Tweet
حد يقدر يفيدنا عن 206 هل قطع غيارها غالية ومتوسط أسعارها ايه وهل قطع الغيار متوفرة .. مع تحياتى
-
-
بص يا باشا،
قطع غيار العربية متوفرة في كذا مكان، و دا لأنها كانت بتنزل زيرو لحد بعد 2008، دا غير إن الموتور بتاعها هو هواه بتاع ال207 و السيتروين الC3 القديمة و فيه منه حاجات مشتركة مع كذا موديل في البيجو.
بخصوص أماكن البيع، خد عندك:
- سمير المسيري في شارع السودان: لو عايز حاجات أصلي أو فاليو فرنساوي.
- غربية موتورز في مدينة نصر و طنطا: دا وكيل بيجو في مصر و عنده كل حاجة أصلي.
- شارع دمشق في الكوربة: فيه 5 محلات بيجو هناك عندهم حاجتها فرنساوي أو إتحاد أوروبي.
- التوفيقية: فيه كذا محل هناك عنده حاجتها لكن أنصحك ماتجيبش من هناك غير الحاجات البلاستيك (مرايات، فوانيس...) عشان فيه هناك بضاعة مضروبة كتير.
- الحرفيين و الوكالة: عندهم حاجتها الإستعمال كلها من أول المكنة لحد الطفاية.
بخصوص أسعار قطع الغيار:
- فلتر بنزين: 50 جنيه
- فلتر زيت فرنساوي أو مغربي: 50 جنيه
- فلتر هوا أصلي: 110 جنيه
- جوان غطا وش التاكيهات: 50 جنيه
- سير كاتينة أصلي: 350 جنيه
- سير كاتينة gates أسباني أو Bosch ألماني: 80 جنيه
- سير دينامو أصلي: 250 جنيه
- سير دينامو gates أسباني: 110 جنيه
- تيل فرامل أصلي: 325 جنيه
- طنابير فاليو فرنساوي: 250 جنيه
- مساعدين أمامي إتحاد أوروبي: 600 جنيه الإتنين.
- مقصات إتحاد أوروبي: من 600 ل750 الإتنين.
- تيش ميزان: 300 جنيه الإتنين.
- صوابع دركسيون أصلي بالبيض بتاعها: 1050 جنيه.
- طقم دبرياج فاليو فرنساوي: 900 جنيه.
- سلك دبرياج أصلي: 150 جنيه.
- حساس كرنك أصلي: 250 جنيه.
- حساس حرارة أصلي: 200 جنيه.
- آيدل كونترول أصلي: من 550 ل725 على حسب الموديل.
- طرمبة مياه فاليو فرنساوي: 250 جنيه
- ردياتير أصلي: 750 جنيه
- طرمبة بنزين أصلي: 1050 جنيه، و ممكن الميكانيكي يغير لك القلب بتاعها بس ب200 جنيه ولا حاجة.
- فوانيس كريستال أمامي إستعمال خارج: من 250 ل300 الواحد على حسب هتاخده بالموتور بتاعه ولا لأ.
- فوانيس خلفي إستعمال خارج: من 150 ل200 جنيه من الوكالة.
Comment