او استيراد ومتشكر جدا

[ahmedalaahosny]

الوكاله او عزبه شلبى

[Anaslbda]

مش عابز احبطك لكن ل605 قطع غيارها نادرة في السوق ولازم تعرف انك هتتعب جامد.
الدكتور اللي في السلام طريق بلبيس بيبقى احياناَ عنده قطع غيار ليها وممكن يجيبهالك بالطلب.

[م أحمد]

بص يا سعادة الباشا

أولا :
حضرك حدخل على موقع Peugeot service box و تكتب ال Vin باع العربيات بتاعتك
طب هنستفيد ايييييييييييييه؟
هتعرف ال Part number لكل حتة فى العربية بالتفصيل والرسومات

ثانيا :

هتطلب اى قطعة غيار انت عايزها عن طريق النت ب Part number بتاعها عن طريق عمل ال search علشان ما تطلبش حاجة بتاعت عربية تانية و هناك طريقتين للشراء :

1-تعمل فيزانت من بنك مصر فرع التوفيقية وتسيب الفلوس اللى انت عايزها وتطلب من المواقع بنفسك مباشرة
وده بياخد وقت فى الشحن من تلات ل 4 اسابيع شحن بدون عمولة وسيط و بتستلم الحاجة من مكتب البريد التابع ليك حسب العنوان اللى انت كاتبه
2-تشترى الحاجة برضه من النت عن طريق المواقع الوسيطة زى " ادفعلى " ودا زمن شحن اقل و تكلفة اضافية

و ان شاء الله هتلاقى الموضوع اوسع بكتير اكتر ما انت متصور أصلى و تقليد و جديد و قديم

زائد دخول الصين الموضوع ممكن تلاقى قطع غيار لكل حاجة حتى للبيجو 301 بتاعة التلاتينات !!!

[mohamedadelemam]

جزاكم الله خيرا يا جماعه..بشمهندس احمد رقم الvin اللى هو مكتوب فى اول رقم الشاسيه يا فندم ولا ايه بالظبط ومتشكر جدا جدا لحضرتك

[م أحمد]

ال vin هو العدد المكتوب على الشاسيه تحت الكبوب بالكامل من 14 رقم تقريبا