5 اسئله بخصوص 301

[a1hmed.omar]

1.السعر هو معقول ولا حضرتك ايه من وجهه نظركم 143 موزع معتمد اوفر برايس

2.بمناسبه السعر اتمنى طبعا اكون مستلم اخر دفعه من 2015 مايكنش الاستوك قديم لان قريت ان الموضوع ده ممكن يحصل والعربيه تكون قديمه واذاي اعرف ان العربيه موديل 2015

3.نصائح عند استلامي 301 ضروري لاصحاب الخبره

4. نصائح بعد الاستلام .علما بان اول مره اتعامل مع الزيرو

5.ايه الكماليات ال ممكن اضيفها بره الوكيل وماتخرجنيش من الضمان

[a1hmed.omar]

ارجوووو الاهتمام

[matrix_ahlawy]

1- السعر مناسب جدا على امكانيات وكماليات وأمان العربية و تعتبر احسن عربية في نفس الفقة السعرية

2- انا كنت علمت العربية موديل 2015 ان في اطار نيكل كروم على ازاز الشبابيك من تحت بس والاطار دا مش موجود في الموديلات اللي قبليها

3- لما تيجي تستلم بأذن الله اتأكد من ان كل حاجة شغالة ( التكيف على كل مستواياته - الكاسيت جرب ال cd وال aux وال usb والبلوتوث - الولاعة - المفاتيح مفتاح ريموت والتاني عادي - اتأكد من ان مافيهاش اي خدوش من برة - الباركينج سينسور - صوت الماتور والعربية واقفة شبه منعدم وعادية جدا - اتأكد من الستبن والفوانيس كلها شغالة تمام )

4- اول ما تستلم على طول حط بنزين وظبط هوا عشان بيبقى زيادة ممكن تظبطه على 30 كويس بالنسبالها

5- بصراحة انا مش شايف اي كماليات ممكن تتضاف لها بس عموما لو حابب تضيف ابعد عن اي حاجة ليها علاقة بكهرباء لأن نظام الفرنساوي كله معقد جدا في تركيباته و ناس كتير جدا برة التوكيل تخاف تشتغل فيه و لو عايز تضيف حاجة الاول يستحسن تسأل في التوكيل

مبروك عليك العربية مقدما

[abohend]

إجابة على السريع

1- اﻷوفر برايس بالنسبة لي في جميع اﻷحوال أستغلال..لكن لو محتاج العربية بسرعة و مضطر ليه يبقى شوف اﻷرخص و هات منه و هل 143 معقول و لا ﻷ فده راجع للعرض و الطلب
يعني لو متوفرة عند حد تاني ب140 يبقى 143 كتير
لكن لو ده أفضل سعر يبقى تمام
2- رديت عليك فالموضوع التاني
3- راجع مواضيع الملاك هتلاقي اﻹجابة...أنا داخل من تاب و مقدرش أرغي
4- برضه نصائح التليين هتلاقيها في مواضيع الملاك..لنفس السبب السابق
5-كماليات خارجية بس..لا علاقة لها بالميكانيكا او الكهرباء
فاميه
نواكل
حليات عتب
عزل كبوت
يعني كله كلام فارغ
لكن شاشة تاتش او وحدة رفع او إنذار او أي حاجة مفيدة بجد لازم فالتوكيل
و لﻷسف التوكيل معندوش غير وحدة الرفع و باكتر من 1000 جنيه
و نور الدين..موزع معتمد..بيركب شاشة dvd على المخادع ب4000
و ده رقم خيالي طبعا

[a1hmed.omar]

متشكر جدا واسف على تاخير في الرد