المروحة بتشتغل متأخر

[Moe86]

من 4 شهور ظهرت مشكلة عندى و لسة مستمرة:

1- المروحة مش بتشتغل تماما الإ لما الحرارة توصل ل100 (مش 90!) , بتشتغل ثوانى على السرعة التانية لحد ما الحرارة تنزل ل95 , و هكذا...
2- زمان كنت لما اطفى الموتور بعد مشاوير, المروحة تفضل شغالة دقيقة و تبطل مع نفسها, حاليا مش بيحصل كدة !

غيرت طرمبة المياه و الثرموستات (قطع جديدة اصلى) .... مفيش فايدة
اكتشفت كسر فى الردياتير و غيرته ......... مفيش فايدة

علما بأن الميكانيكى بيطلع الهواء من دورة التبريد بعد اى خطوة

هل كدة لسة فى هوا فى دورة التبريد؟ و لا مقاومة المروحة بايظة؟ انا تعبت نفسيا

شكرا مقدما للمشاركات

[Mecha]

ممكن حساس الحراره استجابته قلت

[Moe86]

ممكن حساس الحراره استجابته قلت

فى ال207 و 307 حساس الحرارة موجود فى الثرموستات (اللى انا مغيره قريب)

[Anaslbda]

أنا عندي الحرارة بتوصل ل 100 وبعدها المروحة تشتغل. متعايش مع الموضوع عادي.

[Mecha]

بدل ريليه المروحه

[Moe86]

أنا عندي الحرارة بتوصل ل 100 وبعدها المروحة تشتغل. متعايش مع الموضوع عادي.

لأ كدة غلط, لسببين:
اولا قراية العداد بتبقى مش دقيقة, يعنى لما يطلعلك 100 فى الحقيقة بيبقى 105 مثلا, و اتأكدت لما وصلت العربية بجهاز الكمبيوتر و شوفت الحرارة الفعلية بالأرقام اعلى شوية

ثانيا عند 100 المياه بتتحول من سائل لغاز و دة بيخلى الضغط جوة دورة التبريد يزيد جدا و بيسهل حصول تسريب للمياه من عند غطا القربة أو أى أفيز ضعيف

اضرار السخونة لمدة طويلة كتير , أوالها بالظهور تلف جوان التاكيهات فبيحصل تسريب زيت على جوانب الموتور
و طبعا اخطر حاجة تلف جوان وش السلندر لأن تغييره بيكلف كتير جدا

بدل ريليه المروحه

فعلا الريلاى Relay او مقاومة المروحة طلعت بايظة, متشكر لإقتراحك
السبب غالبا ان الردياتير كان مكسور من فوق و كان فى مياه مصدية بتنزل منه على الريلاى مباشرة
دة شكل الريلاى القديم ... طالع عينه !

[م أحمد]

شكرا لنقل التجربة

[ahmed_hym99]

يعني المشكلة اتحلت؟
و ممكن تقولنا اتكلفت كام لانى عندى نفس المشكله فى ال 206

[Moe86]

يعني المشكلة اتحلت؟
و ممكن تقولنا اتكلفت كام لانى عندى نفس المشكله فى ال 206

المشكلة اتحلت الحمد لله بس انت لازم تتأكد الاول ان مفيش اى هواء فى دورة التبريد
فى ال207 عندى مثلا لما بشيل العمة بتاعة فلتر الهوا بيظهر وراها بلفين كدة زى بتوع عجل العربية (منهم واحد فى الثرموستات), الصبح و العربية باردة تماما طلعت منهم شوية هواء كانوا محبوسين, معرفش الموضوع دة فى 206 برضو ؟!

المروحة كانت بايظة عندى و اشتريت واحدة من سنة استيراد و معاها المقاومة بالمرة ب 500 جنيه
اعتقد المقاومة لوحدها ب 50 او 100

[ahmed_hym99]

المشكلة اتحلت الحمد لله بس انت لازم تتأكد الاول ان مفيش اى هواء فى دورة التبريد
فى ال207 عندى مثلا لما بشيل العمة بتاعة فلتر الهوا بيظهر وراها بلفين كدة زى بتوع عجل العربية (منهم واحد فى الثرموستات), الصبح و العربية باردة تماما طلعت منهم شوية هواء كانوا محبوسين, معرفش الموضوع دة فى 206 برضو ؟!

المروحة كانت بايظة عندى و اشتريت واحدة من سنة استيراد و معاها المقاومة بالمرة ب 500 جنيه
اعتقد المقاومة لوحدها ب 50 او 100

شكرآ لردك و الموضوع عندى زى عند حضرتك بالضبط و رحت نظفت دورة التبريد فى البنزينه و فرغ الهوا من الخرطوم اللى رايح للقربه و الموضوع اتحسن كتير و لكن المروحة برده مبتشتغلش بعد ما أبطل العربية غير الأول و الحرارة برضه بتعلى مع الجرى بس مش زى الأول
فمن فضلك تقوللى أفضى الهواء من خراطيم الهوا تحت الفلتر ازاى و لو فيه صور أكون شاكر و ربنا يجعله فى ميزان حسناتك

[Moe86]

شكرآ لردك و الموضوع عندى زى عند حضرتك بالضبط و رحت نظفت دورة التبريد فى البنزينه و فرغ الهوا من الخرطوم اللى رايح للقربه و الموضوع اتحسن كتير و لكن المروحة برده مبتشتغلش بعد ما أبطل العربية غير الأول و الحرارة برضه بتعلى مع الجرى بس مش زى الأول
فمن فضلك تقوللى أفضى الهواء من خراطيم الهوا تحت الفلتر ازاى و لو فيه صور أكون شاكر و ربنا يجعله فى ميزان حسناتك

اولا اسف جدا على الرد المتأخر بس انا مكنتش شوفت الموضوع
الصورة موضحة مكان البلفين اللى كنت بقول عليهم (شبه بتوع الكاوتش), فيهم واحد يعتبر جزء من الثرموستات
المنظر دة طبعا بعد ما شلت عمة الهوا